وعان «اتامەكەن» ۇكپ باسقارما توراعاسىنىڭ ورىنباسارى رۇستەم ءجۇرسىنوۆ, ۇلتتىق ەكونوميكا مينيسترلىگى جانىنداعى «ەكونوميكالىق زەرتتەۋلەر ينستيتۋتى» اق سالالىق ساراپتاما ورتالىعىنىڭ ديرەكتورلارى ايجان تولەپبەكوۆا مەن دينارا اقىنبەكوۆا قاتىستى.
جيىندا ر.ءجۇرسىنوۆ «ىسكەرلىك احۋال – 2016» زەرتتەۋى قازاقستانداعى كاسىپكەرلىكتى دامىتۋ مەن بيزنەستى جاقسارتۋعا مۇمكىندىك بەرەتىنىن اتاپ ءوتتى.
–«الەۋمەتتىك زەرتتەۋدى «اتامەكەن» ۇلتتىق كاسىپكەرەلەر پالاتاسىنىڭ تاپسىرىسىمەن ۇلتتىق ەكونوميكا مينيسترلىگىنىڭ جانىنداعى ەكونوميكالىق زەرتتەۋلەر ينستيتۋتى جۇرگىزدى. ساۋالناماعا 2016 جىلى 4100 رەسپوندەنت-كاسىپكەر قاتىستى, بۇل كورسەتكىش 2015 جىلمەن سالىستىرعاندا 2 ەسە كوپ, – دەدى رۇستەم ءجۇرسىنوۆ.
دينارا اقىنبەكوۆانىڭ ايتۋىنشا, زەرتتەۋدىڭ ماقساتى قازاقستانداعى ىسكەرلىك احۋالدىڭ جاعدايىن زەرتتەۋ, كاسىپكەرلىكتى دامىتۋ ءۇشىن جاقسى جاعداي جاسالعان نەمەسە جاعدايى جوق وبلىستاردى انىقتاۋ بولدى.
–«رەيتينگ اياسىندا اكىمشىلىك رەتتەۋ, مەملەكەتتىڭ بيزنەستى قولداۋى, جىلجىمايتىن م ۇلىك پەن ينفراقۇرىلىم, ادام رەسۋرسى, قارجىلىق رەسۋرس, سونداي-اق سىبايلاس جەمقورلىق پەن كولەڭكەلى ەكونوميكا دەڭگەيى سەكىلدى كورسەتكىشتەر ەسكەرىلدى, – دەپ اتاپ ءوتتى ايجان تولەپبەكوۆا.
ونىڭ ايتۋىنشا, زەرتتەۋدىڭ قورىتىندىسى الماتى قالاسىندا كاسىپكەرلىكتى دامىتۋعا اناعۇرلىم جاقسى جاعداي جاسالعانىن كورسەتكەن.
–2015 جىلعى كورسەتكىشپەن سالىستىرعاندا الماتى ەكى تارماققا جوعارى كوتەرىلىپ, استانا قالاسىن ەكىنشى ورىنعا ءتۇسىردى. سونىمەن قاتار وڭتۇستىك قازاقستان وبلىسى ءۇشىنشى ورىندى يەلەنگەن. بۇل وبلىس 2015 جىلعى كورسەتكىشىن ءۇش ساتىعا جاقسارتقان. رەيتينگتى اياقتايتىن وڭىرلەر قاتارىندا سولتۇستىك قازاقستان, قوستاناي جانە قىزىلوردا وبلىستارى بار, – دەدى ول.
ساۋالناماعا قاتىسۋشىلار كەدەندىك ورگانداردا, ەكونوميكالىق زەرتتەۋ قىزمەتى مەن كولىك ينسپەكتسياسىندا سىبايلاس جەمقورلىق دەڭگەيى جوعارى دەپ كورسەتكەن. ونىڭ ىشىندە سىبايلاس جەمقورلىق دەڭگەيى جامبىل, قوستاناي, باتىس قازاقستان وبلىستارىندا جوعارى دەپ تانىلعان. سونىمەن بىرگە سىبايلاس جەمقورلىققا قارسى باعدارلامالاردىڭ تيىمدىلىگىنە دە باعا بەرىلدى. زەرتتەۋ بارىسىندا مەملەكەتتىك ورگانداردىڭ جۇمىسى دا باعالاندى. كاسىپكەرلەردىڭ مەملەكەتتىك قولداۋ تۋرالى اقپارات الۋى 2015 جىلمەن سالىستىرعاندا 1,5 ەسەگە ارتقان, ال «بيزنەستىڭ جول كارتاسى – 2020» باعدارلاماسىنا قاتىسۋشىلار ۇلەسى 4,8 پايىزعا وسكەن. ساراپتاما بويىنشا مەملەكەتتىك ورگانداردىڭ ءتيىمدى جۇمىسىنا كەدەرگى كەلتىرەتىن نەگىزگى ماسەلەلەر ەكەنى انىقتالدى, ونىڭ ىشىندە رەسپوندەنتتەردىڭ 29,53 پايىزى قۇجاتتاردى قاراۋ مەرزىمىنىڭ ۇزاقتىعى مەن قاعازباستىلىقتى كورسەتكەن. سونداي-اق ساۋالناماعا قاتىسۋشىلاردىڭ 14,75 پايىزى قىزمەتكەرلەر بىلىكتىلىگىنىڭ تومەندىگىن اتاعان.
ال دينارا اقىنبەكوۆانىڭ ايتۋىنشا, مامان ماسەلەسىنە قاتىستى ساۋالنامادا كاسىپكەرلەردىڭ بارلىعى ءوز ىسىمەن اينالىسۋ ءۇشىن باسپانا ماسەلەسىن العا تارتقان. ودان كەيىن مەديتسينالىق قىزمەت پەن الەۋمەتتىك ينفراقۇرىلىمنىڭ جاقسى بولۋىن اتاپ كورسەتكەن. سول سياقتى قاۋىپسىزدىك پەن قۇقىقتىق تارتىپكە كوپ كوڭىل بولگەن.
داستان كەنجالين,
"ەگەمەن قازاقستان"
