قازاقستان نەگىزگى سەرىكتەس جانە ينۆەستور

كەشە اقوردادا مەملەكەت باسشىسى نۇرسۇلتان نازارباەۆ قىرعىز رەسپۋبليكاسىنىڭ پرەمەر-ءمينيسترى المازبەك اتامباەۆتى قابىلدادى, دەپ حابارلادى قازاقستان رەسپۋب­ليكاسى پرەزيدەنتىنىڭ ءباسپاسوز قىزمەتى. كەزدەسۋ بارىسىندا ەكى جاقتى ىنتىماقتاستىقتى دامىتۋدىڭ كەڭ اۋقىمدى ماسەلەلەرى تالقىلاندى. قىرعىزستان پرەمەر-ءمينيسترى نۇرسۇلتان نازارباەۆتىڭ قىر­عىز­ستانداعى احۋالدى تۇراقتان­دىرۋ ۇدەرىسىندەگى ءرولىن جوعارى باعالادى جانە قىرعىز حالقى ءۇشىن قيىن كەزەڭدەردە قازاقستان تاراپىنان كورسەتىلگەن قولداۋعا ريزاشىلىعىن ءبىلدىردى. جالپى, 20 ميلليون دوللاردان استام گۋ­مانيتارلىق كومەك كورسەتىلگەن. سونداي-اق, ا.اتامباەۆ قىر­عىز­ستان ءۇشىن قازاقستان نەگىزگى سە­رىكتەس جانە ينۆەستور بولىپ تا­بىلاتىنىن اتاپ ءوتتى. 2010 جىلى مەملەكەتتەر اراسىنداعى ساۋدا اي­نالىمىنىڭ كولەمى 500 ميلليوننان استام دوللاردى قۇراعان. تاياۋ ۋاقىتتا بىشكەكتە قازاق­ستاندىق بيزنەسمەندەردىڭ قاتى­سۋى­مەن حالىقارالىق ەكونومي­كا­لىق فورۋم وتكىزۋ جوسپارلانۋدا. فورۋم­دا قىرعىز ەكونوميكاسىن قالپىنا كەل­تى­رۋدىڭ جانە دامى­تۋدىڭ وزەكتى پرو­بلەمالارى تال­قىلاناتىن بولادى. قىرعىزستان پرەمەر-ءمينيسترى ءوز ەلىندە قازاقستاندىق ين­ۆەستيتسيانى سەنىمدى قورعاۋعا ءمۇم­كىندىك تۋعىزاتىن قاجەتتى شارالار قابىلداناتىنىنا توقتالىپ ءوتتى. قازىرگى ۋاقىتتا قىرعىزستاندا قازاقستاندىق كاپيتالدىڭ قاتى­سۋى­­مەن بانك سەكتورىندا, ەنەر­گە­تيكا, گاز تاسىمالداۋ سالالا­رىن­دا, ونەركاسىپ, قۇرىلىس ما­تە­ريالدارى وندىرىسىندە 400-دەن استام بىرلەسكەن كاسىپورىن جۇمىس ىستەيدى. قازاقستاندا قىرعىزداردىڭ قا­تىسۋىمەن ساۋدا, تۋريزم, قۇرى­لىس, كولىك سالالارىندا 250 كومپانيا جۇمىس ىستەيدى. ––––––––––––––– سۋرەتتى تۇسىرگەندەر س.بوندارەنكو, ب.وتارباەۆ.