ماتىبۇلاق پوليگونىنداعى مانەۆر

ەلباسى – قازاقستان رەسپۋبلي­كاسى قارۋلى كۇشتەرىنىڭ جوعارى باس قولباسشىسىنىڭ تاپسىرما­سىنا سايكەس اسكەرلەردىڭ جاۋىن­گەرلىك دايارلىعىنا, ولاردىڭ دا­لالىق جاعدايداعى جاتتىعۋ دەڭ­گەيىن جوعارىلاتۋعا, ۇرىس قيمىل­دارىن جۇرگىزۋ ادىستەرىن جەتىلدىرۋگە بارىنشا ءمان بەرىلۋدە.  وسى­عان بايلانىستى اعىمداعى وقۋ جىلىنىڭ نەگىزگى ءىس-شارالارىمەن رەسپۋبليكا قارۋلى كۇشتەرىنىڭ قۇرلىق اسكەرلەرىندە جاۋىنگەر­لىك دايارلىق بويىنشا كەڭ كو­لەمدەگى وقۋ-جاتتىعۋلار جالعا­سۋدا. ماسەلەن, قازىرگى تاڭدا قو­لايسىز قىسقى اۋا رايىنا قارا­ماستان, «وڭتۇستىك» وڭىرلىك قول­باس­شىلىعىنىڭ جەكە قۇرامى قول­باسشىلىق باسشىسى گەنەرال-مايور ءاليحان جاربولوۆتىڭ جەتەكشىلىگىمەن «ماتىبۇلاق» پولي­گو­نىندا ۇرىس قيمىلدارىن ءجۇر­گىزۋگە جاتتىعۋدا. قۇرلىق اسكەرلەرىنىڭ «ءماتىبۇ­لاق» پوليگونى تمد اۋماعىنداعى ەڭ ءىرى پوليگون بولىپ تابىلادى. ونىڭ كولەمى 160 مىڭ گەكتاردى قۇرايدى. پوليگوننىڭ ۇلكەن اۋ­ماعى ارتيللەريا مەن اۆياتسيانى قاتىستىرا وتىرىپ, كەڭ كولەمدەگى تاكتيكالىق جاتتىعۋلاردى وتكىزۋ­گە تولىق مۇمكىندىك بەرەدى. اتالعان پوليگوندا وڭىرلىك قولباسشىلىققا قاراستى 35748-ءشى جانە 82796-شى اسكەري ءبولىم­دەرى شوعىرلانعان. 35748 اسكەري ءبولىمى جاڭادان قۇرىلعان قۇراما ەكەندىگىن اتاپ وتكەن ءجون. ول زاماناۋي تالاپتارعا ساي جاڭا قارۋ-جاراق پەن اسكەري تەحنيكامەن تولىقتاي جاساقتالعان. ءبولىمنىڭ جەكە قۇرامى دالالىق لاگەرگە ۇزاق جولدى ءجۇرىپ جەتتى. ولار وزدەرى شوعىرلانعان شىمكەنت قالاسىنان «ماتىبۇلاق» پوليگو­نىنا دەيىنگى ارالىقتا جاۋىن­گەرلىك تەحنيكامەن شەرۋ جاسادى. بۇل جاۋىنگەرلىك ازىرلىك سالاسىن­داعى وقۋ-جاتتىعۋدىڭ نەگىزگى شارت­­تارىنىڭ ءبىرى بولىپ تابىلادى. ءدال قازىر پوليگوندا شوعىر­لانعان موتواتقىشتار مەن تانكشىلەر كەز كەلگەن جاۋىنگەرلىك تاپ­سىرمالاردى ورىنداۋعا ساقا­داي-ساي دەسە بولادى. ولار جا­ۋىنگەرلىك ماقساتتاعى اۋدانعا كەل­گەن كۇننەن باستاپ, جاتتىعۋ تۇرىندەگى ۇرىس قيمىلدارىن ءجۇر­گىزۋ شارالارىن وتكىزىپ جاتىر. سونىمەن بىرگە 82796-شى ءاس­كەري ءبولىمىنىڭ جەكە قۇرامى دا پوليگوندا جاۋىنگەرلىك دايارلىق بويىنشا ءىس-شارالار وتكىزۋدە. قارۋلى قاقتىعىستاردا قارسى­لاسقا وق جاۋدىرۋ تاپسىر­ما­سىنىڭ 80 پايىزىن ارتيللەريا ورىن­دايدى. وسى ارتيللەريا­شى­لار «ءما­تىبۇلاق» پوليگونىندا موتو­اتقىشتار جانە تانك ءبولىم­دەرىمەن بىرلەسىپ, وق جاۋدىرۋ مەن جا­ۋىنگەرلىك ءىس-ارەكەتتەردە قولداۋ كورسەتۋ بويىنشا وقۋ-جا­ۋىن­گەرلىك تاپسىرمالارىن ورىنداۋدا. وقۋدىڭ جالپى ماقساتى ءار بۋىنداعى كومانديرلەر مەن جەكە قۇرامعا جاۋىنگەرلىك قيمىلدارعا دايىندىق پەن ونى جۇرگىزۋ ءتا­جىريبەسىن پىسىقتاۋ بولىپ تا­بىلادى. مۇندا تىلدىق قام­تاماسىز ەتۋ ماسەلەسىنە دە ەرەكشە نازار اۋدارىلىپ وتىر. سوعىستار مەن قارۋلى قاقتىعىستار تاريحى كورسەتكەندەي, دالا جاعدايىندا كيىم-كەشەك, ازىق-ت ۇلىك, جانارماي, مەديتسينالىق قامتاماسىز ەتۋ شەشۋشى ءرول اتقارادى. وقۋ-جاتتىعۋلار وتكىزىلەتىن اۋداندارعا تىلدىق, تەحنيكالىق جانە مەديتسينالىق قامتاماسىز ەتۋ ورىندارى تولىقتاي جاي­عاستىرىلدى. وسىنداعى دالالىق ناۋبايحانا, كىر جۋ ورنى, مونشا تالاپقا ساي. شەرۋدەن سوڭ وقۋ-جات­تىعۋ­لار­عا قاتىسۋشىلار ناقتى جا­ۋىنگەرلىك ءىس-ارەكەتتەرگە دايار­لىق­تى باستادى. ودان كەيىن ساربازدار جاتتىعۋ تۇرىندەگى قارسى شابۋىل مەن جاۋىنگەرلىك اتىستى قولدانۋ ارقىلى قورعانۋ ۇرىستارى وتكىزىلەتىن مەكەنگە شىعادى. وقۋ-جاتتىعۋلاردى وتكىزۋ كەزىندە جاۋىنگەرلىك تارتىپكە, اتىس جۇيەسىنە, ايماقتى دۇرىس قولدانۋ قابىلەتىنە, اتىس, سوققى مەن مانەۆرلەردى ساۋاتتى ۇيلەستىرۋگە ۇلكەن كوڭىل بولىنەدى. اقپان ايىنىڭ ورتاسىندا وسى «ماتىبۇلاق» پوليگونىندا بري­گادالىق-تاكتيكالىق جات­تى­عۋلار­دىڭ شەشۋشى كەزەڭى وتەتىن بولادى. وعان قۇرلىق اسكەر­لەرىنىڭ دەسانتتىق-شابۋىلداۋشى, مەحانيكالاندىرىلعان جانە ار­تيل­لەريالىق بريگادالارى قا­تىسىپ, ناقتى جاۋىنگەرلىك اتىس­تاردى پىسىقتايدى. مۇحاربەك ماحامبەت, پودپولكوۆنيك قورعانىس مينيسترلىگى ءباسپاسوز قىزمەتىنىڭ وكىلى.