1500 مەتر بيىكتىكتەگى ستاديون

ازيادا تۋرالى ايتقاندا, مىنا ءبىر جايدى ەسكەرۋ كەرەك سياقتى. رەسمي تۇرعىدان وسىناۋ جارىستار استانا مەن الماتىدا وتەدى دەپ ەسەپتەلگەنىمەن, شاڭ­عىمەن جۇگىرۋ, بياتلون جانە قىس­قى سپورتتىق باعدارلاۋ سياقتى سپورت تۇرلەرى­نىڭ مەدالدارى الماتى وبلىسى­نىڭ اۋماعىندا, تالعاردىڭ جا­نىن­داعى تابيعاتى كوركەم سولدات- سايىندا ساراپقا سالىنۋدا. مىنە, «اقبۇلاق» سپورتتىق-ساۋىق­تىرۋ كەشەنىنە كورشى قونعان, «مەدەۋ» مەن «شىمبۇلاق», «تابا­عاندارىڭىزدىڭ» سپورتتىق ءداس­تۇرىن جالعاعان وسى عاجابىڭىز «شاڭ­عى-بياتلون ستاديوندارى» كەشەنى دەپ اتالىپ, قۇلاققا ازيادا كەزىندە جاعىمدى ەستىلەتىن بولىپ بارادى. ستاديوننىڭ باس جوسپارىنىڭ نوبايىن FIS-ءتىڭ نورۆەگيالىق سا­راپشىسى حەرمۋد بوركەستول اتاق­تى كونسالتينگىلىك كومپانيامەن ءبىر­لىكتە ورىنداپ, سول نوباي جۇ­مىس جوباسىنىڭ ازىرلەنىمىنە نەگىز بو­لىپ الىنعان ەكەن. وسىناۋ قۇ­رى­لىس­تىڭ ديرەكتورى سەرگەي پەتروۆيچ شاحوۆەتس سولداتسايىن­داعى شاڭ­عى-بياتلون ستاديوندارى كە­شە­نى­نىڭ قۇرىلىسى 2008 جىلدىڭ جەل­توقسانىندا باستالىپ, 2010 جىل­دىڭ جەلتوقسانىندا اياقتال­عانىن تىلگە تيەك ەتتى. الەمدەگى وسىنداي تۇرعىداعى ءتورتىنشى كەشەن سانالا­تىن ول اسا ءىرى قۇرىلىس بولىپ تا­بىلادى. كەشەننىڭ ءوزى شاڭعى جانە بياتلون ستاديون­دا­رىنان قۇرالعان. ەكى ستاديوننىڭ بىرىككەن بىرەگەيلىگى بىردەن كوزگە تۇسەدى. ءاربىر ستا­ديوننىڭ مىنبەرى 3 مىڭنان استام كورەرمەنگە ارنال­عان. ديرەكتوردىڭ ايتۋىنشا,  جال­پى قۇرىلىس الاڭى 27 گەكتار جەردى الىپ جاتىر. مۇندا تىكەلەي نىسان­دار ورنالاسقان. ودان باسقا, ىلە الاتاۋى ۇلتتىق قورى­عىنىڭ جەرىنە سۇعىنعان 50 گەك­تاردى 4400 مەترلىك بياتلون جانە ون شاقىرىمدىق شاڭعى تراسسالارى شارلاپ كەتكەن. ءبىز وسى ارادا ءVىى قىسقى ازيا ويىندارىنداعى بياتلون بويىنشا سپورت مەنەدجەرى, رەسپۋبليكانىڭ ەڭبەك سىڭىرگەن جاتتىقتىرۋشىسى پا­ۆەل گەورگەۆيچ سەمەنوۆپەن جو­لىق­تىق. ونىڭ ايتۋىنشا, وسىناۋ شاڭ­عى-بياتلون ستاديوندارىنىڭ عا­جايىپتىعى سوندا, ونىڭ 1500 مەتر بيىكتىكتە جاتقاندىعىندا. ءتىپ­تى, ءدال وسىنداي جەر بەدەرى, تابي­عا­تى تۇگەل كەلىسكەن ستاديون ازيا مەن ەۋروپادا جوق كورىنەدى. كەشەندى ادىپتەي كومكەرگەن سۇستى تاۋلاردىڭ تاپ مىناداي سۇلۋلىعى دا باسقا جەرلەردەن تابىلا قويمايدى. وسى­ناۋ قويناۋدا ءار ۋاقىت كۇنشۋاق, جەلسىز تىمىق جوعارى ناتيجەلەرگە جەتەلەيتىندەي. ستاديوندا ءۇش مارتە سى­نامالىق ماڭىزدى جارىس­تار ءوت­كى­زىلىپ ۇلگەرگەن. سوعان سايكەس سپورتشىلاردىڭ دا, حالىقارالىق شاڭعى سپورتى فەدەراتسياسى وكىل­دەرىنىڭ دە كەشەنگە بەرگەن باعاسى جوعارى. مۇنداعى تراسسالار اسا كۇر­دەلى بولىپ تابىلادى. ءارى الەم­دىك ستاندارتتارعا ساي كەلەدى. سون­دىقتان, وعان 2018 جىلعا دەيىنگى سايكەستىك سەرتيفيكاتى بەرىلىپتى. دەمەك, بۇل تراسسالار مەن ستا­ديونداردى حالىقارالىق دەڭ­گەي­دەگى جارىستار وتكىزۋ ءۇشىن پاي­دالانۋعا ابدەن بولادى. وسىن­داي جوعارى دەڭگەيدەگى العاشقى جارىس ازيادا بولىپ تۇر. بيىل­عى ازيادا وتەتىن قىس قارعا ساراڭ­دىعىن بايقاتتى. بۇل ولقىلىقتىڭ ورنىن قار جاساپ اتقىلايتىن زەڭ­بىرەكتەر تولتىرۋدا. ال ەندى قوس قاناتتى عيماراتقا كەلەر بولساق, ونىڭ ءتورتىنشى قابا­تىندا تۇگەلدەي كوممەنتاتورلىق كابينالار جايعاسقان. تورەشى­لەر­دىڭ ورىنجايلارى دا وسى ارادا. ءۇشىن­شى قاباتتىڭ بيىگىنەن جارىس­تاردى «وليم­­پيالىق وتباسى» ءمۇ­شە­لەرى, ياع­ني ازيادانىڭ مارتەبەلى ۆيب-قو­ناق­تارى تاماشالاي الادى. ەكىنشى قا­با­تىمىزدا ءارى مىنبەر, ءارى فوتوسۋرەتشىلەرگە, جۋرناليستەرگە ارنال­عان ورىن­جايلار. ءباسپاسوز ور­تالى­عى دا وسى قاباتقا ورنا­لاس­قان. ءبىرىنشى قاباتى – گالەرەيا. ەڭ تومەنگى قاباتتا سپورتشىلاردىڭ كيىم اۋىس­تىراتىن بولمەلەرى, شاڭ­عىلارىن باپ­تاپ مايلايتىن ورىن­دار. ءدارى­گەر­لەردىڭ بولمەلەرى دە وسىندا. ال عي­ما­رات­تىڭ توبەسىندەگى 700 شارشى مەترلىك الاڭ دا ۇتىم­دى پايدالا­نىلىپ, وندا قوسىمشا كابينالار قو­يىلعان. جۋرناليستەر دە, جاي كو­رەر­مەندەر دە ول جەردەن ستاديون­داعى جارىستى الاقان­داعى­داي كورەدى. ساتىپ الىنعان جەرلەردى, قۇرى­لىس جۇمىستارىن, جابدىقتاردىڭ ءبارىن قوسا ەسەپتەگەندە, وسىناۋ شاڭ­عى جانە بياتلون ستاديونى كەشەنىنە 20 ميلليارد تەڭگەدەن استام قارجى جۇمسالىپتى. البەتتە, ازيا­دا ارقى­لى الاتىن ابىرويىمىز بۇل شىعىن­دى ارتىعىمەن اقتايدى دەپ ويلاي­مىز. ال, ازيادادان كەيىن بۇل كەشەن ەلىمىزدىڭ شاڭعى-بياتلون سپورتىن دامىتۋعا سەپتىگىن تيگىزە بەرمەك, حال­قىمىزدىڭ تاعى ءبىر يگىلىگىنە اينالماق. قورعانبەك امانجول. _______________________ سۋرەتتەردى تۇسىرگەن بەرسىنبەك سارسەنوۆ.