«شىمكەنت مۇنداي وڭدەۋ زاۋىتىنداعى جوسپارلى جوندەۋ جۇمىستارىنىڭ كەستەسى قازاقستان رەسپۋبليكاسى ەنەرگەتيكا مينيسترلىگىنىڭ ماقۇلداۋىن العان. كۇردەلى جوندەۋ جۇمىستارى كاسىپورىننىڭ قاۋىپسىزدىگىن ارتتىرۋ مەن ونداعى جۇمىستىڭ ءۇزىلىسسىز تۇراقتى جالعاسىن قامتاماسىز ەتۋ ماقساتىندا قولعا الىنعالى وتىر», — دەلىنگەن حابارلامادا.
مالىمەتكە سۇيەنسەك, شىمكەنت ءموز جاڭعىرتۋ جانە قالپىنا كەلتىرۋ جۇمىستارى اياسىندا قولدانىستاعى جۇيەگە جاڭا نىساندار قوسۋ جوسپارلانعان.
«بيىل ءتۇستى مۇناي ونىمدەرىن قوسۋ قۇرىلعىسىن ەنگىزۋ جوسپارلانعان. بۇل قۇرىلعى تەمىرجول تسيستەرنالارىنداعى موتور وتىنىن قۇيۋ كەزىندە بۋلانۋ پروتسەسىن باسەڭدەتەدى», — دەلىنگەن حابارلامادا.
ءباسپاسوز قىزمەتىنىڭ مالىمەتىنشە, شىمكەنت ءموز جاڭعىرتۋ جانە قالپىنا كەلتىرۋ جوباسى قازاقستاننىڭ ۇدەمەلى يندۋستريالدى-يننوۆاتسيالىق دامۋ مەملەكەتتىك باعدارلاماسى اياسىندا قولعا الىنعان.
«جوبانىڭ باستى ماقساتى — مۇناي وڭدەۋ زاۋىتىنىڭ قىزمەتىن الەمدىك دەڭگەيدەگى تالاپتارعا ساي ەتىپ جاڭارتۋ», — دەيدى ءباسپاسوز قىزمەتى.
