قازاقستان – دەموكراتيالىق دامۋ جولىنداعى ەل

پرەزيدەنت نۇرسۇلتان نازارباەۆتىڭ قازاق­ستان­داعى بيلىك تارماقتارى­نىڭ وكىلەتتىگىن قايتا ءبولۋ تۋرالى ۇندەۋى دەر كەزىندە جاريالانۋى­مەن قۇندى جانە ونى جوعارى باعالاۋىمىز كەرەك. سونداي-اق, بۇل باستاما قازاقستاننىڭ ەرتەڭ­گى دامۋىنا قاتىستى ءبىزدىڭ وي-تۇجىرىمدارىمىزدى تولىقتىرا تۇسەتىنى ءسوزسىز. پرەزيدەنت ن.نازارباەۆقا قازاق­ستان تاۋەلسىزدىگىنىڭ العاشقى جىلدارىندا قوعامدى يگى ىسكە ۇيىستىرىپ, ەكونوميكانى اياقتان تۇرعىزۋ وڭايعا تۇسپەدى. قالاي دەسەك تە, ول ەلدىڭ ەڭسەسىن تىكتەي الدى. ەندىگى جەردە ن.نازارباەۆ قازاقستان ءۇشىن جاقىن جىلدارى جۇزەگە اسىرىلۋى ىقتيمال ۇلكەن ساياسي وزگەرىس جاساۋعا كىرىسىپ كەتپەك. ياعني, مەملەكەت باسشىسى قازىرگى پرەزيدەنتتىڭ كەيبىر وكىلەتتىكتەرىن پارلامەنت پەن ۇكىمەتكە بەرۋ جونىندە باستاما كوتەرىپ, ونى قوعام تالقىسىنا سالۋدا. بۇل − قۇپتارلىق ءىس. پرەزيدەنتتىڭ باسىم­دىقتارى ستراتەگيالىق ماڭىزعا يە ءارى ول ءتۇرلى بيلىك تارماقتارىنداعى باي­لانىستا شىنايى تورەشى ينستيتۋت بولىپ تابىلادى دەپ سانايمىن. بۇگىنگى تاڭدا حالىقارالىق قوعامداستىق قازاقستانعا ەۋروپا مەن ازيا اراسىن بايلانىستىرۋ­شى دانەكەر ەل رەتىندە قارايدى. سوندىقتان دا, پرەزيدەنت سىرتقى ساياسات پەن ۇلتتىق قاۋىپسىزدىك جانە ەلدىڭ قورعانىس سالاسىن باستى نازارعا الا وتىرىپ, وسىنداي وزگەرىس ەنگىزۋگە نيەتتى. دەمەك, پرەزي­دەنت ن.نازارباەۆتىڭ بۇل ۇندەۋىن داناگويلىك دالەلى دەپ اتاۋعا تولىق نەگىز بار. ول ءوزىنىڭ اسا ماڭىز­دى وكىلەتتىگىن ءبولىسىپ, قۇزىرەتىن تابىستاۋدا قازاقستانداعى بيلىك ينستيتۋتتارىنىڭ ءرولىن دە قاپەردەن شىعارماۋدا. وسىلايشا, قازاقستان دەموك­راتيا­لىق دامۋ جولىمەن ءجۇرىپ كەلەدى. مەن بۇل ەلدىڭ حالقى مۇن­داي رەفورمانى قۇپتايدى دەگەن سەنىمدەمىن. لورانا تايەبا, «Prestige Communication» توبىنىڭ باس ديرەكتورى (فرانتسيا)