ىشىمدىك پەن تەمەكىنى قىمباتتاتۋ تۋرالى زاڭدى دەپۋتاتتار قولدادى

بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ جانە كەدەندىك اكىمشىلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانىپ, دەپۋتاتتار تاراپىنان قولداۋ تاپتى, دەپ حابارلايدى egemen.kz ۆaq.kz-كە سىلتەمە جاساپ. دەپۋتتار الدىندا بايانداما جاساعان ۇلتتىق ەكونوميكا ءمينيسترى قۋاندىق بيشىمباەۆ زاڭدى قابىلداساق, قوسىمشا 237 ملرد تەڭگە تابىس تۇسەتىنىن ايتىپ سەندىردى. داۋىس بەرۋ كەزىندە ءماجىلىستىڭ 95 دەپۋتاتى جاقتاپ داۋىس بەردى. «الكوگول ونىمدەرىن ەكسپورتتاۋ كەزىندە قوسارلانعان سالىق سالۋدى بولدىرماۋ جانە وتاندىق وندىرۋشىلەردىڭ باسەكەگە قابىلەتتىلىگىن كۇشەيتۋ ماقساتىندا الكوگول ونىمدەرىن وندىرۋگە پايدالانىلاتىن ەتيل ءسپيرتى اكتسيزىنىڭ نولدىك مولشەرلەمەسىن بەلگىلەۋ ۇسىنىلىپ وتىر. رەسەي مەن بەلارۋستە دە وسى تاجىريبە قولدانىلادى», - دەدى قۋاندىق ءۋاليxان ۇلى. ەندى بۇل زاڭ جوباسى پارلامەنتتىڭ جوعارى پالاتاسى سەناتتان قولداۋ تاۋىپ, جىل سوڭىنا دەيىن ەلباسى قول قويىپ جاتسا, قازاقستاندا الكوگول ونىمدەرى مەن تەمەكى اكتسيزى ايتارلىقتاي وسەدi. 2019 جىلى ىشىمدىكتىڭ 1 ءليترى ءۇشىن اكتسيز قۇنى 85 پايىزعا, تەمەكىنىڭ 1000 داناسى ءۇشىن 74%-عا دەيىن وسەدى. ايتا كەتەيىك, ءمينيستردىڭ ايتۋىنشا, قازىرگى كەزدە 1 ليتر الكوگول ءونىمىنىڭ قولدانىستاعى اكتسيز قۇنى 1380 تەڭگە بولسا, 2017 جىلى بۇل كورسەتكىش 2000 تەڭگەگە وسەدى. ال 2018 جىلى 2275 تەڭگەگە, 2019 جىلى 2550 تەڭگەگە دەيىن جەتەدى. تەمەكىنىڭ 1000 داناسىنا سالىناتىن اكتسيز سالىعى 2017 جىلى 5000-نان 6200 تەڭگەگە دەيىن ارتادى. ال 2017 جىلى 7500 تەڭگەگە, 2018 جىلى 8700 تەڭگەگە دەيىن جەتپەك.