"قايرات" تاعى ءبىر شەتەلدىك ويىنشىمەن تولىقتى

فۋتزالدان يران قۇراماسىنىڭ شابۋىلشىسى حوسسەين تايەبي الماتىلىق "قايرات" كومانداسىنا اۋىستى, - دەپ حابارلايدى egemen.kz قازاقستاندىق كلۋبتىڭ رەسمي سايتىنا سىلتەمە جاساپ. ايتا كەتەيىك, كەلىسىمشارت "1+1" سىزباسى بويىنشا جاسالعان. تايەبي مەديتسينالىق تەكسەرىستەردەن ءوتتى, جۋىردا الماتىلىق كوماندانىڭ قۇرامىندا جاتتىعۋ جۇمىستارىن باستايتىن بولادى. "مەن "قايرات" كومانداسىمەن كەلىسىمشارت جاساسقانىما قۋانىشتىمىن. سەبەبى, "قايرات" كومانداسى - الەمدەگى ۇزدىك كوماندا. ول تەك جوعارى ناتيجەلەردى كورسەتۋ ءۇشىن كۇرەسەدى. مەن وسى كوماندانىڭ مۇشەسى بولعانىما قۋانامىن!", - دەدى حوسسەين تايەبي ءباسپاسوز كلۋبىنا بەرگەن سۇحباتىندا. ەسكە سالا كەتەيىك, كولۋمبيادا قىركۇيەك-قازان ايىندا فۋتزالدان وتكەن الەم چەمپيوناتىندا يران قۇراماسى پورتۋگاليانى باسىپ وزىپ, 3-ورىندا يەلەنگەن بولاتىن. يران قۇراماسىندا ويناعان تايەبي 75 ماتچ وتكىزىپ, 66 گول سالعان ەكەن.