ترامپ ساياساتى تەڭگەنىڭ باعامىنا ءتيىمدى بولىپ تۇر

اقش پرەزيدەنتىنىڭ يناۋگۋراتسياسىندا ايتقان ۇلتتىق ەكونوميكانى سىرتقى اسەرلەردەن قورعاۋ ساياساتى دوللاردىڭ وزىندىك قۇنىن ءتۇسىرىپ جىبەردى. اپتا باسىنان بەرى دوللاردىڭ ەۋرو مەن يەنگە شاققانداعى باعامى كۇرت قۇلدىراپ, بۇگىننىڭ وزىندە اقش دوللارى كەشەگى سەسسيامەن سالىستىرعاندا 1 پايىز قۇنسىزدانىپ, ناتيجەسىندە التى اپتادان بەرى بولماعان ەڭ تومەنگى كورسەتكىشكە ءتۇستى. "دەگەنمەن, ءبىز ۇزاقمەرزىمدى كەزەڭدە دوللاردىڭ قايتا كۇشەيەتىنىنە سەنىمدىمىز. قازىرگى كەلەڭسىزدىك ترامپ ساياساتىنا قاتىستى الاڭداۋشىلىقتان بولىپ وتىر", - دەدى Merrill Lynch ينستيتۋتىنىڭ وكىلى سيۋسۋكە يامادا. دوللاردىڭ بۇلايشا قۇلدىراۋى وسى اپتادا مۇناي باعاسىنىڭ كوتەرىلۋىنە دە اسەر ەتتى. بۇگىن استانا ۋاقىتىمەن تاڭعى ساعات 09:00-دە 55,30 دوللارعا باعالانعان برەنت ماركاسى, دوللار السىرەيتىن بولسا, تاعى دا كوتەرىلە ءتۇسۋى ىقتيمال. مۇنايدىڭ قىمباتتاۋى ءوز كەزەگىندە تەڭگەنىڭ وڭ جامباسىنا كەلىپ وتىر. قاتارىنان ءۇش كۇن نىعايعان ۇلتتىق ۆاليۋتانىڭ دوللارعا شاققانداعى باعامى بۇگىن KASE-ءنىڭ تاڭعى سەسسياسىندا 327,76-عا تومەندەدى.