بولاشاققا ەلباسىمەن بىرگە

اقتوبە قالاسىندا «نۇر وتان» حدپ جوعارى پارتيا مەكتەبى پار­تيانىڭ وبلىستىق فيليالىمەن بىرلەسىپ, ەلدىڭ باتىس وڭىرلەرى باستاۋىش پار­تيا ۇيىمدارىنىڭ توراعالارى ءۇشىن وقىتۋ سەمينارى اياسىندا «2010-2014 جىلدارعا ارنالعان ۇدەمەلى ين­دۋستريالىق-يننوۆاتسيالىق دامۋ مەم­لەكەتتىك باعدارلاماسىن جۇزەگە اسىرۋ جاعدايىندا يننوۆاتسيالار مەن ءون­دى­رىس­تىڭ ىقپالداسۋ باسىمدىقتارى» تا­قى­رىبىندا دوڭگەلەك ۇستەل وتكىزدى. وعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى, مەملەكەتتىك ورگاندار بيزنەس قوعامداس­تىقتارى وكىلدەرى, وتاندىق جانە شەتەلدىك عالىم ساراپشىلار قاتىستى. «نۇر وتان» حدپ-نىڭ كەزەكتى ءحىىى سەزىنەن كەيىن ىلە-شالا ۇيىمداس­تى­رىلعان شارا بارىسىندا بۇگىنگى كۇن­نىڭ بىرقاتار ماڭىزدى ماسەلەلەرى ءسوز بولدى. وڭىردەگى «قازمۇنايبۇرعىلاۋ», «قاز­ترانسويل» جانە «ماەك قازا­تومپروم» جاۋاپكەرشىلىگى شەكتەۋلى سەرىكتەستىكتەرى سياقتى ءىرى كاسىپ­ورىن­داردىڭ باستاۋىش پارتيا ۇيىم­دارى­نىڭ باسشىلارى دا وسى سەمينار تىڭ­داۋشىلارى بولدى. دوڭگەلەك ۇستەلگە قاتىسۋشىلار الدىندا جو­عارى پارتيا مەكتەبىنىڭ ديرەكتورى, ەكونوميكا عىلىمدارىنىڭ دوكتورى باقىت ەسەكينا كىرىسپە ءسوز سويلەپ, جوعارى پارتيا مەكتەبىنىڭ قۇرىلىمدىق جۇيەسى­مەن, اتقاراتىن جۇمىستارىمەن قىس­قاشا تانىستىرىپ ءوتتى. ول بۇل شارا­نىڭ ەلباسى نۇرسۇلتان نازارباەۆتىڭ «بولاشاقتىڭ ىرگەسىن بىرگە قالايمىز» اتتى قازاقستان حالقىنا جولداۋىن جانە 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋ باعدارلاماسىن, سونداي-اق «نۇر وتان» حدپ ءحىىى سەزىندە ەلباسى العا قويعان مىندەتتەمەلەردى اقپاراتتىق قولداۋ جانە حالىق اراسىندا ءتۇسىن­دىرۋ بويىنشا «نۇر وتان» حدپ-نىڭ جوسپارلى جۇمىسى اياسىندا وتكىزىلىپ وتىرعانىن اتاپ ءوتتى. دوڭگەلەك ۇستەل­دىڭ ماقساتى جولداۋ مەن سەزدە اتاپ كورسەتىلگەن نەگىزگى مىندەتتەر مەن ين­دۋستريالىق-يننوۆاتسيالىق دامۋ باع­دارلاماسىن, الەۋمەتتىك دامۋ جانە جۇ­مىسسىزدىقتى جويۋ باسىمدىق­تا­رىن, يننوۆاتسيا مەن ءوندىرىستىڭ ىق­پال­داس­­تىعىن قامتاماسىز ەتۋ ماسەلە­لەرىن ءوزارا تالقىلاۋ, سونداي-اق, يننو­ۆاتسيانى ءون­دىرىسكە ەنگىزۋ ۇدەرىسىن جەدەلدەتۋ جول­دارىن انىقتايتىن ۇسىنىستار دايىن­داۋ بولىپ تابىلادى. – قازىردىڭ وزىندە جۇمىس توبى ءبىر­قاتار ۇسىنىستاردى دايىنداپ ۇلگەردى. دوڭگەلەك ۇستەلدە ولاردى تالقىلاپ, ۇكى­مەتكە, پارلامەنتكە جولدايمىز. يننو­ۆاتسيانى وندىرىسكە ەنگىزۋدى قولداۋ ماق­ساتىندا ايماقتاردا يننوۆاتسيالىق كلاستەرلەر قۇرۋدى, يننوۆاتسيالىق ورتا­لىق­تار اشۋدى ۇسىنىپ وتىرمىز. وكىنىشكە قاراي, جەرگىلىكتى جەرگە ۇلت­تىق يننوۆا­تسيالىق جۇيەنىڭ قانداي مۇمكىن­دىكتەرى بار ەكەنى تۋرالى اق­پاراتتار تولىق جەتپەيدى. بيزنەس قۇرى­لىمدارى تاپسىرىستى قالاي بەرۋ كەرەكتىگىن, ۆەنچەرلىك قوردىڭ نە ەكەنىن, يننوۆاتسيانى وندىرىسكە ەنگىزۋگە عى­لىمي مۇمكىندىكتى قالاي ءتيىمدى پاي­دالانۋدى, سالىقتىق جەڭىلدىكتەردى, سالىق كانيكۋلى دەگەننىڭ نە ەكەنىن بىلە بەرمەيدى. سونداي-اق, وندىرىسكە يننوۆاتسيانى ەنگىزۋدىڭ ەكونو­مي­كالىق ءتيىمدى تەتىكتەرى مەن مەحانيزمدەرىن دە ۇسىنىپ وتىرمىز. ەڭ باستىسى, ءبىز ءاربىر قازاقستاندىقتىڭ ۇدەمەلى ين­دۋس­تريالىق-يننوۆاتسيالىق باع­دار­لا­ما­نى جۇزەگە اسىرۋعا قاتىسۋىنا ىق­پال ەتۋ­گە جاعداي جاسايمىز, – دەيدى ب.ەسەكينا. مەملەكەتتىك باعدارلامانى جۇزەگە اسىرۋدىڭ باستى تەتىكتەرىنىڭ ءبىرى عىلىم مەن ءوندىرىستىڭ ءتيىمدى ىقپال­داسۋى بولىپ تابىلادى, ول ەلىمىزدىڭ ۇلتتىق يننوۆاتسيالىق جۇيەسىن قالى­پ­تاستىرۋعا مۇمكىندىك بەرەدى. دوڭگەلەك ۇستەلدە «قازاقستان ين­دۋستريالىق دامۋ ينستيتۋتى» اق ۆيتسە-پرەزيدەنتى گالينا مۇسەنوۆا 2010 جىلى ۇدەمەلى يندۋستريالىق-يننو­ۆاتسيالىق دامۋ باعدارلاماسىن جۇزەگە اسىرۋدىڭ اسپەكتىلەرى جايىندا, «ۇلت­تىق يننوۆا­تسيالىق قور» اق-تىڭ باس­قارۋشى ديرەكتورى – تالداۋ ور­تالى­عىنىڭ دي­رەكتورى جۇماتاي ءسالىموۆ يننوۆاتسيا­لاردى وندىرىسكە ەنگىزۋ سا­لاسىنداعى مەملەكەتتىك ساياسات تۋرالى باياندادى. وسى شارادا ءسوز العان وبلىس اكىمى­نىڭ ورىنباسارى روزا كەمالوۆا اتال­مىش مەملەكەتتىك باعدارلاما اياسىندا اقتوبە وبلىسى بويىنشا 2014 جىلعا دەيىن 1 ترلن. تەڭگە تۇراتىن 86 ينۆەس­تيتسيالىق جوبا ىسكە اسىرىلاتىنىن, 16 مىڭ جاڭا جۇمىس ورنى اشىلاتى­نىن جەتكىزدى. ونىڭ ايتۋىنشا, بۇگىن­گى كۇنى ەلىمىزدىڭ يندۋستريالاندىرۋ كارتاسى­نا وبلىسىمىزدان قۇنى 450,2 ميلليارد تەڭگەنى قۇراتىن 33 جوبا كىرەدى. ونىڭ 12-ءسى رەسپۋبليكالىق, 21-ءى ءوڭىر­لىك كار­تاعا جاتادى. 2010 جىلى قاراس­تىرىل­عان 24 جوبانىڭ ىسكە قوسىلۋى ءناتي­جە­سىندە 109,8 ميلليارد تەڭگە ينۆەستيتسيا يگەرىلىپ, 5,4 مىڭ جۇمىس ورنى اشىلدى.   مەملەكەتتىك باعدار­لا­مانىڭ باستى با­عىتتارىنىڭ ءبىرى ءىرى كاسىپورىندار­دىڭ تاۋار مەن قىزمەت­تەردى ساتىپ الۋ­داعى قازاق­ستاندىق ۇلەسىن جوعارىلاتۋ بولىپ تابىلادى. اتقارىلعان جۇمىس­تاردىڭ قورىتىن­دى­سى بويىنشا جۇيە­لىك كوم­پانيا­لاردىڭ 32,8 ميلليارد تەڭ­گەلىك ساتىپ الۋلارىنىڭ 65,2 پايى­زى نەمەسە 21,4 ميلليارد تەڭگەسى جەرگىلىكتى تاۋار وندىرۋشىلەردىڭ ۇلەسىنە تيگەن. ال پارتيا سەزىندە ەلباسى الداعى 10 جىلدىققا ارنالعان باعدار­لاما­لىق ءسوز سويلەدى. قاتىسۋشىلار پرەزيدەنتتى الداعى سايلاۋعا ۇمىتكەر رەتىندە ۇسىندى. بىزدەر, دەدى دوڭگەلەك ۇستەلگە جينالعاندار, مەملەكەت باس­شىسى العا قويعان ماقسات-مىندەتتەرىن جۇزەگە اسىرۋى ءۇشىن پرەزيدەنتتىك سايلاۋدا ونى قولداپ داۋىس بەرەتىن بولامىز. ساتىبالدى ءساۋىرباي. اقتوبە وبلىسى.