سەنىم گراموتاسىن تاپسىردى

بەيسەنبى كۇنى قازاقستان رەسپۋب­ليكاسىنىڭ گرەك رەس­پۋب­ليكاسىنداعى توتەنشە جانە وكىلەتتى ەلشىسى الەكسەي ۆولكوۆ گرەك رەسپۋبليكاسىنىڭ پرە­زيدەنتى پروكوپيس پاۆلوپۋلوسقا سەنىم گراموتاسىن تاپسىردى. سال­تاناتتى شارا افيناداعى پرە­زيدەنت سارايىندا ءوتتى. سەنىم گراموتاسى تاپسىرىلعاننان كەيىن گرەكيا باسشىسى قازاقستاندىق ەلشىنى قابىلداپ, ءوزارا سۇحبات بارىسىندا لاۋازىمعا تاعايىندالۋىمەن قۇتتىقتاي كەلىپ, قازاقستان-گرەكيا ىنتىماقتاستىعىن ودان ءارى نىعايتۋعا باعىتتالاتىن جۇمىسىنا ساتتىلىك تىلەدى. پروكوپيس پاۆلوپۋلوس گرەك تاراپى ەكىجاقتى قاتىناستاردى جان-جاقتى دامىتۋعا قىزىعۋشىلىق تانىتىپ وتىرعانىنا توقتالدى. ال قازاقستان ەلشىسى گرەكيا سەكىل­دى تاريح پەن مادەني مۇراعا باي مەم­لەكەتتە قىزمەت جاساۋ ۇلكەن ءما­ر­تەبە جانە زور جاۋاپكەرشىلىك ەكەنىن اتاپ ءوتتى. الەكسەي ۆولكوۆ قازاق­ستان رەسپۋبليكاسىنىڭ پرەزي­دەنتى نۇرسۇلتان نازارباەۆتىڭ ىس­تىق ىقى­لاستى سالەمىن جەتكىزدى. ەكى­جاق­تى قاتىناستاردى ءارى قاراي ءوربىتۋ پەرس­پەكتيۆالارىن تالقىلاپ, شارتتىق-قۇقىقتىق بازانى كەڭەيتۋ, تۋريستىك مۇمكىندىكتى جاڭا دەڭگەيگە كوتەرۋ, قازاقستاندىق-گرەكيالىق ساۋدا-ەكونوميكالىق جانە مادەني-گۋما­نيتارلىق ىنتىماقتاستىعىن دامىتۋ ماسەلەلەرىن اتاپ ءوتتى ەلشى, سونداي-اق, گرەكيا تاراپىن 2017-2018 جىلدارى  بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ كانديداتۋراسىن قولداعانى ءۇشىن العىس ءبىلدىرىپ, گرەك رەسپۋبليكاسىنىڭ ەكسپو-2017 حالىقارالىق كورمەسىنە قاتىسۋ, ەكى مەملەكەت اراسىنداعى جوعارى دەڭگەيدەگى بايلانىستاردى جانداندىرۋ جايىندا ءسوز قوزعادى. ءوز كەزەگىندە گرەكيا پرەزيدەنتى قازاق­ستاننىڭ حالىقارالىق ارەنا­داعى جەتىستىكتەرىن جوعارى باعا­لاپ, گرەكيانىڭ قازاقستان رەسپۋب­لي­كا­سىم­ەن ساياسي جانە ەكونوميكا­لىق باي­لانىستاردى نىعايتۋعا ءمۇد­دەلى ەكەندىگىن تاعى دا ايرىقشا اتاپ ءوتتى. كەزدەسۋ سوڭىندا گرەكيا باسشىسى ەلشى الەكسەي ۆولكوۆتان قازاقستان پرەزيدەنتى نۇرسۇلتان نازارباەۆقا جىلى سالەمىن جەتكىزۋدى ءوتىندى. «ەگەمەن-اقپارات»