قازاقشا سويلەپ, قوبىز تارتۋدى ارماندايدى

مۇحيتتىڭ ارعى جاعىنداعى الىپ دەرجاۆا تۇرعىندارىنىڭ قازاقستاننىڭ ۇلتتىق ەرەكشەلىكتەرىن, تاريحي, رۋحاني قۇندىلىقتارىن بىلۋگە قۇشتارلىعى س.مۇقانوۆ اتىنداعى وبلىستىق امبەباپ كىتاپحانادا امەريكالىق اقپاراتتىق-مادەني ءبولىمنىڭ اشىلۋى كەزىندە تاعى ءبىر بايقالدى. ونىڭ سالتاناتتى اشىلۋ راسىمىنە ارنايى كەلگەن امەريكا قۇراما شتاتتارىنىڭ قازاقستانداعى ەلشىلىگىنىڭ ءباسپاسوز حاتشىسى رەن ەلحايدىڭ ءسوز اۋانىنان دا اڭعاردىق. ءبىزدى بۇل مىرزانىڭ قازاق ءتىلىن ۇيرەنۋگە, قوبىز تارتۋعا دەن قويعان ىنتا-جىگەرى ءسۇيسىندىردى. اقش ەلشىلىگى سولتۇستىك­قازاقستاندىق جاستاردى شەتەل مادەنيەتىمەن تانىستىرۋ, اعىلشىنشا العان بىلىمدەرىن ودان ءارى تەرەڭدەتۋ ءداستۇرىن جۇيەلى جالعاستىرىپ كەلەدى. وسىدان ون جىل بۇرىن شەتەلدىك كىتاپتار مەن وقۋلىقتار ورتالىعى بوي كوتەرگەن بولاتىن. الايدا, قارجى تاپ­شىلىعىنان ۋاقىت­شا جا­بىلعان ەدى. جاڭ­عىرتۋ جۇمىستارى شى­عىندارىن ەلشىلىك ءوز مىندەتىنە الىپ, 14 مىڭ دوللار ينۆەستيتسيا جۇمسادى. بۇل قاراجاتقا كىتاپحانانىڭ ءبىرىنشى قاباتىندا ورنالاس­قان عيمارات قالپىنا كەلتىرىلىپ, كىرسە شىق­­قىسىز ەتىپ بە­زەندىرىلدى. جاڭا جيھازدار مەن كوم­پيۋتەرلەر قويىلدى. قازىر مۇندا ون مىڭعا جۋىق كىتاپ بار. ونىڭ ەكى مىڭدايى – اعىلشىن تىلىندە. – وسىنداي مادەني قارىم-قاتىناستار ار­قىلى وزگە حالىقتىڭ ءتىلىن ۇيرەنۋگە, سالت-ءداس­تۇرلەر مەن ادەت-عۇ­رىپ­تار تۋرالى مول ماع­لۇ­ماتتار الۋعا بولادى. ءتىل ۇيىرمەلەرى مەن پىكىرتالاس كلۋبتارى جۇمىس ىستەيدى. الداعى ۋاقىتتا امەريكادان وقىتۋشىلار ارنايى كەلىپ, اعىلشىن ءتىلىن ۇيرەتەدى. وقۋ تەگىن. ونلاين ساباق وتكىزۋ ارقىلى سويلەۋ مادەنيەتىن جەتىلدىرۋگە دە بولادى. ءبىزدى قازاق­ستاندىق جاستاردىڭ ءبىل­سەم, كورسەم, ۇيرەنسەم دەگەن قۇش­تارلىعى قات­تى قى­زىقتىرادى, – دەيدى ەلحاي مىرزا. «بەست» گيمنازيا­سىنىڭ وقۋشىسى ۆلادا في­نوگەەۆانى وسىندا جو­لىق­تىردىق. تۇراقتى وقىر­مان كورىنەدى. «Flex» باعدار­لاماسى اياسىندا ايوۆا شتاتىندا ءبىلىمىن شىڭداپ كەلىپتى. – امەريكالىقتاردىڭ ومىرگە كوزقاراستارى مەن ۇس­تا­نىمدارىندا ۇلگى الار­لىق تاعىلىمدار از ەمەس. ەكى جاقتى سە­نىمدى بايلانىسقا نە جەتسىن! ارمانىم–شەت­ەلدە ءبىلىم الۋ, – دەيدى ول. امەريكالىق ما­ماندار اتالمىش كى­تاپحانا قابىر­عاسىندا جاستاردىڭ تىلدىك ءبىلىمىن تەكسەرۋگە ارنالعان العاش­قى سايىستى اقپان ايىن­دا ۇيىمداستىرعالى وتىر. بۇرىندارى بۇل ورتا­لىققا ايىنا جارتى مىڭ­داي وقىرمان كەلسە, ەندى ولاردىڭ سانىنىڭ ارتا تۇسەرىنە ەش كۇمان جوق. ءومىر ەسقالي, «ەگەمەن قازاقستان» سولتۇستىك قازاقستان وبلىسى