ازياداداعى ءىرى جەڭىسىمىز – ەل تاۋەلسىزدىگىنىڭ مەرەيتويىنا تولىمدى تارتۋ

پرەزيدەنت پوشتاسىنان مەملەكەت باسشىسىنىڭ اتىنا استانا مەن الماتىدا 7-ءشى قىسقى ازيا ويىندارىنىڭ تابىستى وتۋىمەن قۇت­تىقتاعان حاتتار مەن جەدەلحاتتار ەلىمىزدىڭ ازاماتتارىنان, تانىمال سپورت­شى­لاردان, سپورت ارداگەرلەرىنەن كوپتەپ كەلىپ تۇسۋدە, دەپ حا­بارلادى قازاقستان رەسپۋبليكاسى پرە­زيدەنتىنىڭ ءباسپاسوز قىزمەتى. اتاپ ايتقاندا, بوكستان سپورت شەبەرى س. نۇرقازوۆ قىسقى ازيا ويىندارى ەلوردادا سال­تا­ناتتى تۇردە, جوعارى دەڭگەيدە اشى­لىپ, جۇرتشىلىقتى تاڭعا­جايىپ اسەرگە بولەگەنىن, بۇل سپورتتىق شارا ەلىمىز ءۇشىن اسا ءىرى وقيعا بولعانىن قۋانىشتى سەزىممەن جازادى. ودان ءارى حات يەسى: «اسا قۇرمەتتى نۇرسۇلتان ءابىش ۇلى! بۇگىنگى كۇنى ءسىزدىڭ سارابدال سايا­ساتىڭىزدىڭ ارقا­سىندا قازاق­ستان­نىڭ تۋى بيىك, تۇعىرى بەرىك بولىپ, بۇكىل ءال­ەم­گە تانىلىپ وتىر», دەيدى. 7-ءشى قىسقى ازيا ويى­ن­دا­رىنىڭ اشىلۋ سالتاناتىنا اتى­راۋ وبلىسىنىڭ دەلەگاتسياسى قۇ­رامىندا قاتىسقان ب. ايماعان­بەتوۆ ءوز اسەرىن بىلايشا ءبو­لى­سەدى: «ونەر جانە سپورت مايتال­ماندارى قازاقتىڭ جەلبىرەگەن كوك تۋىن ورتاعا الىپ شىققاندا, قۋانىشتان توبەسى كوككە كوتە­رىل­مەگەن قازاقستاندىق كەمدە-كەم شى­عار. قازاقستان تاۋەلسىزدىك جىل­دارىندا تۇڭعىش رەت ازيا ويىن­دارىن ۇيىمداستىرۋ ارقىلى ازيانىڭ جەتەكشى ەلدەرىمەن يىق تەڭەستىرىپ وتىر. وسىدان-اق, ەلىمىز جاڭا عاسىرعا نىق سەنىممەن قادام باسقانىن بايقاۋعا بولادى». ال, 7-ءشى قىسقى ازيا ويىن­دارىنىڭ اشىلۋ سالتاناتىنا با­تىس قازاقستان وبلىسىنىڭ دەلە­گاتسياسى قۇرامىندا قاتىسقان سپورت ارداگەرى ا. شۋراەۆ حا­تىن­دا: «اسا ۇلكەن اۋقىمداعى مۇن­داي قۇرلىقتىق شارانى تمد جانە مۇسىلمان ەلدەرى ىشىندە تۇڭعىش رەت ءسىزدىڭ حالىقارالىق دەڭگەيدەگى ساياسي بەدەلىڭىزدىڭ ار­قاسىندا وتكىزدىك. ءبىز ەلىمىزدە جو­عارى دەڭگەيدە وتكەن ازيا وي­ىندارىن قاسيەتتى ەل تاۋەل­سىز­دىگىنىڭ 20 جىلدىعىنا تارتۋى­ڭىز دەپ بىلەمىز», دەپ جازادى. سونداي-اق, قاراعاندى وب­لى­سىنىڭ دەلەگاتسياسىنىڭ قۇ­رامىندا 7-ءشى قىسقى ازيا ويىندارىنا ارنالعان مەرەكەلىك ءىس-شارالارعا قاتىسقان ۇلى وتان سوعىسىنىڭ ارداگەرى ق. بەكەنوۆتىڭ حاتىندا: «قازاق­ستان ءوزىنىڭ زور الەۋەتىن, تالاي قيىن ماسەلەلەردى شەشە الا­تىنىن تاعى ءبىر مارتە پاش ەتتى. ازيادانىڭ اشىلۋ سالتاناتى بارلىق مەرەكەلىك ءىس-شارا­لار­دىڭ شارىقتاۋ شەگى بولدى», دەلىنگەن. ودان ءارى حات اۆتورى ەلباسى ن.ءا.نازارباەۆتىڭ ءتاۋ­ەل­سىز قازاقستاننىڭ ءوسىپ-وركەن­دەۋى جولىندا اتقارعان يگى ىستەرىنە العىسىن ءبىلدىرىپ, زور دەن­ساۋلىق, سۇيىكتى وتانىمىزدىڭ وركەندەۋى جولىنداعى قىز­مە­تى­نە تولىمدى تابىستار تىلەيدى. سارابدال ساياساتقا قولداۋ مەملەكەت باسشىسىنىڭ اتىنا ەلباسى ن.ءا.نازارباەۆتىڭ «بولاشاقتىڭ ىرگەسىن بىرگە قالايمىز» اتتى بيىلعى قازاقستان حالقىنا جولداۋىن قۋاتتاعان حاتتار مەن جەدەلحاتتار كەلىپ تۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتتەرى جول­داعان حاتتا ەلباسىنىڭ قازاقستان حال­قىنا جولداۋىن تىكەلەي ەفيردەن ىقى­لاس­پەن زەيىن قويىپ تىڭداپ, كەلەشەككە قاتىس­تى كەمەل وي تۇيگەندىكتەرىن جازادى. اۆتور­لار ودان ءارى: «ءبىز, ستۋدەنت جاستار, ءسىزدىڭ ساياساتىڭىزدى قولداي وتىرىپ, ەگەمەن ەلى­مىزدىڭ رۋحاني, مادەني جانە ەكونوميكالىق دامۋى ءۇشىن ايانباي ەڭبەك ەتىپ, قازاق­ستاننىڭ جارقىن بولاشاعىن بىرگە قۇرۋعا ءوز ۇلەسىمىزدى قوسامىز», دەپ اتاپ كورسەتكەن. اتالعان حاتقا ستۋدەنتتەر اتىنان ز.ۋسۋپاحمەتوۆ, ج.قورعانباەۆ, ز.ورىنبەكوۆ, ج.جاقىپبەكوۆ, م.يساحوۆ, ر.المانوۆ جانە ج.ەسەناليەۆ قول قويعان. ەلباسىنا جولداعان جەدەلحاتىندا گ.ابدىكەنوۆ زور دەنساۋلىق جانە ەل مۇددەسى جولىنداعى قىزمەتىنە تولايىم تابىس تىلەيدى. ال, قوستاناي وبلىسىنىڭ تۇرعىنى س.ساعىناەۆ حاتىندا ەلىمىزدى دامىتۋداعى ەلباسىنىڭ يگىلىكتى ىستەرىن, قازاقستاندى كۇللى الەمگە تانىتقان ەرەن ەڭبەگىن كە­ڭىنەن اتاپ ءوتىپ, جاڭا دامۋ جولىن اي­قىن­داپ بەرگەن سارابدال ساياساتىنا قولداۋ بىلدىرەدى.