ويىلعا كوگىلدىر وتىن كەلدى

ويىل – وبلىستاعى ەڭ الىس اۋ­دان­داردىڭ ءبىرى. ونىڭ ءۇس­تىنە, الەمدىك قارجى داع­دارىسى قاپ­تالداسىپ شىعا كەلدى. دەگەنمەن, ويىلدىقتار وب­لىستىڭ اۋدان ورتالىقتارىن گاز­داندىرۋ باعىتىندا جۇرگى­زىلىپ جاتقان جۇمىستىڭ قار­قى­نىنا قاراپ, كوگىلدىر وتىننىڭ يگى­لىگىن كورەتىن كۇننىڭ قاشىق ەمەس ەكەنىنە سەنىم ارتىپ كەل­گەن-ءدى. سونىڭ ءساتى دە ءتۇستى. شال­عاي­داعى اۋدان ورتالى­عىنا كو­گىلدىر وتىندى بەرۋگە باي­­لانىستى سالتاناتتى شارا­عا وبلىس اكىمى بەردىبەك ساپار­­باەۆ پەن «قازترانسگاز ايماق» اق اقتوبە وندىرىستىك في­ليا­لىنىڭ ديرەكتورى امان­جول تاجىعاليەۆ, سونداي-اق اۋ­دان تۇرعىندارى قاتىستى. «وبلىستىڭ ەلدى مەكەن­دەرىن گازداندىرۋ جانە گاز تارتۋ جۇيەلەرىن جاڭعىرتۋ» ين­­ۆەس­تيتسيالىق جوباسى اياسىن­­دا ۇلت­تىق وپەراتور «قاز­­ترانس­گاز» اكتسيونەرلىك قوعا­­مى ويىل اۋىلىنداعى كوشە­ارا­لىق جانە جەتكىزۋشى گاز قۇ­بىرىنىڭ قۇرىلىسىن اياقتادى. اۋىلعا گاز قۇبىرىن تارتۋ اياسىندا 1 اۆتوماتتاندىرىلعان گاز تارتۋ ستانساسى, 1 بلوكتى گاز رەتتەۋ پۋنكتى, 92 شاقى­رىم­­نان استام جەتكىزۋشى گاز قۇ­بى­رى, 59 شكافتى گاز رەتتەۋ پۋنك­تى, 77 شاقىرىم كوشە­ارا­لىق گاز قۇبىرى سالىن­دى. ەن­دى اۋىلدىڭ 6 مىڭ تۇر­عى­نى, 871 تۇرعىن ءۇي مەن 59 كوم­مۋنالدىق-تۇرمىستىق ءجا­نە الەۋمەتتىك نىساندار تابيعي گازبەن ۇزدىكسىز قامتاماسىز ەتى­لەدى. جالپى, وبلىس بويىن­شا 2015-2020 جىلداردى قامتي­تىن ينۆەستيتسيالىق جوبا ايا­سىندا 287 شاقىرىم گاز قۇ­بى­رى سالىنباق. ال 2030 جىل­­عا قاراي ءوڭىردى گازبەن قام­­­تۋ دەڭگەيى 96 پايىزعا جە­تە­­دى. بيىل ەل تاۋەلسىزدى­گىنىڭ 25 جىلدىعى قۇرمەتىنە ءبىز­د­­ىڭ وبلىستا بارلىق اۋدان ورتا­­لىقتارى گازداندىرىلادى. مەملەكەت باسشىسى نۇرسۇلتان نازارباەۆتىڭ تاپ­سىر­ماسى­نا سايكەس حالىقتىڭ ءومىر ءسۇرۋ دەڭگەيىن ارتتىرۋ ماق­­سات­ىندا بارلىق ءىس-شارا­لار قابىل­دانۋدا, – دەگەن بەر­دىبەك سا­پار­باەۆ اۋدان تۇرعىن­دارىن كوپتەن كۇتكەن قۋانىش­تارىمەن قۇتتىقتادى. «قازترانسگاز ايماق» اق اق­توبە وندىرىستىك فيليا­لى­نىڭ ديرەكتورى امانجول ءتا­جى­­عاليەۆ ويىلعا گاز تارتۋ ۇلت­­تىق وپەراتوردىڭ ءىرى جوبا­لارىنىڭ ءبىرى ەكەنىن جەت­كىزدى. سالتاناتتى شارادا ءسوز العان ويىل اۋدانىنىڭ قۇر­مەت­تى ازاماتى ءانۋار بەكمۇ­حام­بەتوۆ سىرتتاعى ءارتۇرلى سايا­سي-ەكونوميكالىق داعدارىس­تارعا قاراماستان, ەلباسى نۇر­سۇلتان نازارباەۆ ءار ۋاقىتتا حالىقتىڭ جاعدايىنا كوڭىل ءبولىپ كەلە جاتقانىن تىلگە تيەك ەتە كەلىپ, سونىڭ ناقتى كو­رى­نىسى ويىلعا كوگىلدىر وتىن جەت­كىزىلۋى ەكەنىن اتاپ ءوتتى. ەڭ­بەك ارداگەرلەرى عۇسمان جۇم­بەرگەن ۇلى مەن تى­نىش­تىباي شالاباەۆ وبلىس اكىمى مەن اۋدانعا كوگىلدىر وتىن جەتكى­زۋمەن اينالىسقان كوم­پانيا باسشىلىعىنا اۋىل تۇر­عىن­دارى اتىنان العىسىن ءبىلدىردى. بۇدان كەيىن بەردىبەك سا­پار­­باەۆ پەن امانجول ءتاجى­عا­­ليەۆ جانە اۋداننىڭ بەدەل­دى اقساقالدارى ويىل اۋىلى­نا سالتاناتتى جاعدايدا گاز ءجى­بەردى. ءوڭىر باسشىسى باستا­عان توپ العاشقىلاردىڭ ءبىرى بو­لىپ كوگىلدىر وتىننىڭ يگى­لىگىن كورىپ وتىرعان بەرىك قۇر­­ما­شەۆتىڭ وتباسىندا بولدى. وت­باسىمەن اۋدانداعى «ەنەر­گو­سيستەما» مەكەمەسىندە جۇمىس جاسايتىن بەرىكتىڭ زايى­بى مايرا وت جاعۋ بەينە­تىنەن قۇ­تىلعانىن ايتىپ, قۋانىشىن جاسىرمادى. بۇرىن قىسقا 3 توننا كومىر, قي ساتىپ الىپ كەلگەن, ونىڭ ۇستىنە قوسىمشا ەلەكتر قۋاتىمەن جىلىتىپ كەلگەن وتباسى ءبىر ايدا ءۇيدى جى­لىتۋدىڭ وزىنە 40-50 مىڭ تەڭگە جۇمسايدى ەكەن. ەندى كو­گىلدىر وتىننىڭ يگىلىگىن كورىپ, قارجى جاعىنان دا ۇنەم­گە قول جەتكىزگەلى وتىر­عان­دارىن ايتتى. ءوڭىر باس­شىسى باستاعان توپ «قاز­ترانس­­گاز ايماق» كوم­پانيا­سى تە­گىن گاز تارتىپ بەر­گەن الەۋ­مەت­­تىك توپقا جاتاتىن اسقار مەر­­گە­نوۆتىڭ وتبا­سىندا دا بولدى. كوگىلدىر وتىننىڭ كەلۋى اۋدان ەكونوميكاسىنا وڭ ىق­پا­لىن تيگىزەرى ءسوزسىز. بۇعان دەيىن اقتوبەگە باراتىن تاس جول سالىنىپ, سۋ قۇبىرى تار­تىل­عان اۋدان ورتالىعىنا گاز كەل­گەن سوڭ مۇندا شاعىن جانە ورتا بيزنەستىڭ دامۋىنا بەرىك نەگىز بار. ەندى اۋدانعا قارجىلى كاسىپ­كەر­لەر كوپتەپ كەلە باس­تايدى, تۋ­ريزمنىڭ دامۋىنا ىقپال ەتە­دى دەگەن ءۇمىت وياندى. ساتىبالدى ءساۋىرباي, «ەگەمەن قازاقستان» اقتوبە وبلىسى, ويىل اۋدانى