قازاقستانداعى بانكتەردىڭ اكتيۆتەرى ازايۋدا

2017 جىلى قاڭتارىندا ەلدەگى 33 بانكتىڭ 19-نىڭ اكتيۆتەرى ازايعان. مۇنداي مالىمەتتى ranking.kz كەلتىرەدى. وتكەن جىلدىڭ جەلتوقسانىنداعى بانك اكتيۆتەرىنىڭ ازايۋى بيىل قاڭتار-اقپاندا دا جالعاستى. تەك قاڭتار ايىنىڭ وزىندە بانك اكتيۆتەرى 338,4 ملرد تەڭگەگە (1 پايىز) قىسقارعان. ال وتكەن جىلدىڭ جەلتوقسانىندا اكتيۆتەر كولەمى 120 ملرد تەڭگەگە (0,5 پايىز) ازايدى. بانك اكتيۆتەرىنىڭ ازايۋىنا نەگىزگى سەبەپ ەلدەگى نەسيەلەندىرۋدىڭ ازايۋى. قاڭتاردا ەبد (ەكىنشى دەڭگەيلى بانك) قارىز پورتفەلى 207,3 ملرد تەڭگەگە (1,3 پايىز) ازايدى. ەستەرىڭىزگە سالا كەتەيىك, 2016 جىلى بانك سەكتورى, اسىرەسە جىلدىڭ ەكىنشى جارتىسىندا, قارقىندى كوتەرىلگەن ەدى. 2016 قاڭتار-جەلتوقسان ايلارىندا بانكتەردىڭ جالپى اكتيۆى 1 تلرن تەڭگەدەن استامعا (4 پايىز) ءوستى. 2017 جىلى اكتيۆتىڭ ۇلعايۋى بويىنشا ەڭ جوعارى كورسەتكىش ەۋرازيالىق بانكتە بايقالدى. ءبىر ايدا بانك اكتيۆى 61,7 ملرد تەڭگەگە ۇلعايىپ, 1,06 ترلن تەڭگەگە جەتتى. ال ەكىنشى ورىندا سبەربانك. ونىڭ اكتيۆى قاڭتاردا 49,8 ملرد-قا ارتىپ, 1,71 ترلن تەڭگەگە جەتتى. ءۇشىنشى ورىندا اتف بانكى. ونىڭ اكتيۆى 42,9 ملرد-قا ۇلعايىپ, دو 1,41 ترلن تەڭگەگە جەتتى.