تۋىستارىمەن سول جىلدىڭ 9 ناۋرىزىندا سوڭعى رەت حابارلاسىپ, ودان كەيىن بايلانىس ۇزىلگەن. اقجارقىننىڭ گۋانچجوۋداعى تەرگەۋ يزولياتورىنا وتىرعانىن تۋعان-تۋىستارى كەيىن ءبىلدى. وسى ءىس بويىنشا قىتايدىڭ گۋانچجوۋ سوتى اقجارقىن تۇرلىبايدى ەسىرتكى كونترابانداسىمەن اينالىستى دەپ ايىپتاپ, 2015 جىلدىڭ 15 ماۋسىمىندا ءومىر بويىنا باس بوستاندىعىنان ايىرعان بولاتىن.
اقجارقىندى تانيتىندار ونىڭ ۋنيۆەرسيتەتتە ۇزدىك وقيتىنىن, شەت ءتىلىن ەركىن مەڭگەرگەنىن ايتىپ, بۇل اقپاراتقا سەنبەگەن ەدى. اناسىنىڭ ايتۋىنشا, ءبىر قۇربىسى اقجارقىنعا ءساندى كيىمدەر تاسىمالداۋمەن اقشا تابۋعا كەڭەس بەرىپ, الەنا ەسىمدى بىرەۋمەن جانە دجونن اتتى نيگەريانىڭ ازاماتىمەن تانىستىرعان. كەيىنىرەك بۇل جونىندە ەسىرتكى زاتتارى, پسيحوتروپتى زاتتار جانە پرەكۋرسورلاردىڭ زاڭسىز اينالىمىمەن كۇرەسەتىن ورتاازيالىق ايماقتىق اقپارات ۇيلەستىرۋ ورتالىعى اقپاراتتىق-ساراپتامالىق بولىمشە ء(وااۇو) باسشىسى امانجول ورازباەۆ تا ايتتى. وسىلايشا, اقجارقىن نيگەريالىق ءىرى مافيانىڭ قۇربانى بولدى دەگەن جورامال جاسالدى.
2016 جىلى 7 ساۋىردە اپەللياتسيالىق ساتىداعى سوت اقجارقىن تۇرلىبايدىڭ ءومىر بويىنا باس بوستاندىعىنان ايىرۋ جازاسىن وزگەرتىپ, ءىستى ءبىرىنشى ساتىداعى سوتتىڭ قاراۋىنا جىبەردى. بۇگىن جۋرناليستەرگە بەرگەن سۇحباتىندا ادۆوكات فەن چجيتسزيان كەزەكتى وتىرىس پەن سوت شەشىمى 2017 جىلعى قاڭتار ايىنىڭ باسىندا شىعادى دەپ ۇمىتتەنەتىنىن ايتتى.
ساراپشىلار نيگەريالىق ەسىرتكى مافياسىنىڭ بۇكىل الەمدە تامىرىن تەرەڭ جايعانىن ايتادى. قىلمىسكەرلەر ەسىرتكى ساۋداسىنا كوبىنە جاس قىزداردى تارتادى. قازىردە وااۇو مالىمەتتەر بازاسىنىڭ وزىندە قىرعىزستان, وزبەكستان, قازاقستان جانە رەسەيدەن 30-عا جۋىق جاس تىركەلگەن. ولاردىڭ كوبى "قاماۋعا الىنعان", "كەيىنگى جاعدايىنان حابار جوق" نەمەسە ء"ومىر بويىنا باس بوستاندىعىنان ايىرىلدى" دەگەن اقپاراتپەن تۇر. قازىرگى ۋاقىتتا نيگەريالىق ەسىرتكى باروندارىنىڭ قۇربانى بولعاندار اراسىندا اقجارقىن تۇرلىبايدان باسقا قىرعىزستاندىق جىبەك ساكەەۆا, سۆەتلانا كۋلباەۆا, سەمەن سوبول, شوۆكاتبەك يۋسۋپجانوۆ, چولپون شايمبەتوۆالار مەن رەسەيلىك 11 بويجەتكەن تۇر.
گۇلنۇر قۋانىشبەكقىزى,
"ەگەمەن قازاقستان"
