شاڭعىمەن سپورتتىق باعدارلاۋ

التىننىڭ سىڭعىرى الىستان ەستىلەدى كەشە ۇزاق قاشىقتىققا جۇگى­رۋ­دىڭ جەڭىمپازدارى انىق­تالدى. ولار – ازيا ويىن­دارى­نىڭ ءۇش دۇركىن چەمپيونى اتان­عان ولگا نوۆيكوۆا مەن ميحايل سوروكين. ەرلەر اراسىندا سوروكين قا­شىق­تىقتى 58 ءمينوت 6 سەكونتتە ءجۇرىپ وتسە, ەكىنشى بولىپ مارەگە ودان 8 ءمينوت 4 سەكونت ارتا قالعان  الەكسەي نەمتسەۆ كەلدى. ال چەمپيوننان 15 ءمينوت 50 سەكونتكە كەش كەلگەن گەرەلت-ود باياراا ءۇشىنشى ورىندى قاناعات تۇتتى. ايەلدەر اراسىندا ەۆگەنيا كۋزمينا كۇمىس جۇلدەگەر اتاندى. ول جەڭىمپازدان 17 ءمينوت 19 سەكونتكە كەشىگىپ, قا­شىقتىقتى ءجۇرىپ وتۋگە 1 ساعات 10 ءمينوت 18 سەكونت جۇمسادى. ءۇشىن­شى ورىندى وڭتۇستىككورەيالىق كيم دج يۋن الدى. ونىڭ ناتيجەسى: 1 ساعات 12 ءمينوت 56 سەكونت. بۇعان دەيىن نوۆيكوۆا مەن سوروكين سپرينتەرلىك سايىس پەن ورتاشا قاشىق­تىق­تاعى جارىستا جەڭگەن بولاتىن. بيىلعى ازيادادا باعدار­لاۋشى­لارعا تاعى ەكى ستارت قاراستىرىل­عان. 5 اقپان كۇنى ەرلەر مەن ايەلدەر اراسىندا ەستافەتالىق جارىستار وتەدى. كوسەمالى ءساتتىباي ۇلى.