الەم عىلىمي پروگرەسس الدىندا تۇر

مەملەكەت باسشىسى «نازارباەۆ ۋنيۆەرسيتەتتىڭ» مەديتسينا مەكتەبىندە بولدى, دەپ حابارلادى پرەزيدەنتتىڭ ءباسپاسوز قىزمەتى. ءىس-شارا بارىسىندا قازاق­ستان پرە­زي­دەنتى بەيىندى ءبىلىم بەرۋدىڭ زاماناۋي تا­لاپتارىنا تولىقتاي ساي كەلەتىن مەدي­تسينا مەكتەبىنىڭ جاڭا عيماراتىن ارالاپ كوردى. سونداي-اق, نۇرسۇلتان نازار­باەۆ وقۋ­شى­لارمەن جانە پەداگوگ­تارمەن كەزدەستى. اڭگىمەلەسۋ بارىسىندا ەل­باسى قازىرگى ۋاقىتتا الەمنىڭ مەديتسينا مەن بيولوگيا سالا­سىن­داعى عىلىمي پروگرەسس الدىندا تۇرعانىن اتاپ ءوتتى. – جاڭا مەديتسينا مەكتە­بىنىڭ جاب­دىق­تالۋىن, وقى­تۋ دەڭگەيىن الەمنىڭ ۇزدىك ۋنيۆەر­سيتەتتەرىمەن سالىستىرۋعا بولادى. سون­دىقتان مەن وزدەرىڭىزدەن ءۇل­كەن جاڭالىقتار كۇتەمىن. ءسىز­دەر­دىڭ زەرتتەۋلەرىڭىز, زەرت­حانا­لىق ءمۇم­كىندىكتەرىڭىز, وقى­تۋ­شى­لاردىڭ عىلىمي الەۋەتى سىر­قاتتىڭ ەڭ كۇردەلى تۇرلەرىن ەم­دەۋدىڭ, ادام ءومىرىن ۇزارتۋدىڭ جاڭا ادىستەرىن تابۋعا مۇمكىندىك بەرەدى. بۇل مەكتەپ وزىمەن بىرگە باسقا ۋنيۆەر­سيتەتتەردى ىلگەرى جەتەلەيتىن نەگىزگى با­زالىق وقۋ ورنى رەتىندە قۇرىلدى, – دەدى مەملەكەت باسشىسى. سونىمەن بىرگە, قازاقستان پرە­زي­دەنتى XXI عاسىردا اقپا­راتتىق تەحنو­لوگيالارمەن قاتار, مەديتسينا مەن بيولوگيانىڭ دا الدىڭعى ورىنعا شىعىپ وتىر­عانىن ايتتى. – بارلىق عىلىمدار ءوزارا بايلانىستى, كوپتەگەن جاڭا­لىقتار ولاردىڭ توعىسۋىنان پايدا بولادى. وسى وقۋ ورنىنىڭ قابىرعاسىندا عىلىم دامۋعا ءتيىس, بىزگە جان-جاقتى عالىمدار قاجەت, – دەدى نۇرسۇلتان نازارباەۆ. سوڭىندا ەلباسى جينال­عان­­داردى وقۋ ورنىنىڭ جاڭا عي­ما­راتىنىڭ اشىلۋىمەن قۇت­تىق­تاپ, العا قويعان ماقسات­تا­رى­نا جەتۋىنە تىلەكتەستىك ءبىل­دىردى. مەديتسينا مەكتەبىنىڭ عيما­راتى 9 قاباتتان تۇرادى, جالپى كولەمى – 39 825 شارشى مەتر. وندا عىلىمي جانە وقۋ زەرتحانالارى, سيمۋلياتسيالىق ورتالىق, اناتوميالىق زەرتحانا, لەكتسيا زالدارى مەن توپتىق ساباق الۋعا جانە كەڭسەگە ارنالعان بولمەلەر, كىتاپحانا, اسحانا بار. سۋرەتتەر پرەزيدەنتتىڭ ءباسپاسوز قىزمەتىنەن الىندى