«بولاشاق ۇرپاق شەشسە, مەن ەشتەڭە ىستەي المايمىن. سەبەبى, ولاردىڭ شەشىمىن وزگەرتە المايمىن. ول قالىپتى جاعداي بولار ەدى. ال جوعارىداعى ۇسىنىستار تۋرالى بۇرىن دا ايتتىم.
مەن تەك نازارباەۆ ۋنيۆەرسيتەتىن اتىممەن اتاۋعا كەلىسىم بەردىم. سەبەبى, بۇل باسقا ۋنيۆەرسيتەتتەرگە ۇلگى بولا الاتىن وقۋ ورنى. قازىر ول عىلىمي ورتالىققا اينالدى. ال ودان باسقالارىنا مەن ەشقاشان كەلىسىم بەرگەن ەمەسپىن.
تاعى قايتالاپ ايتا كەتەيىن, ماعان بۇل كەرەك ەمەس جانە ماعان ونداي ۇسىنىستار ۇنامايدى. بولاشاق ۇرپاق ادامدى ونىڭ جاساعان ىسىنە قاراپ باعالايدى. ول قانداي ادام بولدى؟ ول نە ءبىتىردى؟ مىنە, وسى ماڭىزدى. بۇل جاعىنان ماعان الاڭدايتىن ەشتەڭە جوق. مەنىڭ تاعدىرىما مەملەكەتىمىزدى باسقارۋ بۇيىردى», دەدى ەلباسى.
سونىمەن قاتار نۇرسۇلتان نازارباەۆ استانانىڭ اتىن وزگەرتۋ تۋرالى ۇسىنىستار تۋرالى ءوز ويىن ايتتى.
«استانانىڭ اتىنا مەنىڭ اتىمدى بەرۋ تۋرالى كوپشىلىگى ايتتى. ادام رەتىندە, ارينە, ماعان جاعىمدى ەستىلەدى. بىراق مەن ەل باسقارىپ وتىرعان سوڭ, ولاي بولماۋى كەرەك. استانا قازىر الەمدىك برەندكە اينالدى. مۇندا حالىقارالىق كەزدەسۋلەر ءوتىپ ءجۇر. استانانىڭ اتىن مەن قويدىم. ول قازاقشا, ورىسشا, اعىلشىنشا دا جاقسى جازىلادى, جاقسى وقىلادى. ونى اۋىستىرۋدىڭ نە قاجەتى بار؟», دەدى مەملەكەت باسشىسى.
كەزدەسۋ بارىسىندا نۇرسۇلتان نازارباەۆ ادامنىڭ ۇزاق جۇمىس ىستەۋىنە ونىڭ جاسى باستى ماسەلە ەمەس ەكەنىن ايتتى.
«ادامنىڭ جاسى دا كوپ نارسەنى شەشەدى دەپ ايتا المايمىن. ويتكەنى, 30 جاستاعى ادامنىڭ ءوزى كارى ادام سياقتى بولۋى مۇمكىن. مەنىڭشە, مەملەكەت باسشىسى xالىقتىڭ جاعدايىن جاقسارتىپ جاتىر ما, جوق پا, ءدال وسىنى باستى تالاپ رەتىندە قاراستىرعان ءجون. ماسەلەن, مارگارەت تەتچەر «انگليا مەنى قانشا قاجەت ەتسە, سونشا جۇمىس ىستەيمىن», — دەپ جاۋاپ بەرگەن. ءسويتىپ, شارشاعانشا جۇمىس ىستەيمىن دەگەن. ال ۋينستون چەرچيلل, «مەنىڭ بۇل قىزمەتتە وتىرعانىم كەزدەيسوقتىق ەمەس, زاڭدىلىق» دەگەن ەكەن. ال ەندى, شىنىمدى ايتسام, پرەزيدەنت بولۋ وڭاي ەمەس. ۇنەمى وي ۇستىندە جۇرەسىڭ. مەملەكەتكە تاعى نە ىستەۋگە بولاتىنىن ويلايسىڭ. مەن حالقىما كەرەك ەكەنىمدى سەزەمىن. ول جۇمىس قولىمنان كەلەدى دە», — دەدى نۇرسۇلتان نازارباەۆ.
«بارلىعى xالىقتىڭ سەنىمىنە بايلانىستى بولادى. ول — ءبىر. ەكىنشىدەن, جۇمىس ىستەپ جاتقان ادامنىڭ دەنساۋلىعى مەن كۇش-جىگەرىنە بايلانىستى. مەنىڭشە, بۇل قىزمەتتە بار كۇشىڭدى, تاجىريبەڭدى, ءتىپتى ءومىرىڭدى سارپ ەتۋگە ءازىر بولۋ كەرەك. ولاي ىستەۋگە جاعدايىڭ كەلمەسە, ول جەردە بوسقا ۋاقىت زايا ەتۋدىڭ قاجەتى جوق», — دەدى پرەزيدەنت.
