عالىمداردىڭ العى شەبى

ەلباسىمىزدىڭ قازاقستان حالقىنا ارناعان «بولاشاقتىڭ ىرگەسىن بىرگە قالايمىز» اتتى جولداۋىن الماتىداعى ەكونو­ميكا ينستيتۋتىنىڭ عالىم­دارى «دوڭگەلەك ۇستەل» باسىنا جينالىپ تالقىلادى. ۇلتتىق عىلىم اكادەمياسىنىڭ اكادەميگى, ينستيتۋت ديرەكتورى ورا­زالى سابدەن جولداۋ ماتىنىنە قىسقاشا شولۋ جاساپ ءوتتى. عالىمدارعا اسىرەسە ۇناعان ءبىر جاي سول, پرەزيدەنت جول­داۋىن­دا ناقتى مىندەتتەر قويىلادى, عالىمداردىڭ نازارىن ناقتى ماسەلەلەرگە اۋدارىپ, ناقتى تاپسىرمالار بەرەدى. جولداۋ اياسىندا عالىمداردىڭ ءىس-قي­مىلى ءۇشىن مەيلىنشە كەڭ ءورىس اشىلعان. ايتالىق, ەنەرگيا ءتيىمدىلى­گى­نىڭ كەشەندى جوسپارىن جاساۋدىڭ ماڭىزى وراسان زور. وسىعان بايلانىستى 2012 جىلى وتەتىن بۇۇ-نىڭ بۇكىلالەمدىك كونگرەسىندە قازاقستان پرەزيدەنتىنىڭ ءسوز سويلەۋى جوسپارلانعان. مىنە, ينستيتۋت عالىمدارى وسى ماسەلە بويىنشا ءوز ۇسىنىستارىن ءازىر­لەۋدە. ەلباسى جولداۋىندا ءوڭىر­لەر­دىڭ دامۋ باعدارلاماسىن ازىرلەپ, بەكىتۋ جونىندە دە نۇسقاۋ بەرىلدى. وسىعان وراي ينستيتۋت ۇجىمى ويلاستىرعان, ءبىر جۇيەگە كەلتىرىلگەن ازىرلەنىمدەر بار. جولداۋ جۇگى مۇنى دا تەزىرەك جۇزەگە اسى­رۋدى تالاپ ەتەدى. عالىمدار وداعىنىڭ وتكەن ءما­جىلىسىندە حالىقتى ساپالى اۋىز سۋمەن قامتاماسىز ەتۋ ماسەلەسى قارالىپتى. وسى رەتتە جەراستى سۋ كوزدەرىن پايدالانۋ ورايىندا گيدرولوگيا ينس­تيتۋتىنىڭ ۇجىمى ۇلكەن جوبا دايىنداعان. بۇل جوبا جۇزەگە اسسا, استانا, قاراعان­دى قالالارى جانە باسقا وڭىرلەر تازا سۋمەن قامتاماسىز ەتىلمەك. سونداي-اق, جولداۋدا ۋنيۆەرسيتەتتىك ءبىلىم مەن عىلىم دامۋىن جاڭا دەڭگەيگە كوتەرۋ قاجەتتىگى وتە ورىندى ايتىل­دى. ەل پارلامەنتىندە تاياۋ ارادا «عىلىم تۋرالى» جاڭا زاڭ قارالىپ, قابىلداناتىن بولۋى دا كوڭىلگە مول ءۇمىت ۇيالاتادى. عىلىمدى قارجى­لاندىرۋدىڭ, جوسپارلاۋ مەن ۇيىمداستىرۋدىڭ جاڭا قاعيدات­تارى ىسكە قوسىلماق. سوعان وراي قابىلداناتىن قۇجاتتار جوبا­سىنا عالىمدار دا ءوز ۇسى­نىستارىن ەنگىزدى. وسى جايلاردى ايتا كەلە, و.سابدەن ەلباسىنىڭ مەرزىمىنەن بۇرىن پرەزيدەنتتىك سايلاۋ وتكىزۋ جونىندەگى شەشىمىن بىردەن-ءبىر ءادىل ءارى دۇرىس شەشىم دەپ باعا­لاپ, قولداۋىن ءبىلدىردى. بۇدان سوڭ ءسوز العان اكادەميكتەر ا.قو­شا­نوۆ, س.قيراباەۆ, م.اسىلبەكوۆ, ءو.بايمۇراتوۆ جانە باسقالار جولداۋدا العا تارتىلعان مىندەتتەرگە وراي ساليقالى وي ءبولىسىپ, ناقتى پىكىرلەر ايتتى. عالىم­دارىمىزدىڭ ەل ءومىرىنىڭ العى شەبىندە ەكەندىگى كورىنىپ تۇردى. قورعانبەك امانجول. الماتى.