جەڭىسكە بەرگىسىز جەڭىلىس

فۋتبولدان وتكەن قازاقستان كۋبوگىنىڭ 1/16 ماتچىندا تاڭقا­لارلىق تالاي ناتيجەلەردىڭ بولعاندىعى بەلگىلى. پرەمەر-ليگانىڭ قازىرگى كوشباسشىسى – تالدىقورعاننىڭ «جەتىسۋى» جە­ڭى­لىپ قالدى, ەلىمىزدىڭ ۆيتسە-چەم­پيونى – «اقتوبە» دە شەگىنىس جا­­سا­دى. قازاقستان چەمپيونى قوس­­تا­نايدىڭ «توبىلى» ويىن­نان شى­عىپ قالا جازدادى. راۆيل ءسابيتوۆتىڭ جىگىتتەرى الماتى قالاسىندا ءبىرىنشى لي­گا­داعى قورعانىس مينيستر­لىگى­نىڭ ورتالىق سپورت كلۋبى – سپورت كوميتەتىنىڭ ءجاسوس­پى­رىم­دەر كومانداسىمەن وينادى. بۇل ۇجىم چەمپيوناتتا وزىنە ءۇل­كەن تاپسىرمالار قويماعانىمەن, ونىڭ باستى ماقساتى – شەبەرلەر كومان­داسىنا – قازاقستان قۇراما­سىنا جاسوسپىرىمدەر مەن جاستاردان بىلىكتى فۋتبولشىلار دايارلاۋ. جاس ارمياشىلار قاجەت بولعان جاع­دايدا تۋرنير كەستەسىندەگى كوش­باس­شىلاردىڭ ءبىرى –  «توبىل» كو­مانداسىمەن سايىسۋعا دايىن ەكەن­دىكتەرىن كورسەتتى. چەمپيونمەن اشىق فۋتبول وي­ناۋ وڭاي ءىس ەمەس ەكەندىگىن ءتۇ­سىن­گەن اوسك باس باپكەرى ولەگ تروفيموۆ ءوز قاراماعىنداعىلارعا ەڭ باستىسى قاۋىپتى ايماقتاردى جا­بۋ­دى جانە قورعانىستا  ۇيىم­شىل­­دىقپەن ويناۋدى تاپسىردى. قوستانايلىق­تارعا الاڭ ورتاسىنا وتۋگە ءمۇم­كىن­دىك جاساعان ارميا­شى­لار ولار­دىڭ ودان ءارى قوزعا­لۋى­نا شەك قوي­دى. ولار قازاقستان فۋتبول جۇل­دىز­دارىن تەگەۋرىندى قارسى العان­دارى­مەن قاتالدىق تا­نىتقان جوق. دەگەنمەن مۇمكىندىك بولعان ساتتە قارسى شابۋىل ۇيىمداس­تى­رىپ, قارسىلاستارىن ساستىرعانى راس. مۇنداي تاكتيكا ۇزاق ۋاقىت الاڭ يەلەرىنە تابىس اكەلگەندەي بولدى. دەگەنمەن, ويىننىڭ 75 مينوتىندە قوناقتار اوسك-ءنىڭ قورعانىسىن بۇزدى. گريديننىڭ سوققان دوبى ەسەپ اشتى. جەڭىس وسىمەن كەلگەندەي بولدى. بىراق ارمياشىلار دا وڭاي شاعىلاتىن جاڭعاق ەمەستىكتەرىن كورسەتتى. ال­عا انتالاماي قور­­عانىسىن كۇ­شەيتىپ, قارسى شابۋىل ۇيىم­داس­تىرىپ باقتى. نەگىزگى ۋاقىتتىڭ اياقتالۋىنا بەس مينۋت قالعاندا الماتىلىقتار ەسەپتى تەڭەس­تىر­دى. ەسەپ – 1:1. قو­سىمشا ۋاقىت كەزىندە ارميا­شىلاردىڭ شا­بۋى­لى تىپتەن كۇشەيە ءتۇسىپ, «توبىل» قاقپا­شىسىن قاقپا­نىڭ كولدە­نەڭ اعاشى قۇتقارىپ قالدى. بۇدان سوڭ ءونبىر مەترلىك ايىپ دوبىن سوعۋ باستالدى. بىرازعا دە­يىن جەڭىمپاز انىق­تالمادى. اقى­رىندا «توبىل» 5:4 ەسەبىمەن جە­ڭىسكە جەتىپ, اوسك كو­رەر­مەن­دەردىڭ قوشە­مەتىنە ءبو­لەندى. داستان كەنجالين.