قازاقستان LPI لوگيستيكالىق تيىمدىلىك يندەكسىن كوتەردى

قازاقستان حالىقارالىق لوگيستيكالىق رەيتينگىندە (LPI) ون ءبىر ساتى كوتەرىلىپ, 160 ەلدىڭ ىشىندە 77 ورىنعا تۇراقتادى. بۇل تمد ەلدەرىندەگى ۇزدىك كورسەتكىش, دەپ حابارلايدى "قازاقستان تەمىر جولى" ۇك" اق ءباسپاسوز قىزمەتى. 2020 جىلدارى قازاقستان لوگيستيكالىق قولايلى 40 ەلدىڭ قاتارىنا كىرۋدى كوزدەيدى. ول ءۇشىن «قتج» ۇك» اق ۇلتتىق لوگيستيكالىق وپەراتور رەتىندە ءتيىستى ينفراقۇرىلىمدى دامىتىپ, كەدەندىك راسىمدەۋدى جەڭىلدەتىپ, تاسىمالداۋعا اقپاراتتىق تەحنولوگيانى ەنگىزۋدى كوزدەيدى. ونىڭ سىرتىندا, «قازاقستان تەمىر جولى» كومپانياسى قازاقستاننىڭ عالامدىق نارىقتاعى باسەكەلەستىگىن ءوسىرۋ ءۇشىن ارالاس جۇكتەردى تاسىمالداۋ كولەمىن ارتتىرادى. وسى ماقساتتا تەمىر جول مەن اۋەكولىگىمەن ارالاس تاسىمالداۋ ءۇشىن جاڭا كولىك ءونىمى - «Rail-Air» ۇسىنادى. بۇل ءونىمنىڭ بالامالى نەگىزدە وڭتۇستىك شىعىس ازيانىڭ دۋبايدى ەۋروپامەن جالعايتىن «Sea-Air» لوگيستيكالىق تىزبەگىنەن ءسال جىلدامدىعى تومەندەۋ. العاشقى اۋە جۇك تاسىمالى قىتايدان ەۋروپاعا, يران, رەسەي, تۇركياعا 2017 جىلى جىبەرىلەدى. LPI – الەم بانكىنىڭ لوگيستيكالىق قىزمەت تىزبەگىنىڭ تيىمدىلىگىن باعالاۋدىڭ حالىقارالىق رەيتينگى. ونىڭ ناتيجەسى جالپى الەمدىك حالىقارالىق ەكسپەديتورلىق كومپانيالار مەن ەكسپرەسس جەتكىزۋ قىزمەتىنىڭ مالىمەتتەرىنە نەگىزدەلەدى. الەمدىك بانكى LPI يندەكسىن ەكى جىلدا ءبىر رەت شىعارادى. ول ءوز كەزەگىندە مەملەكەتتەرگە لوگيستيكا جۇيەسىنىڭ مۇمكىندىگىن تاڭداۋعا ىڭعايلى بولادى.