ءبىلىم بەرۋ مينيسترلىگىنىڭ سايتىندا ەلەكتروندى وقۋلىقتار جاريالاندى

قر بعم العاش رەت ءوزىنىڭ سايتىنا وقۋلىقتاردىڭ ەلەكتروندىق نۇسقاسىن ورنالاستىرۋدا. وندا ەڭ ءبىرىنشى بولىپ ءبىرىنشى سىنىپتارعا ارنالعان مازمۇنى جاڭارتىلعان وقۋلىقتار سالىندى. «ەندى ءار وقۋشى, اتا-انا بۇل ەلەكتروندىق ءبىلىم بەرۋ رەسۋرسىنا ەركىن كىرە الادى جانە ونى وزدەرىنە قولايلى كەز كەلگەن ۋاقىتتا پايدالانا الادى. وقۋلىقتاردىڭ ەلەكتروندىق نۇسقاسىن قازاقستاندىق باسپالار بەردى. ولار بيىل بارلىق ءبىرىنشى سىنىپ وقۋشىلارى ءۇشىن وقۋلىق شىعاردى», - دەلىنگەن قر بعم ءباسپاسوز قىزمەتىنىڭ حابارلاماسىندا. ۆەدومستۆو اتاپ وتكەندەي, وقۋ قۇرالىن ينتەراكتيۆتى بەرۋدىڭ زاماناۋي ادىستەرى ءبىلىم الۋدى كەز كەلگەن جاستاعى وقۋشى ءۇشىن قىزىقتى دا تارتىمدى ەتە تۇسەدى. حابارلامادا «ەلەكتروندىق وقۋلىقتاردى پايدالانۋ - قازاقستاندىق ءبىلىم بەرۋ جۇيەسىنىڭ جاڭا تەحنولوگيالىق باعىتىنا سايكەس كەلۋىمەن قوسا, وقۋشىلاردىڭ باعدارلاماعا قىزىعۋشىلىعىن ارتتىرادى», - دەلىنگەن.