ەرلىك ەشقاشان ۇمىتىلمايدى. بيىل 30 مامىردا وبلىستىق توتەنشە جاعدايلار دەپارتامەنتىنىڭ قۇتقارۋشىسى جومارت سارسەنبەكوۆ تولە بي اۋدانىنداعى اقمەشىت شاتقالىندا اداسىپ كەتىپ, ىزدەۋ جاريالانعان ءتۋريستى تاۋىپ, كەزەكشى بولىمگە حابارلاعاننان كەيىن ابايسىزدا 100 مەتر شاماسىنداعى بيىكتىكتەن قۇلاپ قازا تاپقان ەدى. بىرەۋدىڭ ءومىرىن ساقتايمىن دەپ ءجۇرىپ ءوزى مەرت بولعان جومارتتىڭ ارتىندا جارى, شيەتتەي بەس ۇل-قىزى قالعان.
تاعدىر-اي دەسەڭىزشى, توتەنشە جاعدايلار دەپارتامەنتىندە قىزمەت ىستەگەنىنە 13 جىل بولعان جومارت جارى ۇلجان سابازوۆامەن وتاسقانىنا دا 13 جىل تولىپ, ءدال شاڭىراق كوتەرگەن 30 مامىردا قازا بولدى. جارى ۇلجان سوڭعى ءسابيىن قاراشانىڭ ورتاسىندا دۇنيەگە اكەلدى. جومارت شاقالاعىنىڭ ماڭدايىنان ءسۇيىپ تە ۇلگەرمەگەن.
بىرەۋدىڭ ءومىرىن ساقتايمىن دەپ اجال قۇشقان قۇتقارۋشى ءۇي سالۋدى ارمانداپ جۇرەدى ەكەن. ءوزى كەتكەن سوڭ اڭىراپ قالعان جارى مەن ۇلكەنى سەگىزگە عانا تولعان كىشكەنتاي بالالارىنىڭ اكە ارمانىن ىسكە اسىرا المايتىندىعى بەلگىلى ەدى. سوندىقتان, توتەنشە جاعدايلار دەپارتامەنتى باس بولىپ, دەمەۋشىلەر ەسەبىمەن جاڭا ءۇيدى باستاپ كەتەدى. وسىلايشا, قۇنى 11 ملن تەڭگەگە التى بولمەلى ءۇي ەكى جارىم اي شاماسىندا سالىنىپ بىتەدى.
ءۇيدىڭ كىلتىن جومارتتىڭ جارى ۇلجانعا وبلىس اكىمى جانسەيىت تۇيمەباەۆ تابىس ەتتى. جاڭا ۇيگە كورىمدىك رەتىندە تەلەديدار مەن توڭازىتقىش تارتۋ ەتكەن وبلىس باسشىسى:
– جومارت باۋىرىمىز ناعىز ازامات ەكەن. وزىنە قاتەرلى قاۋىپ ءتونىپ تۇرعانىن بىلسە دە اداسىپ جۇرگەن ءتۋريستىڭ ءومىرىن ساقتاپ قالدى. جومارتتىڭ ەرلىگى ۇمىتىلمايدى. ەندى وسى ۇيدە ونىڭ وتباسى ءوسىپ-ءونسىن, باقىتتى بولسىن, – دەگەن اقتىلەۋ ايتتى.
– ارمانى اسقاق جان ەدى, – دەيدى كوزى جاستان قۇرعاماعان جارى. – وتباسىنا ادال, جايلى ازامات بولاتىن. ءبىز ونى ەشقاشان ۇمىتپايمىز, جۇرەگىمىزدە ساقتاپ وتەمىز.
– قۇتقارۋشى ماماندىعى قيىن دا جاۋاپتى, ەكىنىڭ ءبىرىنىڭ قولىنان كەلە بەرمەيدى. باۋىرىمىزداي بولىپ كەتكەن جومارت ورىنباسار ۇلى قازىر ارامىزدا جوق. جومارت كەز كەلگەن ۋاقىتتا جۇمىسقا بەلسەنە كىرىسىپ, مىندەتىن تياناقتى اتقاراتىن قىزمەتكەر ەدى, – دەيدى وڭتۇستىك قازاقستان وبلىستىق توتەنشە جاعدايلار دەپارتامەنتى باسشىسىنىڭ مىندەتىن اتقارۋشى, پولكوۆنيك باتىرعالي سوپبەكوۆ.
ارينە, قانشا جەردەن جايلى ءۇي دەگەنىمەن ول وتاعاسى ورنىن الماستىرا الماسى انىق. ايتسە دە, قىزمەتتەستەرى جومارتتىڭ كوزى ءتىرىسىندە ورىنداي الماي كەتكەن ارمانىن جۇزەگە اسىرىپ, تاماشا ءۇي سالىپ بەرگەنى ناعىز ازاماتتىق ءىس بولدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
ەرلىك ەشقاشان ۇمىتىلمايدى. بيىل 30 مامىردا وبلىستىق توتەنشە جاعدايلار دەپارتامەنتىنىڭ قۇتقارۋشىسى جومارت سارسەنبەكوۆ تولە بي اۋدانىنداعى اقمەشىت شاتقالىندا اداسىپ كەتىپ, ىزدەۋ جاريالانعان ءتۋريستى تاۋىپ, كەزەكشى بولىمگە حابارلاعاننان كەيىن ابايسىزدا 100 مەتر شاماسىنداعى بيىكتىكتەن قۇلاپ قازا تاپقان ەدى. بىرەۋدىڭ ءومىرىن ساقتايمىن دەپ ءجۇرىپ ءوزى مەرت بولعان جومارتتىڭ ارتىندا جارى, شيەتتەي بەس ۇل-قىزى قالعان.
تاعدىر-اي دەسەڭىزشى, توتەنشە جاعدايلار دەپارتامەنتىندە قىزمەت ىستەگەنىنە 13 جىل بولعان جومارت جارى ۇلجان سابازوۆامەن وتاسقانىنا دا 13 جىل تولىپ, ءدال شاڭىراق كوتەرگەن 30 مامىردا قازا بولدى. جارى ۇلجان سوڭعى ءسابيىن قاراشانىڭ ورتاسىندا دۇنيەگە اكەلدى. جومارت شاقالاعىنىڭ ماڭدايىنان ءسۇيىپ تە ۇلگەرمەگەن.
بىرەۋدىڭ ءومىرىن ساقتايمىن دەپ اجال قۇشقان قۇتقارۋشى ءۇي سالۋدى ارمانداپ جۇرەدى ەكەن. ءوزى كەتكەن سوڭ اڭىراپ قالعان جارى مەن ۇلكەنى سەگىزگە عانا تولعان كىشكەنتاي بالالارىنىڭ اكە ارمانىن ىسكە اسىرا المايتىندىعى بەلگىلى ەدى. سوندىقتان, توتەنشە جاعدايلار دەپارتامەنتى باس بولىپ, دەمەۋشىلەر ەسەبىمەن جاڭا ءۇيدى باستاپ كەتەدى. وسىلايشا, قۇنى 11 ملن تەڭگەگە التى بولمەلى ءۇي ەكى جارىم اي شاماسىندا سالىنىپ بىتەدى.
ءۇيدىڭ كىلتىن جومارتتىڭ جارى ۇلجانعا وبلىس اكىمى جانسەيىت تۇيمەباەۆ تابىس ەتتى. جاڭا ۇيگە كورىمدىك رەتىندە تەلەديدار مەن توڭازىتقىش تارتۋ ەتكەن وبلىس باسشىسى:
– جومارت باۋىرىمىز ناعىز ازامات ەكەن. وزىنە قاتەرلى قاۋىپ ءتونىپ تۇرعانىن بىلسە دە اداسىپ جۇرگەن ءتۋريستىڭ ءومىرىن ساقتاپ قالدى. جومارتتىڭ ەرلىگى ۇمىتىلمايدى. ەندى وسى ۇيدە ونىڭ وتباسى ءوسىپ-ءونسىن, باقىتتى بولسىن, – دەگەن اقتىلەۋ ايتتى.
– ارمانى اسقاق جان ەدى, – دەيدى كوزى جاستان قۇرعاماعان جارى. – وتباسىنا ادال, جايلى ازامات بولاتىن. ءبىز ونى ەشقاشان ۇمىتپايمىز, جۇرەگىمىزدە ساقتاپ وتەمىز.
– قۇتقارۋشى ماماندىعى قيىن دا جاۋاپتى, ەكىنىڭ ءبىرىنىڭ قولىنان كەلە بەرمەيدى. باۋىرىمىزداي بولىپ كەتكەن جومارت ورىنباسار ۇلى قازىر ارامىزدا جوق. جومارت كەز كەلگەن ۋاقىتتا جۇمىسقا بەلسەنە كىرىسىپ, مىندەتىن تياناقتى اتقاراتىن قىزمەتكەر ەدى, – دەيدى وڭتۇستىك قازاقستان وبلىستىق توتەنشە جاعدايلار دەپارتامەنتى باسشىسىنىڭ مىندەتىن اتقارۋشى, پولكوۆنيك باتىرعالي سوپبەكوۆ.
ارينە, قانشا جەردەن جايلى ءۇي دەگەنىمەن ول وتاعاسى ورنىن الماستىرا الماسى انىق. ايتسە دە, قىزمەتتەستەرى جومارتتىڭ كوزى ءتىرىسىندە ورىنداي الماي كەتكەن ارمانىن جۇزەگە اسىرىپ, تاماشا ءۇي سالىپ بەرگەنى ناعىز ازاماتتىق ءىس بولدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
