باستى ماقسات – قاۋىپسىز الەم قۇرۋ

سولتۇستىك كورەيانىڭ بالليستيكالىق زىمىران ۇشىرۋىنا بايلانىستى نيۋ-يوركتە بۇۇ قاۋىپسىزدىك كەڭەسىنىڭ وتىرىسى ءوتتى. بۇل ماڭىزدى باسقوسۋعا قازاقستان دەلەگاتسياسى دا قاتىستى. جيىن بارىسىندا قاۋىپسىزدىك كەڭەسىنىڭ مۇشەلەرى ءبىراۋىزدان سولتۇستىك كورەيا (كحدر) بيلىگىنىڭ بالليستيكالىق زىمىراندى سى­ناۋعا قاتىستى بۇل ورەسكەل ارە­كە­تىن ءبىراۋىزدان ايىپتادى. سون­داي-اق, جەدەل وتكىزىلگەن كەڭەس­تە كحدر تاراپىنىڭ بۇۇ قاۋىپ­سىز­دىك كەڭەسى قارارىنىڭ تالاپتارىن تاعى دا بۇزعانىنا الاڭداۋشىلىق ءبىل­دىرىلدى. ايتا كەتەيىك, كحدر بۇعان دە­يىن دە بىرنەشە رەت بۇۇ قاۋىپ­سىز­دىك كەڭەسى تاراپىنان قارار­دى كوزگە ىلمەگەن بولاتىن. سونداي-اق, وتىرىستا ءسولتۇس­تىك كورەيانىڭ گۋمانيتارلىق سا­لا­داعى كۇردەلى جاعدايىنا, ەل­دىڭ بيلىگى حالقىنىڭ ناشار تۇر­­مى­­سىنا قاراماستان, يادرولىق ءجا­نە ءاس­كەري باعدارلامالاردى ءجۇ­زە­گە اسى­رۋ ماق­ساتىندا قارجى ءبولۋ­دى جال­عاس­­تى­رىپ وتىرعانىنا نازار اۋدارىلدى. قازاقستان تاراپى سولتۇستىك كورەيا­نىڭ بۇل ءجونسىز ءىس-ارە­كەت­­تەرى جاھان­دىق جانە وڭىرلىك قاۋىپ­­سىز­دىككە قاتەر توندىرەتىنىن, سون­داي-اق, الەم­دىك يادرولىق قارۋ­سىز­دانۋ ۇدەرى­سىنە كەرى اسەرىن تيگى­زەتىنىن قاتاڭ ەس­كەرتتى. وسى­عان بايلانىستى ەلى­مىز­دىڭ بۇۇ جا­نىن­داعى تۇراقتى وكى­لى قاي­رات وماروۆ قازاقستان سىرت­­قى ىستەر مينيسترلىگىنىڭ كحدر-دىڭ بالليستيكالىق زى­مى­­ران ۇشى­رۋىن ايىپتاپ ار­نا­يى ءما­لىم­دەمە جاساعانىنا قاۋىپسىزدىك كە­ڭە­سى مۇشەلەرىنىڭ نازارىن اۋداردى. سونداي-اق, ديپلومات حالىق­ارا­لىق قوعامداستىقتىڭ اتال­عان ماسەلەدە سىندارلى شەشىم شىعارىپ, ءتيىستى شارالار قا­بىل­داۋى ءتيىس ەكەنىن, سولتۇستىك كورەيا­نىڭ يادرولىق باعدارلا­ما­سى بويىنشا التىجاقتى كەلىس­سوز­دەردى قايتا باستاۋ قاجەتتىگىن جەتكىزدى. سونىمەن قاتار, ق.وماروۆ الەم­نىڭ شىنايى قاۋىپسىزدىگىنىڭ كە­پى­لى قارۋسىز الەم قۇرۋ ەكە­نىن اتاپ كورسەتتى. وسى وراي­دا, ول ەلباسى نۇرسۇلتان نازارباەۆتىڭ بۇۇ-نىڭ 100 جىل­­­دىق مەرەيتويىنا دەيىن (2045 ج.) يادرولىق قارۋسىز الەم قۇرۋعا بۇۇ-عا مۇشە بار­لىق مەملەكەتتەردى, اسىرەسە, قاۋىپ­سىزدىك كەڭەسىنە قاتىسۋشى ەلدەردى شاقىرعانىنا ەكپىن بەردى. بۇدان بولەك, تۇراقتى وكىل قازاق­­ستاننىڭ باستاماسىمەن ءبىرىن­شى پراكتيكالىق قادام رەتىندە 2015 جىلدىڭ جەلتوقسانىندا بۇۇ باس اسسامبلەياسىنىڭ يادرو­لىق قارۋدان ازات الەمگە قول جەت­كىزۋ جونىندەگى جالپىعا بىردەي دەك­لاراتسياسى قابىلدانعانىن ەسكە سالدى. جيىن­دا قازاقستان باستاما­لارى مەن ۇسىنىستارى قاۋىپسىزدىك كەڭەسى مۇشەلەرى تاراپىنان قولداۋ تاپتى. وتىرىس قورىتىندىسىندا, سول­تۇستىك كورەياداعى جاعدايدى باقى­لاۋدا ۇستاۋ, ونداعى يادرولىق باع­دار­لامانىڭ دامىتىلۋىنا قارسى شارالار قابىلداۋ, اسىرەسە, التى­جاقتى كەلىسسوزدەردى قايتا باستاۋ جانە بۇۇ قاۋىپسىزدىك كەڭەسى قارارى­نىڭ قاتاڭ ورىن­دالۋىن قامتاماسىز ەتۋ سىندى ماسەلەلەر اتاپ كورسەتىلدى. دايىنداعان جولدىباي بازار, «ەگەمەن قازاقستان»