استانا – داكار: كەڭ اۋقىمدى بايلانىستار باستاماسى

كەشە قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قازاقستانعا جۇمىس ساپارىمەن كەلگەن سەنەگال رەسپۋبليكاسىنىڭ مەملەكەتتىك ءمينيسترى – سىرتقى ىستەر ءمينيسترى ماديكە نيانگپەن كەزدەستى. كەزدەسۋ بارىسىندا قازاقستان مەن سەنەگالدىڭ حالىقارالىق ۇيىم­دار شەڭبەرىندەگى ءوزارا ىقپالداس­تى­عى جايىنداعى ماسەلە العاشقى كەزەكتە ءسوز ەتىلدى. اتاپ ايتقاندا, ەكى ەلدىڭ  بۇۇ جانە اعىمداعى جىلدىڭ جا­زىن­دا توراعالىعى قازاقستانعا وتە­تىن يكۇ اياسىنداعى ىنتىماق­تاس­تىق ءما­سە­لەلەرى تالقىلاندى. قانات ساۋداباەۆ ءوز ارىپتەسىن قازاقستاندىق توراعالىقتىڭ ال­دىن الا جوسپارلاعان كۇن ءتارتىبى­مەن تانىستىردى. قازىرگى تاڭدا يكۇ توراعاسى بولىپ تابىلاتىن سەنەگال سىرتقى ىستەر ءمينيسترى ءوز كەزەگىندە قازاقستاندى ەقىۇ-داعى جەمىستى توراعالىعىمەن قۇت­تىق­تاي كەلىپ, ەلىمىزدىڭ توراعالىق بارىسىندا يكۇ جانە ونىڭ ينس­تيتۋتتارىنىڭ دامۋىنا ەلەۋلى ۇلەس قوساتىنىنا سەنىم ءبىلدىردى. ەكىجاقتى قاتىناستار ازىرشە باستاپقى دەڭگەيدە ەكەنىن اتاي وتى­رىپ, تاراپتار قازاقستان-سە­نە­گال ىنتىماقتاستىعىن ساياسي, ەكو­نومي­كا­لىق جانە گۋمانيتار­لىق سالا­لار­دى دامىتۋعا قىزىعۋ­شىلىقتارى بار ەكەنىن راستادى. سونىمەن قا­تار, حالىقارالىق جانە ايماقتىق قاۋىپسىزدىككە قا­تىستى وزەكتى ماسە­لە­لەر جونىندە دە پىكىر الماستى. قازاقستاننىڭ ورتالىق ازيا ايما­عىنداعى ءرو­لىن, سونداي-اق سەنەگال­دىڭ افريكا قۇرلىعىنداعى بەيبىتشىلىك ءىس-شارالارىن ەسكەرە وتىرىپ, تاراپتار ايماقتىق قاۋىپسىزدىك پەن الەم­دەگى تۇراقتىلىقتى قولداۋ­دىڭ ماڭىزدىلىعىن اتاپ ءوتتى. وسى ورايدا مينيسترلەر ەگيپەتتە جال­عاسىپ وتىرعان داعدارىستى تالقىعا سالدى جانە وسى ەلدەگى جاعداي جاقىن ارادا تۇراقتالا­تىنىنا سەنىم ارتتى. كەزدەسۋ سوڭىندا قانات ساۋداباەۆ پەن ماديكە نيانگ ەكى ەلدىڭ سىرتقى ساياسات ۆەدومستۆولارى ارا­سىنداعى ءوزارا تۇسىنىستىك تۋرا­لى مەموراندۋمعا قول قويدى. سەنەگالدىڭ قازاقستانمەن تەك ەكونوميكالىق ەمەس, سونىمەن بىرگە, ساياسي بايلانىستار بويىنشا ىنتىماقتاستىقتى دامىتۋعا نيەتتى ەكەندىگىن بىلدىرگەن ماديكە نيانگ ءوزىنىڭ ويىن: «ءبىز بىرقاتار حالىقارالىق ۇيىمداردىڭ مۇشە­سى بولىپ تابىلامىز. سوندىقتان ەكى ەلدىڭ اراسىندا تىعىز ارىپتەس­تىك قارىم-قاتىناس قالىپتاسىپ وتىر. بۇگىن بەكىتىلگەن مەموراندۋم قا­زاق­ستان مەن سەنەگال ارا­سىنداعى ديپلوماتيالىق بايلا­نىس­تاردى عانا ەمەس, ازيا مەن باتىس افريكا اراسىنداعى قا­رىم-قاتىناستى دا­مىتۋعا نەگىز بولماق. سەنەگال قا­زاقستان باستا­ما­لارىن ارقاشان دا قولدايدى. سەبەبى, ءبىز قازاقستاندى ماڭىزدى ارىپتەس رەتىندە قاراس­تىرامىز», دەپ تۇيىندەدى. اراي ۇيرەنىشبەكقىزى.