«ورتالىق ازيا وزەندەرى – ايماققا ورتاق يگىلىك»

قازاقستان پرەزيدەنتى نۇرسۇلتان نازارباەۆ وزبەك ليدەرى شاۆكات ميرزيەەۆپەن كەلىسسوز كەزىندە سۋ-ەنەرگەتيكا ماسەلەلەرىنە ايرىقشا ءمان بەرىلگەنىن ايتتى.

«ورتالىق ازيانىڭ ترانسشەكارالىق وزەندەرى ورتاق يگىلىك ەكەنىن تاعى دا راستادىق. ءبىز باۋىرلاس ەلدەردىڭ سۋدى پايدالانۋ جونىندەگى ويلارىنا تولىق تۇسىنىستىكپەن قارايمىز جانە بۇل ىسكە اتالعان وزەندەردىڭ تومەن جاعىنداعى ەلدەردىڭ مۇددەسىنە نۇقسان كەلتىرمەي قاتىسۋعا دايىنبىز. بۇل سۋعا ميلليونداعان ادامنىڭ تاعدىرى تاۋەلدى. ايماقتاعى تۇراقتىلىق, امان-ساۋلىق, تيىسىنشە ارامىزداعى دوستىق قارىم-قاتىناس پەن سەنىمنىڭ نىعايۋى وسى سۋعا بايلانىستى. سوندىقتان ونى اقىلمەن پايدالانۋ قاجەت» دەدى نۇرسۇلتان نازارباەۆ.    

وزبەكستان پرەزيدەنتى شاۆكات ميرزيەەۆ ەكەۋارا كەلىسسوز كەزىندە ترانسشەكارالىق وزەندەردە جاڭا گيدروتەحنيكالىق قۇرىلىستار سالۋ ماسەلەسى تالقىلانعانىن ايتتى. «مۇنداي ءىس-ارەكەتتەر وزگە دە مۇددەلى مەملەكەتتەردىڭ مۇددەلەرىنە نۇقسان كەلتىرمەيتىن كونسترۋكتيۆتى كوزقاراس پەن كومپروميسس نەگىزىندە جانە حالىقارالىق سۋ قۇقىنىڭ جالپىلاي مويىندالعان نورمالارىنا سايكەس جاسالۋى ءتيىس. بۇل تۇرعىدا ءبىز بۇۇ-نىڭ ءامۋداريا مەن سىرداريانىڭ سۋ رەسۋرستارىن راتسيونال ءارى ءادىل پايدالانۋ جونىندە حالىقارالىق كەلىسىم جاساۋ جونىندەگى باستاماسىن قولدايمىز» دەدى ميرزيەەۆ. 

وزبەكستان پرەزيدەنتىنىڭ ساپارى اياسىندا مىناداي بىرنەشە قۇجات قابىلداندى: 

· قازاقستان رەسپۋبليكاسى مەن وزبەكستان رەسپۋبليكاسى اراسىنداعى ستراتەگيالىق ارىپتەستىك پەن تاتۋ كورشىلىكتى بەكىتۋدى ودان ءارى تەرەڭدەتۋ جونىندەگى دەكلاراتسيا;

· قازاقستان رەسپۋبليكاسى ۇكىمەتى مەن وزبەكستان رەسپۋبليكاسى ۇكىمەتى اراسىندا ايماقارالىق ىنتىماقتاستىقتى دامىتۋ جونىندەگى كەلىسىم;

· 2017-2019 جىلدارعا ارنالعان ەكونوميكالىق ىنتىماقتاستىق ستراتەگياسى;

· قازاقستان رەسپۋبليكاسى ۇكىمەتى مەن وزبەكستان رەسپۋبليكاسى ۇكىمەتى اراسىنداعى تابىس پەن م ۇلىككە قوس سالىق سالۋعا جول بەرمەۋ جونىندەگى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاما;

· 2006 جىلعى 20 ناۋرىزداعى حالىقارالىق اۆتكولىك قاتىناسى تۋرالى ۇكىمەتارالىق كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاما;