تىگىلگەن كيىز ۇيلەردىڭ ىشىنەن شاكارىم ۋنيۆەرسيتەتىنىڭ «شاكارىم» كيىز ءۇيى ۇزدىك اتانىپ, ال «تسەمەنت زاۋىتىنىڭ» جۇمىسشىلارى تىككەن ءۇي ۇلگىلى اتاعىن يەلەندى. جۇلدە يەلەرى «ەكسپو 2017» حالىقارالىق كورمەسىن تاماشالاۋعا ارنالعان ارنايى بيلەتتەرمەن, باعالى سىيلىقتارمەن جانە العىس حاتتارمەن ماراپاتتالدى.
سونداي-اق, وسىناۋ بەرەكەلى كۇنى شىعىس قازاقستان وبلىسىنىڭ ءۇرجار اۋدانىندا قازاقتىڭ قاس باتىرى, دارابوز قولباسشى قاراكەرەي قابانباي باتىردىڭ ەسكەرتكىشى اشىلدى. عىلىمي-تاجىريبەلىك كونفەرەنتسيا ءوتتى. بيىل ۇرجارلىقتار – قابانباي باتىردىڭ 325 جىلدىعىن اتاپ وتپەكشى.
ءۇرجاردا وتكەن كونفەرەنتسيادا قابانباي باتىردىڭ ەرلىگىنەن باسقا قىتايمەن ەكى ورتاداعى ديپلوماتيالىق قايراتكەرلىگى جايلى دا ايتىلدى. ءۇرجار اۋدانىنىڭ اكىمى سەرىك زاينۋلدين, الادعى ۋاقىتتا الاكولدىڭ جاعدايىن جوندەيمىز, ونى ەل يگىلىگىنە ساي ۇسىنامىز دەپ وتىر. وتكەن جىلى الاكولگە شەت جاقتان 250 مىڭ تۋريست كەلگەن. الاكولدى جوندەۋگە وبلىستىق بيۋدجەتتەن 500 ميلليون تەڭگە اقشا بولىنىپتى.
راۋشان نۇعىمانبەكوۆا, شىعىس قازاقستان وبلىسى, سۋرەتتەردى تۇسىرگەن اۆتور.
