ۇلتتىق بانك حالىق بانكتىڭ قازكوم اكتسيالارىن ساتىپ الۋى مۇمكىندىگى تۋرالى تۇسىنىك بەردى

قازاقستان ۇلتتىق بانكى توراعاسىنىڭ ورىنباسارى ولەگ سمولياكوۆ «قازاقستان حالىق بانكى» اق-تىڭ «قازكوممەرتسبانك» اق-تىڭ اكتسيالار پاكەتىن ساتىپ الۋى بويىنشا الەۋەتتى مامىلەسىنە تۇسىنىكتەمە بەردى. ءبىرىنشى كەزەكتە و. سمولياكوۆ «زاڭنامانىڭ تالاپتارىنا سايكەس الەۋەتتى مامىلەنى ىسكە اسىرۋ بانكتەردىڭ دەپوزيتورلارىنىڭ, كرەديتورلارىنىڭ, وزگە دە كليەنتتەرىنىڭ جانە قارسى اگەنتتەرىنىڭ حالىقارالىق مىندەتتەمەلەردى قوسا العاندا, شارتتار بويىنشا قۇقىقتار مەن زاڭدى مۇددەلەرىن ساقتاعان جاعدايدا عانا مۇمكىن بولادى» دەپ اتاپ ءوتتى. «حالىق بانكىنىڭ «كازكوممەرتسبانك» اق-تىڭ اكتسيالارىن ساتىپ الۋ بويىنشا الەۋەتتى مامىلەنى ىسكە اسىرۋ ءۇشىن ۇلتتىق بانكتىڭ جانە حالىق بانكىنىڭ تاراپىنان «قازكوممەرتسبانك» اق اكتيۆتەرىنىڭ ساپاسىنا بىرلەسكەن تاۋەلسىز تەكسەرۋ جۇرگىزۋ قاجەت. الەۋەتتى مامىلەنىڭ ساندىق ولشەمدەرى الىنعان اقپاراتتى جاريا اشۋ ارقىلى تاۋەلسىز تەكسەرۋ ناتيجەلەرىن العاننان كەيىن ايقىندالاتىن بولادى», – دەدى و. سمولياكوۆ جانە «قازكوممەرتسبانك» اق-تىڭ ۇزدىكسىز قىزمەتىن قامتاماسىز ەتۋ ءۇشىن جەتكىلىكتى دەڭگەيگە دەيىن «قازكوممەرتسبانك» اق-تى قوسىمشا كاپيتالداندىرۋ حالىق بانكىنىڭ «قازكوممەرتسبانك» اق-تىڭ كاپيتالىنا ىقتيمال كىرۋىنە بازالىق تالاپ بولىپ تابىلاتىنىن» اتاپ ءوتتى. و. سمولياكوۆ «قازكوممەرتسبانك» اق-تىڭ كرەديتتىك پورتفەلىنىڭ ايتارلىقتاي ۇلەسى (50%-دان استام) «بتا بانك» اق-تىڭ مىندەتتەمەلەرىن بىلدىرەتىنىنە باسا نازار اۋداردى. بۇل رەتتە «بتا بانكتىڭ» اكتيۆتەرى قۇندى قالپىنا كەلتىرۋدىڭ ۇزاق ارالىعىنا يە اكتيۆتەرگە جاتادى. سونىڭ سالدارىنان ولاردى «كازكوممەرتسبانك» اق-تىڭ ۇستاپ تۇرۋى ءۇشىن قارجى اعىندارىنىڭ جەتكىلىكتى دەڭگەيىن قالىپتاستىرمايدى. سوندىقتان «قازكوممەرتسبانك» اق-تىڭ قارجىلىق ورنىقتىلىعىن قامتاماسىز ەتۋ ءۇشىن, و. سمولياكوۆتىڭ ايتۋىنشا, ءبىرىنشى كەزەڭدە بتا بانكتىڭ اكتيۆتەرىن «قازكوممەرتسبانك» اق- تان وقشاۋلاۋ قاجەت. بۇل كەزەڭدە «پروبلەمالىق كرەديتتەر قورى» وپەراتور بولىپ تابىلادى. ودان ءارى بۇل اكتيۆتەردى مەملەكەتتىك-جەكە ارىپتەستىك جوبالارىنىڭ, ونىڭ ىشىندە وڭىرلىك دامۋ باعدارلامالارىنىڭ شەڭبەرىندە ەكونوميكالىق اينالىمعا تارتۋدى قامتاماسىز ەتۋ قاجەت. وسىعان دەيىن ۇلتتىق بانكتىڭ قر ۇكىمەتى, قر ۇلتتىق بانكى, «سامۇرىق-قازىنا» ۇاق» اق, «پروبلەمالىق كرەديتتەر قورى» اق, «قازكوممەرتسبانك» اق (ككب) جانە ونىڭ ءىرى اكتسيونەرلەرى, «قازاقستان حالىق بانكى» اق (حالىق بانكى) جانە «بتا بانك» اق (بتا بانك) اراسىنداعى «قازكوممەرتسبانك» اق اكتسيالار پاكەتىن ساتىپ الۋ بويىنشا الەۋەتتى مامىلە تۋرالى ءوزارا تۇسىنىستىك تۋرالى مەموراندۋمعا قول قويىلعاندىعى تۋرالى حابارلاعانىن ەسكە سالامىز. «قازكوممەرتسبانك» اق اۋقىمدى فيليال جەلىسى, زاڭدى جانە جەكە تۇلعالاردىڭ ۇلكەن كليەنتتىك بازاسى, ايتارلىقتاي دەپوزيتتىك بازاسى جانە تولەم جانە بانكارالىق نارىقتاردا ەداۋىر ۇلەسى بار قازاقستان رەسپۋبليكاسىنىڭ اسا ءىرى جۇيە قۇراۋشى بانكى بولىپ تابىلادى. ەسكەرتۋ: «پروبلەمالىق كرەديتتەر قورى» اكتسيونەرلىك قوعامى قازاقستان رەسپۋبليكاسى ۇكىمەتىنىڭ مەنشىگىنە بەرىلگەن. قور قىزمەتىنىڭ نەگىزگى ماقساتى ۋاكىلەتتى ورگاننىڭ نورماتيۆتىك قۇقىقتىق اكتىلەرىنىڭ تالاپتارىنا سايكەس ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا باعىتتالعان شارالاردى ىسكە اسىرۋ بولىپ تابىلادى. «پروبلەمالىق كرەديتتەر قورى» اق قىزمەتىنىڭ نەگىزگى تۇرلەرى ەكىنشى دەڭگەيدەگى بانكتەردىڭ پروبلەمالىق كرەديتتەرىن ساتىپ الۋ; ەكىنشى دەڭگەيدەگى بانكتەردىڭ ساتىپ الىنعان اكتيۆتەرىن باسقارۋ; ءوز قىزمەتىن قارجىلاندىرۋ ءۇشىن بورىشتىق باعالى قاعازداردى شىعارۋ بولىپ تابىلادى.