اقمولا دارىگەرلەرى بۇيرەكتەگى تاستى الۋدىڭ جەڭىل جولىن ەنگىزدى

№2 اقمولا وبلىستىق اۋرۋحاناسىنىڭ ۋرولوگ دارىگەرلەرى جوعارى تەحنولوگيالىق مەديتسينالىق قىزمەتتىڭ تاعى ءبىر ءتۇرىن – پەركۋتاندى (تەرى ارقىلى) نەفروليتوتريپسيانى تابىستى ەنگىزدى. بۇل تۋرالى قازاقپارات حابارلادى. پەركۋتاندى نەفروليتوتريپسيا بۇيرەكتەگى تاستى الۋدىڭ التىن ستاندارتى سانالادى. بۇل بۇيرەكتەن تاستى الۋدىڭ شاعىن ءينۆازيۆتى ەڭ ءتيىمدى ءارى قاۋىپسىز ءتاسىلى. بۇل ءادىستىڭ تيىمدىلىگى سول – بۇيرەكتەن تاستى الۋ بەلدىڭ تۇسىندا تەسىكتەر تەسۋ جانە تۇتىكشە وتكىزۋ ارقىلى جاسالادى, ناۋقاستىڭ دەنەسىن ءتىلۋ تالاپ ەتىلمەيدى. بۇگىندە №2 اقمولا وبلىستىق اۋرۋحانانىڭ ۋرولوگيا بولىمشەسىندە جوعارى تەحنولوگيالىق مەديتسينالىق قىزمەتتەردىڭ مىناداي تۇرلەرى ەنگىزىلگەن: تولىق نەفرەكتوميا, لاپاروسكوپيالىق پلاستيكا نەسەپ جولى سەگمەنتىنىڭ لوحانى, پوليتانو لەتبەتتەرا ءادىسى بويىنشا موديفيتسيكاتسيالانعان  ۋرەتەروتسيستونەوستوميا, بلوحين بويىنشا قوسىمشا انتيرەفليۋكس مەحانيزمى, ۋرەترانى قالپىنا كەلتىرۋ. لاپاروسكوپيالىق نەفرەكتوميا – بۇل بۇيرەكتىڭ تىلىكسىز تولىق الىنىپ تاستالۋى. قازىرگى ۋاقىتتا لاپاروسكوپيالىق نەفرەكتوميا بۇيرەككە ءجيى جاسالاتىن وتا ءتۇرى. بۇيرەكتىڭ بۇل جولمەن تۇتاس الىنۋىنا سەبەپتەر وتە كوپ, ونىڭ ىشىندە ەڭ ءجيى كەزدەسەتىن سەبەپتەر – بۇيرەكتىڭ ءىسىنۋى, فۋنكتسياسىنىڭ تولىق بۇزىلۋى, سونىڭ سالدارىنان بۇيرەكتىڭ اۋىرسىنۋى جانە قابىنۋى. №2 اقمولا وبلىستىق اۋرۋحاناسىنىڭ بازاسىنا ەنگىزىلگەن وتانىڭ بۇل ءتۇرى وبلىستا العاش رەت جاسالىپ وتىر. ونى اۋرۋحانانىڭ جوعارى ساناتتى ۋرولوگ دارىگەرلەرى ت.مۇراتوۆ, ە.ىسقاكوۆ, ب.قاسىموۆ, ۋ.جاپاروۆ, ا.مۇحامەجدان ۇلى جاسايدى.