ارگەنتينالىق سپورتشىلار

قازاق مادەنيەتىمەن كەڭىنەن تانىسقىلارى كەلەدى ساناۋلى كۇندەردەن كەيىن قىسقى ۋنيۆەرسياداعا ال­پىسقا تارتا ەل­دىڭ العاشقى دەلە­گاتسيا­لارى كەلە باس­تايدى. بيىلعى ستۋدەنتتىك دودا­لاردان ارگەن­تينا, برازيليا جانە پاراگ­ۆاي سىندى شالعايدا جاتقان ءوڭتۇس­تىك امەريكا ەلدەرى دە قالىس قال­مايدى. جارىستارعا ارگەنتينا قۇرا­ماسى قاتارىندا 2 سپورتشى, اتاپ ايتقاندا, سنوۋبوردشى يناكي ودريوزولا جانە شاڭعىشى توماش باسيگالۋپو ونەر كورسەتپەك. اعىنان جارىلعان اتلەتتەر شىن مانىندە قازاقستان تۋرالى از بىلەتىندەرىن مويىنداعان. دەگەن­مەن, الماتىعا تاباندارى تيگەنشە ءبىزدىڭ ەلىمىز تۋرالى كوبىرەك بىلگىسى كەلەتىنىن ايتىپ وتىر. سوڭعى ايلارداعى ستۋدەنتتىك كاني­­كۋل­دار كەزىندە بۇل سپورت­شى­لار وتە قارقىندى جاتتىعۋلار ءجۇر­گىزگەن. ارگەنتينا دەلەگا­تسياسى ەكى سپورت تۇرىندە  مەدال تاعۋدان دامەلى. يناكي ودريوزولانىڭ ايتۋىن­شا, ول 2015 جىلى ارگ­ەن­تي­نا­نىڭ Snowboarder Slopestyle چەم­پيوناتىندا جانە 2016 جىلى وڭتۇستىك امەريكاداعى Big Air جارىستارىنا قاتىسقان. اتلەت 2017 جىلعى قىسقى ۋنيۆەرسيادادا كەڭىنەن تاجىريبە جيناقتاپ, جەرگىلىكتى مادەنيەتپەن تانىسسام دەپ وتىر. «مەن قازاقستان تۋرا­لى ەشتەڭە بىلمەيمىن دەۋگە بولا­دى. قازىر ەلدەرىڭىزدىڭ تاريحى جانە ونىڭ تاۋەلسىزدىك الۋى تۋرالى ماتە­ريالدار وقىپ ءجۇرمىن. الما­تىعا بارعاندا وسى ولكەنىڭ مادەنيەتى تۋرالى كوبىرەك اقپارات الامىن دەپ ويلايمىن», دەيدى سنوۋبوردشى. توماش باسيگالۋپو دا 28-ءشى قىس­قى ستۋدەنتتىك ويىنداردا جاق­سى ناتيجەلەر كورسەتسەم دەپ وتىر. وسى جارىستار كەزىندە ول باسقا ەلدەردەن كەلگەن سپورت­شى­لاردىڭ دايىندىق دەڭگەيىن باي­قاپ, جاڭا ادامدارمەن تانىسۋ­عا نيەتتى. بۇل سپورتشى دا قازاق­ستان تۋرالى از بىلەتىنىن جاسىر­مايدى.  سوندىقتان, 2017 جىلعى ۋنيۆەرسيادا ەلىن ءوز كوزىمەن كورۋگە اسا ىنتىق.  ايناش ەسالي, «ەگەمەن قازاقستان» الماتى