قاراعاندى اكىمىنىڭ جاڭا ورىنباسارى تاعايىندالدى

قاراعاندى قالاسى اكىمىنىڭ ورىنباسارى قىزمەتىنە اسىلبەك مولداباەۆ تاعايىندالدى. ول جەردى پايلادانۋ, قۇرىلىس جانە ساۋلەت ماسەلەلەرىنە جاۋاپ بەرەتىن بولادى, دەپ حابارلادى «قازاقپارات». اسىلبەك سەرىك ۇلى مولداباەۆ 1970 جىلى 9 مامىردا قاراعاندى وبلىسى وساكاروۆ اۋدانىندا دۇنيەگە كەلگەن. اسكەري بورىشىن وتەگەن سوڭ, تۋعان اۋىلىنداعى «جانسارى» شارۋاشىلىعىندا بريگادير بولىپ ەڭبەك ەتكەن. «مولدا» شارۋا قوجالىعىنىڭ باسشىسى, مولودەجنىي كەنتىنىڭ «تازالىق» كمك ديرەكتورى بولىپ قىزمەت اتقاردى. 2008ج. قاراعاندى مەملەكەتتىك بوكەتوۆ اتىنداعى ۋنيۆەرسيتەتىن, 2011 جىلى قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىن ءتامامدادى. 2016 جىلى س.سەيفۋللين اتىنداعى قازاق اگرارلىق ۋنيۆەرسيتەتىنىڭ ديپلومىن الدى. 2009 -2012 جج. وساكاروۆ اۋدانى مولودەجنىي كەنتىنىڭ اكىمى بولدى. 2012 - 2013 جج قاراعاندى وبلىسى وساكاروۆ اۋدانى اكىمى اپپاراتىنىڭ باسشىسى, 2013 ج. قازىرگى ۋاقىتقا دەيىن وساكاروۆ اۋدانى اكىمىنىڭ ورىنباسارى لاۋازىمىن اتقاردى.