قىرعىزستان ۇكىمەتى وتستاۆكاعا كەتتى

قىرعىزستان پرەزيدەنتى المازبەك اتامباەۆ   «قىرعىز رەسپۋبليكاسىنىڭ ۇكىمەتىن وتستاۆكاعا جىبەرۋ تۋرالى» جارلىققا قول قويدى. «قىرعىزستان», «ونۋگۋ-پروگرەسس», «اتا مەكەن», قسدپ فراكتسيالارى اراسىنداعى كواليتسيالىق كەلىسىمگە سايكەس قىرعىز رەسپۋبليكاسىنىڭ  جوگوركۋ كەنەشىنىڭ 2015 جىلعى 2 قاراشاسىندا قۇرىلعان   قىرعىز رەسپۋبليكاسىنىڭ ۇكىمەتى وتستاۆكاعا كەتتى دەپ سانالسىن. پرەمەر-مينيستر, ءبىرىنشى ۆيتسە-پرەمەر-مينيستر, ۆيتسە-پرەمەر-مينيسترلەر  لاۋازىمىنداعى ادامدار, ۇكىمەت مۇشەلەرى, سونداي-اق قىرعىز رەسپۋبليكاسى اكىمشىلىك ۆەدومستۆولارىنىڭ باسشىلارى ۇكىمەت مۇشەلەرى جانە قىرعىز رەسپۋبليكاسىنىڭ اكىمشىلىك ۆەدومستۆولارىنىڭ باسشىلارى   ۇكىمەتتىڭ   جاڭا قۇرامى مۇشەلەرىن جانە اكىمشىلىك باسشىلارىن تاعايىنداعانعا دەيىن بۇرىن  اتقارعان لاۋازىمى بويىنشا  مىندەتتەردى ورىنداۋدى جالعاستىرسىن», - دەلىنگەن قر پرەزيدەنتىنىڭ سايتىندا. ەسكە سالساق, قىرعىزستاندا كوپشىلىك كواليتسيا ىدىرادى. «ىمىراسىز ساياسي كوزقاراستارعا بايلانىستى قسدپ كوپشىلىك كواليتسياسىنان شىعادى», - دەپ حابارلادى جۋرناليستەرگە بەرگەن سۇحباتىندا دۇيسەنبىدە  فراكتسيا كوشباسشىسى يسا ومۋركۋلوۆ. ول شەشىم فراكتسيا وتىرىسىنىڭ قورىتىندىسى بويىنشا قابىلدانعانىن اتاپ ءوتتى. «كونستيتۋتسيالىق رەفەرەندۋمدى وتكىزۋ ماسەلەسى بويىنشا پارتيالاردىڭ ۋاعدالاسا الماۋى كواليتسيانىڭ ىدىراۋىنا الىپ كەلدى», - دەپ اتاپ ءوتتى كوپشىلىك پارلامەنتتىك اليانس كوشباسشىسى قانات يساەۆ.