ەلباسى الاۋ ەستافەتاسىنا اق جول تىلەدى

كەشە استاناداعى «نازارباەۆ ۋنيۆەرسيتەتتە» ەلباسى نۇرسۇلتان نازارباەۆ ءححVىىى بۇكىلالەمدىك قىسقى ۋنيۆەرسيادانىڭ الاۋ ەستافەتاسىنا اق جول تىلەدى. دۇنيە ءجۇزى  كوز تىككەن سپورت الامانىنىڭ الاۋى قازاق ەلى پرەزيدەنتىنىڭ قاتىسۋىمەن تۇتاندى. مۇنىڭ الدىندا مەملەكەت باسشىسى شاڭعىشى داۋلەت راحىمباەۆقا قازاقستان تۋىن سالتاناتتى تۇردە تابىس ەتتى. – الماتىدا 29 قاڭتاردان باس­تاپ وتەتىن ءححVىىى بۇكىلالەمدىك ۋنيۆەرسيادانىڭ الاۋىن تۇتا­تىپ وتىرمىز. كۇللى الەم ءۇشىن ءمار­تەبەلى جارىستى ءبىزدىڭ ەلىمىز­دە وتكىزۋ قۇقىنا يە بولۋىمىز – تاۋەلسىزدىك جىلدارىنداعى جەتىس­تىكتەرىمىزدىڭ ءبىرى. مۇنداي الەم­دىك اۋقىمداعى جارىستى قا­زاقستان بۇعان دەيىن ءوت­كى­زىپ كورگەن جوق. ونى وتكىزۋ­گە كەز كەلگەن مەملەكەتتىڭ الەۋە­تى جەتپەيدى. وسىنداي جاعداي­دا تاڭداۋ قازاقستانعا ءتۇستى. ءبىز­دىڭ بۇل جارىستارعا لايىقتى ءازىر­لەنىپ, ابىرويمەن وتكىزە­تىنى­­مىزگە مەن سەنىمدىمىن. قازىر تۇ­تان­عان بۇل الاۋ ەلىمىزدىڭ بار­لىق وڭىرلەرىن ارالاپ, جەر-جەر­دەگى جانكۇيەرلەر سپورتشى­لارىمىزعا دەم بەرەدى, ۇلكەن جەڭىس­­تەرگە رۋحتاندىرادى, – دەدى پرە­زيدەنت. ۋنيۆەرسيادادا قازاقستان­نىڭ نامىسىن بارلىعى 168 سپورت­شى قورعايدى. ەلباسى ولار­­دىڭ ارقايسىسىنا ءساتتى ونەر كورسە­تىپ, جەڭىس تۇعىرىنان كورى­نۋلەرى­نە تىلەكتەستىگىن ءبىلدىر­دى. – سىزدەرگە بۇكىل قازاق­ستان جان­كۇيەر بولادى, – دەدى نۇرسۇلتان ءابىش ۇلى. – وسى ۋني­­ۆەر­­سيادانى وتكىزىپ وتىرعانى­مىزدىڭ ءوزى جاستاردى سپورتقا تارتۋعا مول سەپتىگىن تيگىزەدى. وسى ماقساتتا سالىنعان سپورت نى­ساندارىنىڭ قىزىعىن بولاشاق سپورتشىلار كورەدى. ەلىمىز­دى الەمگە تانىتايىق! ءبىر كەز­دە ۆلاديمير سميرنوۆ پەن ليۋد­ميلا پروكاشەۆالار سالعان جول­دى سىزدەر جالعاي ءبىلىڭىز­دەر! ارالارىڭىزدان شىعىپ, الەمگە تانىلعاندارىڭىزدى بۇكىل ەلىمىز ماقتان تۇتادى! بار­شاڭىزعا زور دەنساۋلىق, ۇلكەن جەڭىستەر تىلەيمىن! ەستافەتا الاۋىن ءبىرىنشى بولىپ الىپ ءجۇرۋ قۇرمەتىنە شاي­بالى حوككەيدەن قازاقستان ۇلتتىق قۇراماسىنىڭ قورعاۋ­شىسى, «بارىس» حوككەي كلۋبى­نىڭ ويىنشىسى ماديار ىبىرايىم­بەكوۆ يە بولدى. سالتاناتتى شارا­نىڭ سوڭىنا دەيىن الاۋدى بار­لىعى 60 سپورتشى ەلوردانىڭ ور­تا­لىق كوشەلەرىمەن ءۇش جا­رىم ساعات بويى ەكى كەزەڭمەن الىپ جۇگىردى. العاشقى كەزەڭ «نازارباەۆ ۋني­ۆەرسيتەت» پەن «ءباي­تە­رەك» مونۋمەنتىنىڭ ارا­لىعىن قام­تىسا, ەكىنشى كەزەڭ وسى مونۋ­مەنتتەن باستالىپ, وڭ جاعا­لاۋ­داعى قالالىق اكىمدىككە دەيىن جالعاستى. ەستافەتانىڭ جال­پى ۇزاقتىعى – 12 شاقىرىم. الاۋ­گەرلەر قاتارىنان بوكستان ريو وليمپياداسىنىڭ كۇمىس ءجۇل­دەگەرى ۆاسيلي لەۆيت, گىر كوتە­رۋدەن سپورت شەبەرى الىبەك ناۋ­رىز­باي ۇلى, دجيۋ-دجيتسۋدان الەم چەمپيونى ءمولدىر مە­كەن­­­باەۆا ءتارىزدى كوپتەگەن ساڭ­لاق­تاردى كوردىك. استاناداعى اق تۇتەك بوران­عا قاراماستان, الاۋ الىپ جۇگى­رۋ­شىلەر مەجەلى جەرگە بەل­گى­لە­ن­گەن ۋاقىتتا جەتتى. الاۋ مەرە­كەسى ەلو­ردا تورىندەگى «بايتەرەك» مو­نۋ­­مەنتىنىڭ الدىندا ۇيىم­داس­تىرىلعان اۋقىمدى كونتسەرتتىك باع­دارلاماعا ۇلاس­تى. ءدال وسى جەر­دە الاۋ ەستا­فە­تاسىن داڭق­تى بوكسشى, ريو-2016 وليمپيا­داسى­نىڭ چەمپيونى دانيار ەلەۋسىنوۆ قابىلداپ الىپ, استانا اكىمدىگى ور­نالاسقان عيما­راتقا دەيىنگى جول­­دى جۇگىرىپ ءوتتى. اكىمدىك ال­دىن­دا جيىلعان قاۋىم­دى قالا اكىمى اسەت يسە­كەشەۆ تە ار­نايى قۇت­تىقتادى. وسىدان كەيىن قىسقى ۋني­­ۆەر­سيادا الاۋى رەس­پۋب­ليكا­لىق شتاب وكىلدەرىنە تابىس ەتىلدى. ەكى كەزەڭمەن جالعاسقان ەستا­فەتا سوڭىندا الاۋ ارنايى ۇشاق­پەن ۋني­ۆەرسيادا استاناسى الما­تىعا باعىت الدى. ول ءححVىىى بۇكىلالەمدىك قىسقى ۋنيۆەر­سيادانىڭ 29 قاڭتار كۇنى بولاتىن سالتاناتتى اشىلۋ راسىمىندە ەلىمىزدىڭ باسقا وڭىرلەرىنەن دە جەتكىزىلەتىن ەستافەتا الاۋ­لارىمەن بىرگە دۇنيەجۇزىلىك دودا­نىڭ نەگىزگى الاۋىن تۇتاتادى. جالپى, بۇگىننەن, ياعني 26 قاڭتاردان باستاپ, ەلىمىزدەگى بارلىق وبلىس ورتالىقتارىندا قىسقى ۋنيۆەرسيادانىڭ الاۋ ەستافەتالارى وتكىزىلەدى. قايرات ءابىلدينوۆ, «ەگەمەن قازاقستان» استانا