كورەيانىڭ ۇلتتىق كىتاپحاناسىندا قازاقستان بۇرىشى اشىلدى

كورەيا رەسپۋبليكاسىنىڭ ۇلتتىق كىتاپحاناسىندا قازاقستان بۇرىشى اشىلدى, دەپ حابارلايدى egemen.kz «حابار 24»-كە سىلتەمە جاساپ. 200-دەن استام كىتاپتى سەۋلدىك كىتاپحاناشىلارعا ولاردىڭ استانالىق ارىپتەستەرى سىيعا تارتتى. بۇل قازاق, اعىلشىن جانە ورىس تىلدەرىندەگى شىعارمالار. ولاردىڭ ىشىندە بەلگىلى قازاقستاندىق جازۋشىلاردىڭ جانە ساياساتكەرلەردىڭ تۋىندىلارى بار. شارا - قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالىپ وتىر. ال وڭتۇستىككورەيالىق كىتاپتار بولمەسى استاناداعى ۇلتتىق كىتاپحانادا 2009 جىلى اشىلعان. قازىر كورەيانىڭ ۇلتتىق كىتاپحاناسىندا ون ميلليوننان استام كىتاپ بار, بىراق تەك 6 مەملەكەتتىڭ عانا جەكە بۇرىشى بار. ولار قازاقستان, سينگاپۋر, اقش, تۇركيا, تۋنيس جانە يران. «مۇنداعى ماقسات - قازاقستاندىق كورنەكتى جازۋشىلاردىڭ شىعارماشىلىعىن ناسيحاتتاۋ. سونىمەن قاتار وسى ەلدەگى وقىرمانداردى ەلىمىزدىڭ تاريحىمەن, مادەنيەتىمەن, باي سالت داستۇرىمەن تانىستىرۋ جانە ۇلتارالىق تاتۋلىعىمىزدى, دامىعان جاڭا قازاقستاندى الەمگە پاش ەتۋ», - دەيدى قر ۇلتتىق اكادەميالىق كىتاپحاناسىنداعى شەتەل ادەبيەتى ورتالىعىنىڭ قىزمەتكەرى رىسجان ايتباي.