جاڭا مەتەورولوگيالىق GOES-16 جەر سەرىگى عالامشارىمىزدى فوتوعا ءتۇسىردى. بۇل تۋرالى life.ru حابارلادى.
مۇحيتتى جانە اتموسفەرانى زەرتتەۋ باسقارماسى (NOAA) اتالمىش جەر سەرىگىنىڭ وربيتادان تۇسىرگەن العاشقى فوتولارىن جاريالادى. ول ءاربىر 15 مينۋت سايىن جوعارى ساپالى سۋرەتتەر تۇسىرۋگە قابىلەتتى. وسىنىڭ ارقاسىندا عالىمدار مەن مەتەورولوگتار اۋا رايىن باقىلاپ, تابيعات اپاتىن ءدال بولجاي الادى.
GOES-16 وتكەن جىلدىڭ 19 قاراشاسىندا اقش-تىڭ فلوريدا شتاتىنداعى كاناۆەرال عارىش ايلاعىندا ىسكە قوسىلىپ, ەكى اي بويى ارنايى سىناق جۇرگىزىلدى. ەندى ءبىر جىل بويى سىناقتان وتكىزىلگەن سوڭ ارى قاراي مۇمكىندىگىنە بايلانىستى جاڭا وربيتاعا اۋىستىرىلادى.
ونىڭ سۋرەتتەرى وسى سەرياداعى وزگە دە جەر سەرىكتەرىنەن ءتورت ەسە جوعارى, سونداي-اق بەس ەسە جىلدام جۇمىس ىستەيدى. قازىر سپتۋنيك جەردەن 36 000 شاقىرىم بيىكتىكتە تۇرعاندىقتان عالاشارىمىزدى تولىقتاي فوتوعا تۇسىرە الادى. ال حالىقارالىق عارىش ستانساسى 400 كم بيىكتىكتە ورنالاسقان.
