قاسىم جىرلاعان قالا حالىقارالىق بايقاۋ جەڭىمپازى

ورالىم, مەنىڭ, ورالىم رەسپۋبليكامىزدىڭ باتىستاعى قاق­پاسى ورال بەس جىلدان بەرى اس­تانالار مەن ءىرى قالالار حا­لىق­ارالىق اسسامبلەياسىنىڭ مۇشەسى. مۇنداي ىن­تىماقتاستىق قالالار اراسىنداعى قا­رىم-قاتىناستار مەن ءوزارا ىنتى­ماقتاستىقتى دامىتۋعا جاڭا سەرپىن بەرگەنى دە امبەگە ايان. ءار جىل سايىن وسىنداي بايلانىستار مەن تاجىريبەلەر اياسىندا, حالىقارالىق اسسامبلەياعا مۇشە قالالار اراسىندا بايقاۋلار مەن كونكۋرستار وتكىزىلىپ كەلەدى. وتكەن اپتادا استانالار مەن ءىرى قالالار حالىقارالىق اسسامبلەياسى وسىن­داي كەزەكتى حالىقارالىق كونكۋرستىڭ ناتيجەلەرىن جاريا ەتتى. بۇل جونىندە اتالمىش اسسامبلەيانىڭ اتقارۋشى ديرەكتورى ۆ.ي.سەليۆانوۆتىڭ ورال قالاسىنىڭ اكىمى س.ح.ورازوۆقا جولداعان قاتىناس حاتىندا بىلاي دەپ كورسەتىلگەن: «تمد-نىڭ جانە ەۋرازيالىق ەكونوميكالىق وداقتىڭ ۇزدىك قالاسى» تاقىرىبىنداعى حالىقارالىق بايقاۋ كونكۋرستىڭ قورىتىندىسى بويىنشا ورال قالاسى ۇزدىكتەر قاتارىنان كورىندى. اتاپ ايتقاندا ورال قالاسى «قالانى اباتتاندىرۋعا كەشەندىك كوزقاراس» نوميناتسياسى بويىنشا جەڭىمپاز دەپ تانىلدى. ءبىز وسى جاعىمدى جاڭالىققا بايلانىستى ورال قالاسىنىڭ اكىمى ساميعوللا ورازوۆپەن شۇعىل بايلانىسقا شىققان ەدىك. – الەمدەگى قالالاردىڭ بۇگىنگى دامۋ پراكتيكاسىندا اباتتاندىرۋ ءىسى جەتەكشى مانگە يە. قاۋقيتىپ كوپ قاباتتى ۇيلەر تۇرعىزا سالۋ اسا قيىن شارۋا ەمەس. مۇنداي سورايعان جالاڭ عيماراتتار ادامنىڭ ەڭسەسىن باسىپ تۇرعانداي اسەر ەتەدى. ءبىر سوزبەن ايتقاندا اباتتاندىرۋ ۇعىمىن – سول بيىك عيماراتتاردىڭ جانىنداعى دەمالىس ورىندارى, گۇلزارلار مەن ساياباقتار, سۋبۇرقاقتار, اشىق كەڭىستىكتەر دەپ تۇسىنۋگە بولادى. سوڭعى جىلدارى ءبىز قالا قۇرىلىسىن جالاڭ جۇرگىزبەي ماسەلەنىڭ وسى جاعىنا دا ۇلكەن كوڭىل ءبولۋدى ادەتكە اينالدىردىق. ءتىپتى, ەسكى قونىستارداعى بۇرىنعى ساياباقتاردى جاڭعىرتۋعا باعىت ۇستادىق. حالىقارالىق كونكۋرستا جەڭىمپاز اتانۋىمىز وسىنداي ىستەردىڭ ءبىر ناتيجەسى بولسا كەرەك. ءيا, قالا باسشىسى ورىندى اتاپ كورسەتكەندەي ورالدا سوڭعى جىلدارى قولعا الىنعان وڭدى ىستەر جەتەرلىك. تەك بيىلعى جىلى مۇندا وتىزعا تارتا گۇلزارلار مەن دەمالىس ورىندارىن قايتادان جاڭعىرتۋ بەلگىلەنىپ وتىر. ورال قالاسىنىڭ اكىمى ورازوۆ ونى تاۋەلسىزدىكتىڭ جيىرما جىلدىعىنا تارتۋ دەپ ەسەپتەيدى. تەمىر قۇسايىن, ورال