حالىقتار دوستىعى – باستى بايلىعىمىزدىڭ ءبىرى

كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «بەيبىتشىلىك پەن كەلىسىمنىڭ 20 جىلى: ەركىندىك, بىرلىك, تۇراقتىلىق, وركەندەۋ» اتتى تاقىرىپتا  قازاقستان حالقى اسسامبلەياسىنىڭ رەسپۋبليكالىق سەمينار-جينالىسى ءوتتى. «اسسامبلەيا – ەلىمىزدەگى بىرلىك پەن كەلىسىمنىڭ كيەلى بەسىگى, تۇتاس­تىق پەن تۇراقتىلىقتىڭ قۇتتى شاڭىراعى», دەگەن ەلباسى نۇرسۇل­تان نازارباەۆ ەگەمەندىگىمىزگە قول جەتكىزگەن ساتتەن باستاپ, بۇگىنگى كۇنگە دەيىن حالىقتار دوس­تىعى مەن ۇلتارالىق تاتۋلىققا ەرەكشە نازار اۋدارىپ كەلەدى. بۇل قازاق جەرىندەگى وزگە ەتنوستارعا جاسالعان قۇرمەتتىڭ انىق دالەل-ايعاعى. بۇل رەتتە, حالىقتار دوستىعى نەگىزىندە جۇمىس جاساپ كەلە جاتقان قازاقستان حال­قى اسسامبلەياسى ينستيتۋتىنىڭ ما­ڭى­زى زور بولسا, رەسپۋبليكالىق دەڭگەيدە وتكىزىلگەن سەمينار-جينا­لىس وتىرىسى بۇل كۇنى ەكى سەكتسيا ارقىلى جۇزەگە استى. پلەنارلىق ءماجىلىس ماقساتى – قازاقستاندىق بارلىق ۇلت وكىل­دەرى­نىڭ بىرلىگىن, كەلىسىمىن, تاتۋ­لى­عىن, ولاردىڭ ەركىندىگى مەن تۇ­راق­تىلى­عىن قامتاماسىز ەتۋگە, سونىمەن قوسا, قازاقستان حالقى اسسامبلەيا­سى نەگىزىندە تۋىنداپ جۇرگەن ماسە­لەلەردى شەشۋ جول­دارى­نا ارنال­دى. قاناتىنىڭ اس­تىن­د­اعى 130-دان استام ۇلت پەن ۇلىستارعا ءبىر اتانىڭ بالا­لارى­نداي كوزقاراس تانىتۋدى باستى ماقسات ەتۋ جو­لىن­دا قۇرىلعان اسسامبلەيا ءىسى – قاسيەتتى ءىس. وعان پلەنارلىق ءماجى­لىس بارىسىندا كوز جەتكىزدىك. قا­زاق­ستاندىق عا­لىم­دار مەن قوعام قاي­رات­كەر­لەرىنەن قۇرالعان وتى­رىس­قا قا­زاق­ستان حالقى اسسامب­لەيا­سى ءتور­اعا­سىنىڭ ورىنباسارى, حاتشىلىق مەڭگەرۋشىسى ەرالى توع­­جانوۆ, بايلانىس جانە اقپارات ۆيتسە-ءمينيسترى نۇراي ورازوۆ, پارلامەنت دەپۋتاتتارى, مەملەكەتتىك ورگاندار مەن قحا جانىنداعى عىلى­مي-بۇقارالىق اقپارات قۇرال­دارى­نىڭ وكىلدەرى قاتىستى. وندا 2011 جىلعى 28 قاڭتارداعى «بولا­شاقتىڭ ىرگەسىن بىرگە قالايمىز!» اتتى پرەزيدەنتتىڭ قازاقستان حال­قىنا جولداۋى مەن قازاقستان رەس­پۋبليكاسى تاۋەلسىزدىگىنىڭ 20 جىل­دى­عىن مەرەكەلەۋ شارا­لارى­نا ەرەك­شە كوڭىل ءبولىندى. بۇل ءجو­نىندە پلەنارلىق ءماجىلىستىڭ مودە­را­تورى ەرالى توعجانوۆ كەڭىنەن باياندادى. پلەنارلىق وتىرىستىڭ ەڭ ۇتىم­­د­ى جاعى ايماقتىق اسسام­بلەيا­­لار حاتشىلىقتارىنىڭ, مينيستر­لىكتەر مەن ۆەدومستۆولاردىڭ ءوزارا قارىم-قاتىناسىن ۇيىمداستىرۋدا وزدەرى­نىڭ ۇسىنىستارى مەن پىكىرلەرىن ورتا­عا سالىپ, مەملەكەتتىك ورگاندار مەن ايماقتىق حاتشىلىق­تاردىڭ وكىل­دەرى وزدەرىن تولعان­دىرىپ ءجۇر­گەن سۇراقتار توڭىرە­گىن­دە ءسوز قوز­عاۋى­مەن بايلانىستى بولدى. بايلا­نىس جانە اقپارات ۆيتسە-ءمينيسترى نۇراي ورازوۆ ءسوزىنىڭ بارىسىندا مينيسترلىك تاراپىنان اتقارىلىپ جاتقان جۇمىستارمەن تانىستىردى. پلەنارلىق وتىرىستان كەيىن, ەتنوسارالىق قاتىناستار سالاسىن­دا جۇمىس جۇرگىزۋ جانە عىلىمي جوبالار مەن الەۋمەتتىك زەرتتەۋلەردى ىسكە اسىرۋ ادىستەمەلەرى, ولاردىڭ ءتاجى­ري­بەدەگى تيىمدىلىگىن ارتتىرۋ بويىن­شا جان-جاقتى پىكىر الماسۋلار مەن كەڭەستەر ءوتتى. ايماقتىق اسسامبلەيالار مەڭگەرۋ­شىلەرى مەن عىلىمي-ساراپتامالىق توپ باسشىلارىنا ارنالعان باسقوسۋ ەكىنشى سەكتسيا جۇمىسى ارقىلى جالعاسىن تاپتى. جۇلدىز ءبايدىلدا.