"يننوۆاتسيانىڭ اشىلۋى" فورۋمى اياسىندا ماسكەۋدەگى «سكولكوۆو» تەحنوپاركى اۋماعىندا ەۋرازيا اپتالىعى ءوتتى. وندا رەسەي, قازاقستان, بەلورۋس, ارمەنيا, قىرعىزستان مەملەكەتتەرىنىڭ يننوۆاتسيالىق جوبالارى تانىستىرىلدى.
اتالعان كورمەدە قر تەحنولوگيالىق دامۋ جونىندەگى ۇلتتىق اگەنتتىك قازاقستاننىڭ 10 يننوۆاتسيالىق جوباسىن تانىستىردى. ولاردىڭ اراسىندا "Standing" كەزەكتى باسقاراتىن جۇيەلەر, "KazDATA" ماركەتينگتىك بيزنەس انىقتامالىق, «BilimLand» ءبىلىم بەرۋ پلاتفورماسى بار.
«كەلەسى جىلى ەۋرازيا اپتالىعى استانادا ەكسپو-2017 اۋماعىندا وتەدى. بۇل فورۋمنىڭ ماقساتى – وزىق عىلىمي زەرتتەۋلەردى دامىتۋ, پراكتيكالىق تاجىريبە الماسۋ, سونداي-اق يننوۆاتسيا سالاسىنداعى حالىقارالىق ىنتىماقتاستىقتىڭ جاڭا قۇرالدارىن قۇرۋ», - دەدى «ناتر» اق باسقارما توراعاسى سانجار ىزتىلەۋوۆ.
ايتا كەتەيىك, بيىلعى فورۋمعا 100-دەن استام ەل وكىلدەرى قاتىستى.
