Xiaomi سمارتفوندارى قازاقستان نارىعىنا كىردى

الداعى ەكى كۇندە كومپانيا سالا كوشباسشىلارىنىڭ بەستىگىنە كىرىپ, نارىقتىڭ 10 پايىزىن يەمدەنبەكشى. سونىمەن قاتار, الدىن الا بولجام بويىنشا, جىل سوڭىنا دەيىن قازاقستاندا MIUI وپەراتسيالىق جۇيەسىنىڭ 300 مىڭ قولدانۋشىسى پايدا بولماق. بۇل Android پەن iOS وپەراتسيالىق جۇيەسىنىڭ كەي ەرەكشەلىكتەرىن العان بالامالى جۇيە. مامانداردىڭ ايتۋىنشا, MIUI جۇيەسىنىڭ اشىقتىعى مەن قاراپايىمدىعى جاڭادان قولدانۋشىلار مەن تەحنولوگيانىڭ كاسىبي ماماندارىنىڭ دا كوڭىلىنەن شىعادى دەپ كۇتىلۋدە. "MIUI پلاتفورماسى ەرەكشە قاسيەتتەرگە يە. 90-شى جىلدارى قىتاي ونەركاسىبى ارزان جانە ساپاسىز دۇنيەلەرمەن ەستە قالعان ەدى. قازىر ءبارى وزگەردى", - دەيدى Al-Style (Xiaomi-ءدىڭ قازاقستانداعى رەسمي ديستريبيۋتەرى) كومپانياسىنىڭ باس ديرەكتورى ۆيتالي مەرزليكين. 2016 جىلى ەلدەگى ءموبيلدى تەلەفون نارىعى وسە باستادى. دەگەنمەن, ساتۋ بويىنشا جالپى تابىستان كورى ساتىلعان تەلەفون سانى ەسەلەپ وسۋدە. بۇل دەگەنىڭىز, تۇتىنۋشىلار ارزان تەلەفونعا دەن قويا باستاعانىن كورسەتەدى.