جامبىل وبلىسىندا سوڭعى 2 جىلدا, ياعني, 2014-2015 جىلدارى 32 ءسۇت ونىمدەرىنىڭ فەرماسى پايدالانۋعا بەرىلدى. ونىڭ 12-ءسى «باتىس ەۋروپا-باتىس قىتاي» ءاۆتودالىزىنىڭ بويىندا ورنالاسقان, دەپ حابارلايدى وبلىس اكىمىنىڭ ءباسپاسوز قىزمەتى.
بيىل تاعى 7 شاعىن فەرمانىڭ قۇرىلىسى باستالعان. بۇگىنگى كۇنى وڭىردە ءسۇتتى تەرەڭدەتە وڭدەۋ ىسىمەن 20 كاسىپورىن اينالىسادى. بۇل كاسىپورىنداردىڭ جۇكتەمەسى 38 پايىز. اتالعان كورسەتكىش ايماقتاعى مال باسىنىڭ ارتۋىمەن تىكەلەي قاتىستى بولىپ وتىر.
جامبىل وبلىسىندا مال باسى 1991 جىلمەن سالىستىرعاندا ءمۇيىزدى ءىرى قارا - 4,3 , جىلقى 2,0 پايىزعا ارتتى. 2011 جىلدان باستاپ وبلىستا «ءىرى قارا مال ەتىنىڭ ەكسپورتتىق الەۋەتىن ارتتىرۋ» جوباسى جۇزەگە اسىرىلۋدا. جوبا باستالعالى 23 400 باس سيىر اكەلىنسە, 2014 جىلدان باستاپ جۇزەگە اسىرىلا باستاعان «التىن اسىق» باعدارلاماسى بويىنشا 64 300 قوي, «قۇلان» باعدارلاماسىمەن 4 500 جىلقى ساتىپ الىندى.
مەملەكەتتىك قولداۋ مەن اسىلداندىرۋ جۇمىستارىن دۇرىس جولعا قويۋدىڭ ناتيجەسىندە اسىل تۇقىمدى مالدىڭ سانى ارتتى. وبلىستا اسىل تۇقىمدى مىق مالىنىڭ جالپى تابىنداعى ۇلەس سالماعى - 21,8 % (رەسپۋبليكالىق كورسەتكىش - 9,7%), قوي - 28,4%, (رەسپۋبليكالىق كورسەتكىش - 17,0%), جىلقى 24,2 % (رەسپۋبليكالىق كورسەتكىش - 7,1%) قۇراپ وتىر.
2012-2015 جىلدارى اسىل تۇقىمدى مىق مالىنىڭ ساپاسىن ارتتىرۋ ماقساتىندا شەت ەلدەردەن 4100 باس اسىل تۇقىمدى مال اكەلىندى جانە 7 اسىل تۇقىمدى شارۋاشىلىق-رەپرودۋكتور قۇرىلدى. سوڭعى جىلدارى بۇل شارۋاشىلىقتاردا 1 مىڭ باس اسىل تۇقىمدى بۇزاۋ وتكەرىلدى.
وبلىستا سوڭعى بەس جىلدا 20 مىڭ مال بورداقىلايتىن 23 الاڭ ىسكە قوسىلدى.بۇگىندە مالايزيالىق كاسىپكەرلەرمەن بىرگە مەركى اۋدانىندا «اگروستان» جشس تاراپىنان جاڭازەلانديالىق جوبا نەگىزىندە بورداقىلاۋ كەشەنىنىڭ قۇرىلىسى جۇرگىزىلۋدە. الداعى ۋاقىتتا مۇندا 3 مىڭ باسقا دەيىن مال اكەلىنەتىن بولادى.
«اگروفيرما تۇرىكپەن» جشس-نىڭ 5 مىڭ باس ءمۇيىزدى ءىرى قارا مال شارۋاشىلىق رەپرودۋكتور جوباسىنىڭ قۇرىلىسى جۇزەگە اسىرىلۋدا. جوبانىڭ قۇنى - 500 ملن تەڭگە. وسى جوبانى ىسكە اسىرۋ ماقساتىندا 3 مىڭ باس ءمۇيىزدى ءىرى قارا مالى مەن 1 560 باس جىلقى ساتىپ الىندى. جىل اياعىنا دەيىن قوسىمشا 1 400 باس سيىر ساتىپ الۋ جوسپارلانۋدا.
جايىلىمداردى سۋلاندىرۋ باعدارلاماسى قارقىندى جۇرگىزىلىپ, سوڭعى ەكى جىلدا 60 قۇدىق جانە ۇڭعى پايدالانۋعا بەرىلدى. جىل سايىن نەگىزگى اۋىل شارۋاشىلىعى ونىمدەرىنىڭ ءوندىرىسى ارتىپ كەلەدى. 2012 جىلمەن سالىستىرعاندا ەت ءوندىرۋ - 19,2, ءسۇت ءوندىرۋ 8 % ارتتى.
2012 جىلى سويۋعا وتكىزىلگەن ءبىر باس ءمۇيىزدى ءىرى قارا مالىنىڭ ورتاشا سويىس سالماعى 277 كگ قۇراسا, بيىل بۇل كورسەتكىش 322 كگ دەيىن ءوستى. ال سويۋعا وتكىزىلگەن قويدىڭ سالماعى - 32-دەن 37 كگ جەتىپ, 15-16 % ارتتى. ءسۇت وندىرۋدە ءبىر باس ساۋىن سيىردان ساۋىلعان ءسۇت كولەمى 2589-دان 2655 كگ جەتىپ, 2,5 % ۇلعايدى.
كووپەراتيۆتەرگە شاعىن شارۋاشىلىقتاردى بىرىكتىرۋ ماقساتىندا جاڭازەلانديالىق «Fonterra» جانە دانيالىق «Arla» باعدارلامالارى بويىنشا مەركى اۋدانىندا قۇرامىنا 42 شارۋاشىلىق بىرىككەن «مەركى ونىمدەرى» وندىرىستىك كووپەراتيۆى قۇرىلدى. ناتيجەسىندە سۇت باعىتىنداعى 1 000 باس اسىل تۇقىمدى ءمۇيىزدى ءىرى قارا مالىن cاتىپ الۋدى قارجىلاندىراتىن شاعىن نەسيە مەكەمەسى اشىلدى.
