«بيزنەستىڭ جول كارتاسى-2020» بيزنەستى قولداۋ جانە دامىتۋدىڭ بىرىڭعاي باعدارلاماسىن جۇزەگە اسىرۋ اياسىندا ماڭعىستاۋ وبلىسىنىڭ يندۋستريالىق ايماعىن قۇرۋ قاجەتتىلىگى تۋىندادى. يندۋستريالىق ايماقتاردىڭ نەگىزگى قىزمەتى ونەركاسىپ سالاسىنداعى جەكە كاسiپكەرلiكتi جەدەل دامىتۋعا جاردەمدەسۋگە, جاڭا وندىرىستەردىڭ ينفراقۇرىلىمىن قۇرۋ جانە كەڭەيتۋ شىعىندارىن وڭتايلاندىرۋعا, ءوندىرىس تيىمدىلىگىن ارتتىرۋعا, حالىقتى جۇمىسپەن قامتۋعا باعىتتالعان.
بۇرىنعى زاۋىت الاڭى شاعىن جانە ورتا بيزنەس نىساندارىن ورنالاستىرۋ ءۇشىن پايدالاناتىلاتىن بولادى. وندىرىستىك نىسانداردىڭ جابدىقتالۋى جانە عيمارات قۇرىلىسى ءۇشىن الاڭداعى جەر ۋچاسكەلەرى ينفراقۇرىلىممەن قامتاماسىز ەتىلگەن, كاسىپكەرلەر ءۇشىن توقتاپ تۇرعان, جۇمىسى تۇرىپ قالعان نەمەسە جۇمىس ىستەمەيتىن كاسىپورىندار ساتىلۋعا نەمەسە جالعا بەرۋگە دايىن. قازىرگى ۋاقىتتا يندۋستريالدى ايماق جوسپارلانىپ وتىرعان اۋماقتا ءوز قىزمەتىن باستاۋعا 30-عا جۋىق كومپانيا نيەت ءبىلدىردى.
ماڭعىستاۋ وبلىسىنىڭ اكىمى ەرالى توعجانوۆ يندۋستريالىق ايماقتى باسەكەگە قابىلەتتى كاسىپكەرلىك جوبالارمەن تولتىرۋ جانە دايىن وندىرىستىك الاڭداردى قاجەتتى دايىن ينفراقۇرىلىممەن قامتاماسىز ەتۋ بويىنشا ماڭعىستاۋ وبلىسىنىڭ اكىمدىگىنە, «كاسپي» اكك» ۇك» مەن «اتامەكەن» ۇكپ-عا ناقتى تاپسىرمالار بەردى.
بۇل ايماقتىڭ يندۋستريالدىق-يننوۆاتسيالىق دامۋىنا ۇلەس قوسىپ, شاعىن جانە ورتا بيزنەستىڭ دامۋىنا سەرپىن بەرەدى, جاڭا جۇمىس ورىندارىن قۇرۋعا مۇمكىندىك اشادى.
