«كۇمىسكە تالاسۋ عانا قالدى»

سارسەنبى  كۇنى  ال­ماتى­داعى حالىق­ارا­لىق ترامپليندەر كەشەنىندە ك-125 تۇ­عى­رىنان سەكىرۋ جارىسى اياق­تال­دى. جاپون­دىقتار­دىڭ با­سىم­دى­لىعى جارىس باس­تال­عاننان-اق كورىنە باس­تا­دى. ءبىرىنشى راۋندتان كەيىن ولار قالعان قارسىلاستارىن ارت­قا تاستاپ, العا سۋىرى­لىپ شىق­تى. سوندىقتان ءوز­گەلەردىڭ تەك كۇمىس مەدالعا تالاسۋدان باسقا امالى قالعان جوق. شاڭعىمەن سەكىرۋ سپورتى بو­يىنشا قازاقستان قۇرا­ما­سىنىڭ ۇزدىك سپورتشىسى نيكولاي كارپەنكو ك-125 ترامپلينىندە وتكەن كو­مان­­دالىق سەكىرۋ سايىسى اياق­تالعان سوڭ كۇمىس جۇلدەگەر اتان­عان­دارىنا شەكسىز قۋانىشتى ەكەنىن جاسىرمادى. – ارينە, التىن الامىز با دەپ ۇمىتتەنىپ ەدىك. جاسىراتىن نەسى بار, جاپوندىقتار الدىنا جان سالماي كەلەدى. ءوز «ۇيىمىزدە» وتى­رىپ, جاپونيا سەكىلدى ەڭ مىق­تى قارسىلاس­تارمەن باق سىنا­سۋدىڭ ءوزى وڭاي ەمەس. دەگەنمەن, ءوز كومان­دامىزدىڭ مۇنداي جەتىستىگىنە قۋا­نىشتىمىن. ەڭ كەرەك كەزدە ءبىر-بىرىمىزگە سۇيەنىش بولدىق. ال, جەكە باسىم ودان دا جاقسى كورسەت­كىشتەر كورسەتەر ەدىم. قا­زاق­ستان چەمپيوناتىندا مەن 139 مەترگە سە­كىرىپ, وزىمە دە, الماتى­لىق ترام­پلينگە دە رەكورد ورنات­تىم. ءبىر سوزبەن ايتقاندا, كوڭىلىم تولا­دى. سەبەبى, كوماندالىق جا­رىس­تار­دىڭ جەكە سايىستارعا قارا­عاندا جاۋاپكەرشىلىگى كوپ. بۇل جولى بارلى­عىمىز تۇراقتى ءناتي­جە كورسەتتىك. بۇل وتە جاقسى, – دەدى ول. كوماندالىق جارىس كەزىندە تۇعىردان سەكىرگەن قازاقستاندىق «ۇشقىش» شاڭعىشى الەكسەي كو­رو­لەۆكە جەل كەدەرگى جاسادى. سون­دىقتان, ونىڭ كورسەتكەن ءناتي­جەسى كۇتكەندەگىدەي بولمادى. شىندى­عىندا سولاي بولعاندىعىمەن شاڭ­عىشىنىڭ ءوزى دە, كوماندا مۇشە­لەرى دە كەلىسەدى. بۇگىنگى اۋا رايى جارىستار­دىڭ ءبىرىنشى كۇنىنە قاراعاندا قو­لاي­سىزداۋ بولىپ تۇر. جەل بول­ماعاندا مەن ەڭ ۇزدىك كورسەتكىشكە قول جەتكىزە الاتىن ەدىم. بىراق, ءبىزدىڭ كومان­دانىڭ كورسەتكەن جارىسىنا كوڭىلىم تولادى. ەكىنشى رەت سەكىرگەنىمدە ءنا­تي­جە جاق­سى بولدى. سپورتشى­لا­رى­مىز دا تىرىسىپ-اق باقتى. ءبىز مەدال الۋدى ماقسات ەتكەن ەدىك. وعان ەڭبەگىمىز سىڭگەن شىعار, دەدى ا.كورولەۆ. قازاقستان قۇراما كومان­دا­سى­نىڭ ەڭ جاس سپورتشىسى ەۆگەني لەۆكين ك-125 كوماندالىق جا­رى­سىندا تاڭعاجا­يىپ ناتيجەگە قول جەتكىزىپ, كو­مان­دا­نىڭ ەسەبىنە ەڭ كوپ ۇپاي قوستى. ول العاشقى جاتتىعۋدا 119,5 مەتر قاشىقتىققا سەكىرسە, ەكىنشى كەزەكتە بۇل كورسەتكىشتى 123-كە جەتكىزدى. ءسويتىپ, اسا تاجىريبەلى قازاق­ستاندىق نيكولاي كارپەنكو­نىڭ ءنا­تيجەسىنەن اسىپ ءتۇستى. ەۆگەني, ءاري­نە, كوماندالىق دوس­تارى­نىڭ تابىس­تارىنا جانە ءوزىنىڭ قول جەتكەن تابىسىنا سونشالىق ريزا بولدى. – ەۆگەني, ءسىز بۇگىن قازاقستان قۇراماسىندا ەڭ جوعارى ناتيجە كورسەتتىڭىز. قۇتتىقتايمىز! – راحمەت! بۇل تابىسىما مەن قۋانىشتىمىن. ءبىزدىڭ كوماندا العا قويعان ماقسات مەجەسىنە جەتتى. بىزگە جانكۇيەرلەردىڭ دە قول­داۋى مەدەت بولدى. كورەرمەن­دەر­دىڭ مۇنداي دەمەۋى سپورتشىلارعا قۋات بەرەدى. ءبىزدىڭ كۇمىس مەدالىمىز بار, جان-تانىمەن بەرىلەتىن جانكۇيەر­لەرىمىز بار. ازيادادا وتەتىن سوڭعى جارىستارعا ءبىز ودان دا كۇشتى قايسارلىق تانىتىپ شىعامىز. – كۇمىس مەدال كوماندانى قاناعاتتاندىردى ما؟ – ارينە. ءبىز ءوز كۇش-مۇمكىن­دىگىمىزدى وبەكتيۆتى تۇردە باعالاي­مىز. التىن مەدال دا ارتىق بولماس ەدى. بىراق ءبىزدىڭ نەگىزگى قارسى­لاسىمىز – جاپون­دىق­تار مىقتى دايىندىقپەن كەلگەندىگىن تانىتتى. قازاقستان قۇراما كومانداسى­نىڭ مۇشەسى راديك جاپاروۆتىڭ ك-125 ترامپلينىندەگى كوماندا­لىق جارىستان كەيىنگى كوڭىل-كۇيى 31 قاڭتاردا وتكەن ك-125-تەگى جەكە جا­رىسقا قاراعاندا جاقسىراق بولدى. وعان تاڭدانۋدىڭ ەش قاجەتى جوق. ويتكەنى, بۇل جولى راديك جاقسى ناتيجەلەر كورسەتتى. العاشقى تال­پىنىس­تا جاپاروۆ 114,5 مەترگە, ەكىنشىسىندە 122,5 مەترگە سەكىردى. – مەنىڭ ءوز سەكىرۋلەرىمە كوڭى­لىم تولادى, – دەدى جاپاروۆ. – ءبىرىنشى جا­رىس كۇنىنەن كەيىن ءناتي­جەلەرىمە وكىن­گەن ەدىم. الايدا, قا­زىر ءبىز كوماندا بو­لىپ العا قو­يىل­عان مىندەتتەردى اتقار­دىق. ال­دىن-الا بول­جان­عان­داي, جا­پون­دىق­­­تار مىقتىراق بوپ شىق­تى, ولاردىڭ كو­مان­دا­لارىندا الەم­دىك اتى بار سپورت­شىلار بار ەمەس پە؟! بىراق ءبىز كۇمىسىمىزدى ءوز ەڭبەگىمىزبەن جەڭىپ الدىق. وسىلايشا, ك-125 ترامپلين جارىستارىنىڭ التىن جۇلدەسى جا­پونيالىقتاردىڭ القاسىنا تا­عىل­دى. ازيادانىڭ التىن مەدالىن جا­پوندىقتار اراسىندا جەكە ەسەپتە ەڭ ۇزدىك بولعان يوشيوكا كازۋيا الدى. كوماندا بولىپ جي­نالىپ, ولار – 837.6 بالل جي­نا­دى. ەكىنشى ورىندا – قازاقستان كومانداسى – 794.0 بالل. كورەيا سپورتشىلارى  770.3 بالل جيناپ, قولا جۇلدەگەر اتاندى. ايناش ەسالي.