ون بەس مىڭ ادامدىق اكتسيا

قازاقستان رەسپۋبليكاسىنىڭ تۇڭعىش پرەزيدەنتى اتىنداعى سايا­باق­تا ەلباسى نۇرسۇلتان نازارباەۆتىڭ «بولاشاقتىڭ ىرگەسىن بىرگە قا­لايمىز» اتتى قازاق­ستان حالقىنا جولداۋىن قولداۋ ماق­ساتىندا ءوت­كىزىلگەن  بۇل شاراعا  15 مىڭ اقتوبەلىك  قاتىستى. ولاردىڭ اراسىندا  وب­لىس اكىمى ەلەۋسىن ساعىندىقوۆ, سونداي-اق سوعىس جانە ەڭبەك ارداگەرلەرى مەن ەڭ­بەك ۇجىمدارى, شاعىن جانە ورتا بيزنەس وكىلدەرى, ءبىلىم بەرۋ, دەن­ساۋ­لىق ساقتاۋ, سپورت سالاسىنىڭ ماماندارى مەن ستۋدەنت جاستار بولدى. الاڭعا جينالعاندار قولدارىنا ەلباسى نۇرسۇلتان نازارباەۆ­تىڭ بيىلعى حالىققا ارناعان جولداۋىن ناسيحاتتاۋ باعىتىندا جازىلعان پلاكاتتار مەن شاعىن جالاۋشالار ۇستاپ, «العا, قا­زاق­ستان!», «قا­زاق­ستان – نۇرسۇلتان!» دەپ ۇرانداتىپ, اكتسيانىڭ ماڭى­زىن ارتتىرا ءتۇستى. شارانى جۇرگىزۋشىلەر بيىلعى جولداۋدىڭ ەر­ەك­شەلىگىنە توقتالىپ, جۇرتشىلىقتى بەيبىتشىلىككە, بىرلىككە شاقىردى. جيىندا ءسوز العاندار  ەلباسى جولداۋىن  جانە الدا بولاتىن كەزەكتەن تىس پرەزيدەنتتىك سايلاۋدا نۇرسۇلتان ءابىش ۇلىن قىزۋ قولدايتىندىقتارىن ءبىلدىردى. اكتسيا سوڭى جەرگىلىكتى ونەرپاز­دار­دىڭ كونتسەرتتىك باعدارلاماسىنا ۇلاستى. ساتىبالدى ءساۋىرباي, اقتوبە وبلىسى.