اقش «ەكسپو-2017» كورمەسىنە قاتىسادى

«استانا ەكسپو-2017» ۇيىمداستىرۋشى كەڭسەسىنە امەريكا قۇراما شتاتتارى مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى  توماس الفرەد شەننون باسقارعان اقش دەلەگاتسياسى كەلدى.  الدىمەن امەريكالىق ديپلوماتتار ەكسپو پاۆيلوندارىن ارالاپ شىقتى, كەيىن «استانا ەكسپو-2017» ۇك» اق باسقارما توراعاسى احمەتجان ەسىموۆپەن كەزدەستى, دەپ حابارلايدى egemen.kz BNews.kz-كە سىلتەمە جاساپ. «مەن استاناعا كەشە كەشكىسىن كەلءدىم. بۇل مەنىڭ العاشقى رەسمي كەزدەسۋىم. ءبىز ەكسپو-2017-گەقاتىسامىز. جاڭا عانا اقش ورنالاساتىن پاۆيلوندى كوردىم. تاماشا عيمارات, تاڭعاجايىپ پاۆيلون», – دەدى توماس الفرەد شەننون. مەملەكەتتىك حاتشىنىڭ ورىنباسارى اتاپ وتكەندەي, ەكسپو اقش-پەن قارىم-قاتىناس اراسىنداعى ماڭىزدى ەلەمەنت رەتىندە قاراستىرىلىپ وتىر. قازاقستان ءۇشىن جاھاندىق, ونىڭ ىشىندە ەنەرگەتيكا سالاسىنداعى ءوز مۇمكىندىگىن كورسەتەتىن ۇلكەن مۇمكىندىك, دەپ حابارلادى كورمەنىڭ رەسمي سايتى. احمەتجان ەسىموۆ اقش-تىڭ كورمەگە قاتىسۋىنىڭ ماڭىزدىلىعىن ايتتى.  «بيىل 2 مارتە اقش-تا بولدىم. بالامالى ەنەرگيا كوزدەرىن پايدالانۋ بويىنشا قانشالىقتى قارقىندى جۇمىس اتقارىلىپ جاتقاندىعىن بىلەمىن. بۇل – جاڭا تەحنولوگيا مەن زاماناۋي عىلىميجوبالار بويىنشا الدىڭعى قاتارداعى مەملەكەت» – دەدى ۇلتتىق كومپانيانىڭ باسقارما توراعاسى. كەزدەسۋ سوڭىندا اقش مەملەكەتتىك حاتشىسىنىڭ ورىنباسارى ەكسپو-2017 كورمەسىنە قاتىسۋعا بايلانىستى ماسەلەلەردى مەيلىنشە جىلدام شەشۋگە تىرىساتىندىعىن ايتتى.