استانا قالاسى 2011 جىلعى 10 اقپان №19/30
2011 جىلعى 3 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا قازاقستان رەسپۋبليكاسىنىڭ پرەزيدەنتتىگىنە كانديداتتى قولداپ قول قويۋ پاراقتارىن بەرۋدىڭ جانە قولداردىڭ راستىعىن تەكسەرۋدىڭ مەرزىمدەرىن قىسقارتۋ تۋرالى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭى 12-بابىنىڭ 2) تارماقشاسىنا, 14-بابىنىڭ 2) تارماقشاسىنا, 56 جانە 66-1-باپتارىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى: 1. قازاقستان رەسپۋبليكاسىنىڭ پرەزيدەنتتىگىنە كانديداتتى قولداپ قول جيناۋعا ارنالعان قول قويۋ پاراقتارى ونىڭ قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا بەلگىلەنگەن تالاپتارعا سايكەستىگى تەكسەرىلگەننەن كەيىن ەكى كۇنتىزبەلىك كۇننىڭ ىشىندە بەرىلەتىن بولىپ بەلگىلەنسىن. 2. قازاقستان رەسپۋبليكاسىنىڭ پرەزيدەنتتىگىنە كانديداتتى قولدايتىن قولداردىڭ راستىعىن اۋماقتىق سايلاۋ كوميسسيالارىنىڭ تەكسەرۋ مەرزىمى وننان بەس كۇنتىزبەلىك كۇنگە دەيىن قىسقارتىلسىن. 3. وسى قاۋلى وبلىستىق, استانا جانە الماتى قالالىق سايلاۋ كوميسسيالارىنا جىبەرىلسىن. 4. وسى قاۋلى بۇقارالىق اقپارات قۇرالدارىندا جاريالانسىن.توراعا ق.تۇرعانقۇلوۆ,
حاتشى ب.مەلدەشوۆ.
