حالىقارالىق وليمپيادا كوميتەتىنىڭ باسشىسىمەن كەزدەستى

شۆەيتساريانىڭ لوزاننا قالاسىندا قازاقستان رەسپۋبليكاسى ۇلتتىق وليمپيادا كوميتەتىنىڭ باسشىسى تيمۋر ق ۇلىباەۆ حالىقارالىق وليمپيادا كوميتەتىنىڭ پرەزيدەنتى توماس باحپەن كەزدەستى. حالىقارالىق وليمپيادا كوميتەتىنىڭ شتاب-پاتەرىندە وتكەن ەكى جاقتى كەزدەسۋ بارىسىندا تيمۋر ق ۇلىباەۆ بيىل قۇرىلعانىنا 25 جىل بولاتىن ۇلتتىق وليمپيادا كوميتەتىنىڭ تاريحى مەن بۇگىنگى تىنىس-تىرشىلىگى جانە بولاشاقتاعى جوس­پارلارى تۋرالى ايتىپ بەردى. سونداي-اق, ول قازاقستان رەسپۋبليكاسىنداعى سپورت جانە دەنە شىنىقتىرۋ تۋرالى زاڭناماعا وزگەرتۋلەر مەن تولىقتىرۋلار ەنگىزۋدى كوزدەيتىن جاڭا زاڭ جوباسى جايىنا دا توقتالدى. كەزدەسۋ بارىسىندا الەمدىك وليمپيالىق قوزعالىستىڭ ما­ڭىزدى سۇراقتارى تالقىلانىپ, دوپينگپەن كۇرەس جانە «تازا سپورتشىلاردى» قورعاۋ ماسە­لەسىنە باسا نازار اۋدارىلدى. ءوز كەزەگىندە توماس باح فەدەراتسيالار سپورتتى دامىتۋداعى نەگىزگى ىلگەرىلەتۋشى كۇش ەكەنىن اتاپ ءوتىپ, قازاقستاندىق وليم­پيادا كوميتەتىنىڭ ۇلتتىق فەدە­راتسيالاردىڭ ءرولىن نىعاي­تۋعا باعىتتالعان جوسپارلارىنا قولداۋ ءبىلدىردى. سونىمەن قاتار, حوك پرەزيدەنتى قازاقستاننىڭ دوپينگپەن كۇرەس جولىندا قولعا الىپ جاتقان شارالارىنا جوعارى باعا بەرىپ, ەلدىڭ ۇستانعان «نولدىك توزىمدىلىك» پوزيتسياسى الەمدىك انتيدوپينگ جۇيەسىنىڭ اجىراماس بولىگى ەكەنىن اتاپ ءوتتى. سونىمەن قاتار, توماس باح قازاقستاندىق سپورت­شىلاردىڭ الماتىداعى ححVIII ءدۇ­نيەجۇ­زىلىك قىسقى ۋنيۆەرسيادا جانە ساپپوروداعى VIII قىسقى ازيا ويىندارىندا كورسەتكەن ءناتي­جەلەرىنە دە جوعارى باعا بەردى. كەزدەسۋ سوڭىندا تيمۋر ق ۇلى­­باەۆ ۇلتتىق وليمپيادا كوميتە­تىنىڭ 25 جىلدىق مەرەي­تويعا ارنالعان دايىندىعى تۋرالى ايتىپ بەردى. سالتاناتتى شارا ناۋرىزدىڭ 17-ءسى كۇنى استانا قالاسىندا وتەدى. قايرات ءابىلدينوۆ, «ەگەمەن قازاقستان»