ە.ا.ءبىرتانوۆتى قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىنە تاعايىنداۋ تۋرالى
ەلجان امانتاي ۇلى ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تاعايىندالسىن.
قازاقستان رەسپۋبليكاسىنىڭ پرەزيدەنتى
ن.نازارباەۆ
استانا, اقوردا, 2017 جىلعى 25 قاڭتار № 414
ەلجان امانتاي ۇلى ءبىرتانوۆ
1971 جىلى تۋعان. الماتى مەملەكەتتىك مەديتسينا ينستيتۋتىن, «تۇران-استانا» ۋنيۆەرسيتەتىن بىتىرگەن. مەديتسينا عىلىمدارىنىڭ دوكتورى عىلىمي دارەجەسى بار. جوعارى وقۋ ورنىن بىتىرگەننەن كەيىن الماتى قالاسى جەدەل مەديتسينالىق كومەك كورسەتۋ اۋرۋحاناسىندا ماماندىعى بويىنشا جۇمىس ىستەدى. دەنساۋلىق ساقتاۋ سالاسىندا مول ەڭبەك تاجىريبەسى بار. رەسپۋبليكالىق توكسيكولوگيا ورتالىعىنىڭ باسشىسى, دەنساۋلىق ساقتاۋدى دامىتۋ ينستيتۋتىنىڭ ديرەكتورى لاۋازىمدارىندا قىزمەت اتقارعان. دەنساۋلىق ساقتاۋ ۆيتسە-ءمينيسترى لاۋازىمىنا تاعايىندالعان. «ۇلتتىق مەديتسينالىق حولدينگ» اق, «مەملەكەتتىك-جەكەمەنشىك ارىپتەستىك جوبالارىن قولداۋ ورتالىعى» جشس باسقارما توراعاسى بولعان. 2015 جىلعى قاراشادان – قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.
