وتستاۆكاعا كەتۋىنە جوسپار دايىنداۋدا

امەريكالىق The New York Times باسىلىمىنىڭ جازۋىنشا, اقش پرەزيدەنتىنىڭ اكىمشىلىگى مەن ەگيپەت ۇكىمەتىنىڭ ءمۇ­شەلەرى پرەزيدەنت حوسني مۇباراكتىڭ وتستاۆكاعا كەتۋىنە جوسپار دايىنداپ جاتىر. باسىلىمنىڭ تاراتقان مالىمەتتەرى بويىنشا, مۇباراك ءوزىنىڭ وتستاۆكاعا كەتۋىن جاريالايدى. ال ەگيپەتتىڭ بيلىگى وتپەلى كە­زەڭدەگى ۇكىمەتكە تاپسىرىلادى. ونى ەلدىڭ قازىرگى ۆيتسە-پرەزيدەنتى ومار سۇلەيمان باسقارادى. قازىرگى كەزدە ەل اسكەريلەرى ۆيتسە-پرەزيدەنتكە قولداۋ كورسەتۋدە. باسىلىمنىڭ دەرەكتەرىنە قا­راعاندا, وتپەلى كەزەڭدەگى ۇكىمەت بيلىكتى قولعا الا سالىسىمەن, ءبىر­دەن كونس­تي­تۋتسيالىق رەفورمالار مەن سايلاۋ زاڭنامالارىن جەتىلدىرۋگە كىرىسەدى. پرەزيدەنتتىك سايلاۋ الداعى قىركۇيەك ايىندا ءوتۋى مۇمكىن. ميانمادا جاڭا پرەزيدەنت سايلاندى پارلامەنت 4 اقپاندا ەلدىڭ جاڭا پرەزيدەنتىن سايلادى. وعان وسىعان دەيىن پرەمەر-مينيستر قىزمەتىن اتقارعان 65 جاس­تاعى وتستاۆكاداعى گەنەرال تەين سەين پرەزيدەنت بولدى. بۇل تۋرالى اسسوشەيتەد پرەسس اگەنتتىگى حابارلادى. تەين سەيننىڭ كانديداتۋراسىنا 659 پارلامەنت دەپۋتاتىنىڭ 408-ءى قولداۋ كورسەتكەن. پرەزيدەنتتىڭ وكىلەتتىك مەرزىمى – بەس جىل. ساياساتكەرلەر جاڭادان سايلانعان پرەزيدەنتتى ميانما مەملەكەتتىك كەڭەسىنىڭ توراعاسى, گەنەرال تانا شۆەنىڭ سەرىكتەسى دەپ اتايدى. بۇل ەلدە پارلامەنتتىك سايلاۋ 20 جىلدان سوڭ العاش رەت ءوتىپ, پارلامەنت تە العاش رەت قىزمەتىنە كىرىسكەن بولاتىن. جاڭا جىلدىڭ زاردابى ايتارلىقتاي قىتاي استاناسى – پەكيندە جاڭا جىلدى تويلاۋ كەزىندەگى وتشاشۋدان ەكى ادام قازا تاۋىپ, 200-دەن استام تۇرعىن جاراقات الدى. اسپاناستى ەلىندە جاڭا جىل 2 اقپاننان 3 اقپانعا قاراعان ءتۇنى كىرەدى. قىتايدا جاڭا جىلداعى ەڭ باستى مەرەكەنىڭ ءبىرى – وتشاشۋ. «نوۆوستي» اقپارات اگەنتتىگىنىڭ حابارلاۋىنشا, جارالان­عانداردىڭ باسىم كوپشىلىگى بالالار كورىنەدى. پەكيندە جاڭا جىلدىڭ العاشقى ساعاتتارىندا 161 ءورت تىركەلگەن, بۇل وتكەن جىلعى جاڭا جىلدان ەداۋىر كوپ. ال جاڭا جىلدى مەرەكەلەۋ ولاردىڭ ادەت-عۇرپى بويىنشا ەكى اپتاعا سوزىلادى. ساياسي رەفورمالاردى قولعا الماق رەيتەر اگەنتتىگىنىڭ تاراتقان اق­پا­راتتارىنا قاراعاندا, الجير پرەزيدەنتى ابدەلازيز بۋتەفليك 3 اقپاندا تاياۋ كۇن­دەرى ەلدە ساياسي رەفورمالاردى باستاۋ تۋرالى مالىمدەمە جاساعان. مەملەكەت باسشىسىنىڭ مالىمدەۋىنشە, جاقىندا 1992 جىلى ەنگىزىلگەن توتەنشە جاعداي رەجىمى الىناتىن بولادى. توتەنشە جاعداي 1992 جىلى وتكەن سايلاۋ ناتيجەسىنە بايلانىستى جاريالانعان بولاتىن. حالىقارالىق قوعامداستىق ونى ەل ازاماتتارىنىڭ قۇقىعى مەن بوستاندىعىن شەكتەيتىن, قۇقىق قورعاۋ ورگاندارىنىڭ وكىلەتتىگىن كەڭەيتەتىن شارا دەپ قابىلداعان ەدى. تەررورلىق ارەكەتتەر جاساماق بولعان تاجىكستاننىڭ اۆەستا اقپارات اگەنتتىگىنىڭ ۇلتتىق قاۋىپسىزدىك كوميتەتىنىڭ سىلتەمەسىنە وراي تاراتقان اقپاراتتارى بويىنشا, ەلدىڭ سولتۇستىگىندەگى سوگدى وبلىسى اۋماعىندا تەررورلىق ارەكەت جاساۋعا دايىندالعان دەگەن كۇدىكپەن بىرنەشە ادام تۇتقىندالدى. قۇقىق قورعاۋ ورگاندارىنىڭ ايتۋىنشا, تۇتقىندالعاندار تەررورلىق ارەكەتتەردى ەلدىڭ حۋدجاند جانە يستاراۆشان قالالارىندا اۆتوكولىكتەرگە جارىلعىش زاتتار قويۋ ارقىلى جۇزەگە اسىرماق بولعان. جارىلعىش زاتتار قويىلعان اۆتوكولىكتەر حۋدجاند قالالىق قاۋىپسىزدىك كوميتەتى, سونداي-اق ىشكى ىستەر باسقارماسى ورنالاسقان عيماراتتاردىڭ ماڭىنان تابىلعان. مۇنداي تەررورلىق ارەكەت وتكەن جىلدىڭ قىركۇيەگىندە اتالمىش قالادا جۇزەگە اسىرىلعان بولاتىن. قىسقا قايىرىپ ايتقاندا: • تۇركيانىڭ استاناسى – انكارا قالاسىنداعى ونەركاسىپ ورىندارى شوعىرلانعان ايماقتا ءبىر تاۋلىك ىشىندە ەكى جارىلىس بولدى. سونىڭ سالدارىنان 12 ادام وپات بولىپ, ونداعان تۇرعىن جاراقات الدى. الدىن الا مالىمەتتەر بويىنشا, ەكى جارىلىسقا دا گازدىڭ سىرتقا شىعۋى سەبەپ بولعان. • «قوعامدىق پىكىر» قورىنىڭ جۇرگىزگەن ساۋال­دامالارى بويىنشا, «دومودەدوۆو» اۋەجايىنداعى تەر­رورلىق ارە­كەتتەرگە قۇقىق قورعاۋ ورگاندارىنىڭ قىز­مەتكەرلەرى مەن شەنەۋنىكتەرىنىڭ سالعىرتتىعىنان جول بەرىلگەن. سۇراۋ سالعانداردىڭ 33 پايىزى وسىلاي دەپ جاۋاپ قايتارعان. • رلدپ-نىڭ ليپەتسكىدەگى بولىمشەسى رلدپ-نىڭ باس­شىسى ۆلاديمير جيرينوۆسكيدىڭ كاۆكازدىقتارعا قا­تىستى ايتقان پىكىرىنە نارازىلىق ءبىلدىردى. اقپارات­تارعا قاراعاندا ولار بۇل پىكىرلەرىن حات ارقىلى جولداعان. وعان پارتيانىڭ ونداعى بولىمشەسىنىڭ 27 مۇشەسى قول قويعان. ينتەرنەت ماتەريالدارى نەگىزىندە ازىرلەندى.