ەلىمىزدىڭ باتىسى, وڭتۇستىك-شىعىسى, شىعىسى مەن وڭتۇستىگىندە اتموسفەرالىق اعىمداردىڭ وتۋىنەن اۋا رايى جاۋىن-شاشىندى. كەي جەرلەردە تۇمان ءتۇسىپ, جەل كۇشەيەدى, وڭتۇستىكتە شاڭدى داۋىل كوتەرىلەدى, وڭتۇستىك-شىعىستا كوكتايعاق بولادى, دەپ حابارلادى «قازگيدرومەت».
اقمولا, پاۆلودار, قاراعاندى وبلىستارىنىڭ, تۇندە جانە تاڭەرتەڭ الماتى, سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى.
وڭتۇستىك قازاقستان, اقتوبە, شىعىس قازاقستان وبلىستارىنىڭ كەيبىر اۋداندارىندا تۇمان بايقالادى, جەل 15-20 م/س كۇشەيەدى.
قىزىلوردا وبلىسىنىڭ كەي جەرلەرىندە جەل تۇرىپ, شاڭدى داۋىل كوتەرىلەدى.
قوستاناي, ماڭعىستاۋ, تۇندە جانە تاڭەرتەڭ اتىراۋ وبلىسىنىڭ كەي جەرلەرىندە تۇمان تۇسەدى, كۇندىز جەلدىڭ جىلدامدىعى 15-20 م/س دەيىن جەتەدى.
جامبىل وبلىسىنىڭ كەي جەرلەرىندە جەل 15-20 م/س, كۇندىز ەكپىنى 23 م/س كۇشەيەدى, تۇندە تۇمان, كوكتايعاق كۇتىلەدى.
